Ugadi Rasi Phalalu In Telugu 2024 to 2025 : వృషభ రాశి శ్రీ క్రోధి నామ సంవత్సర ఫలితాలు - ఉగాది పంచాంగం 2024 to 2025!

Happy Ugadi 2024 to 2025: శ్రీ క్రోథి నామ సంవత్సరం వృషభ రాశి వార్షిక ఫలితాలు ఇక్కడ తెలుసుకోండి...

Image Credit: Pinterest

Sri Krodhi Nama Samvatsaram 2024 to 2025 Taurus Yearly Horoscope : శ్రీ క్రోధి నామసంవత్సరం వృషభ రాశి ఫలితాలు

వృషభ రాశి  :  కృత్తిక 2, 3, 4 పాదాలు, రోహిణి, మృగశిర 1, 2, పాదాలు
ఆదాయం : 2 వ్యయం : 8 రాజ్యపూజ్యం : 7 అవమానం : 3

శ్రీ క్రోధినామ సంవత్సరం వృషభ రాశివారికి బాగా కలిసొస్తుంది. శని శుభస్థానంలో, గురుడు సంవత్సరం మొత్తం జన్మంలో ఉండడం వల్ల మీకు మంచి అనకూల సమయం. వైవాహిక జీవితం సంతోషంగా ఉంటుంది. ప్రారంభించిన కార్యాలు విజయవంతంగా పూర్తిచేస్తారు. స్థిరాస్తులు కొనుగోలు చేస్తారు. ఉన్నత పదవులు పొందుతారు. అయితే కొన్ని ఆకస్మిక నిర్ణయాల వల్ల నష్టపోతారు, అపనిందలు, అపవాదులు ఎదుర్కోవాల్సి వస్తుంది. వాహన ప్రమాదాలున్నాయి జాగ్రత్త. దీర్ఘవ్యాధులు బారిన పడే అవకాశం ఉంది. కుటుంబంలో శుభకార్యాలు జరుగుతాయి.

ఉగాది 2024 - 2025  క్రోధి నామ సంవత్సరం  మేష రాశి ఫలితాల కోసం ఈ లింక్ క్లిక్ చేయండి

వృషభ రాశి ఉద్యోగులకు
ఈ రాశి ఉద్యోగులకు క్రోధి నామ సంవత్సరం మిశ్రమ ఫలితాలనిస్తోంది. విదేశాలలో ఉద్యోగాలు చేయాలి అనుకున్న వారి ప్రయత్నాలు ఫలిస్తాయి. ప్రభుత్వ ఉద్యోగులకు ఆకస్మిక బదిలీలు తప్పవు. ఉన్నతాధికారుల వల్ల ఇబ్బందులు ఎదుర్కొంటారు. కుటుంబానికి దూరంగా ఉండాల్సి వస్తుంది. నిరుద్యోగులు మంచి ఉద్యోగాల్లో స్థిరపడతారు. కాంట్రాక్ట్ ఉద్యోగులకు పర్మినెంట్ అవుతుంది. ఉద్యోగులు పని ప్రదేశం మారే సూచనలున్నాయి.

వృషభ రాశి వ్యాపారులకు
ఈ ఏడాది వృషభ రాశి వ్యాపారులు మంచి లాభాలు పొందుతారు. హోల్ సేల్, రీటైల్ రంగంలో ఉండే వ్యాపారులు లాభాలు ఆర్జిస్తారు. నూతన వ్యాపారం ప్రారంభించేందుకు అనుకూల సమయం. భాగస్వామ్య వ్యాపారాలు చేసేవారు కొంత నష్టపోకతప్పదు. రియల్ ఎస్టేట్ వ్యాపారులకు అనుకూల సమయం.

కళాకారులకు
ఈ ఏడాది కళాకారులకు మిశ్రమ ఫలితాలున్నాయి. ఎంత కష్టపడినా అవార్డులు , రివార్డులు పొందడం కష్టమే. టీవీ, సినిమా రంగాల్లో ఉండేవారికి అవకాశాలు అంతంతమాత్రంగానే ఉంటాయి..

రాజకీయ నాయకులకు
వృషభ రాశి రాజకీయ నాయకులకు క్రోధి నామ సంవత్సరం అనుకూల సమయం. ప్రజల్లో, అధిష్టాన వర్గాల్లోనూ మంచి పేరు సంపాదిస్తారు. ధనం మంచి నీళ్లలా ఖర్చవుతుంది కానీ ఉన్నత పదవులు లభిస్తాయి. మీ చుట్టూ ఉండేవారే మీకు అన్యాయం చేస్తారు జాగ్రత్త వహించండి.  

విద్యార్థులకు
శ్రీ క్రోధి నామ సంవత్సరం విద్యార్థులు కష్టానికి తగిన ఫలితం పొందడం కష్టమే. చదువుపై శ్రద్ధ తగ్గి ఇతర వ్యాపకాలపై దృష్టి సారిస్తారు. చెడు స్నేహాల వల్ల నష్టపోతారు. విదేశీ ప్రయాణాలు కలిసొస్తాయి. ఎంట్రన్స్ పరీక్షలలో ఆశించిన ర్యాంక్ పొందలేరు. క్రీడాకారులకు పర్వాలేదు.

వ్యవసాయదారులకు
ఈ రాశి వ్యవసాయదారులకు పంటలో మంచి దిగుబడి వచ్చినా ఆశించిన స్థాయిలో లాభం రాదు. ప్రకృతి వైపరీత్యాలు పంటనష్టాన్ని మిగులుస్తాయి.  చేసిన అప్పులు తీర్చలేరు..కౌలుదార్లకు మరింత కష్టకాలం.

వృషభ రాశి స్త్రీలకు
ఈ రాశి స్త్రీలు మిశ్రమ ఫలితాలు పొందుతారు. అవివాహితులకు వివాహం జరుగుతుంది. గర్భిణులకు ఎలాంటి సమస్యలు ఉండలు. ఉద్యోగం చేసే స్త్రీలకు కొన్ని సమస్యలు తప్పవు. కోర్టు వ్యవహారాల్లో విజయం మీదే...

ఓవరాల్ గా చెప్పాలంటే శ్రీ క్రోధి నామ సంవత్సరం వృషభ రాశివారికి శుభాశుభాలు మిశ్రమంగా ఉంటాయి. కొన్ని వ్యవహారాల్లో అనుకూలత, మరికొన్ని వ్యవహారాల్లో ప్రతికూలత ఎదుర్కోవాల్సి వస్తుంది.ఎంతో కష్టపడితే కానీ సాధారణ ఫలితం అందుకోలేరు...

మీ నక్షత్రం, రాశి ఏంటో తెలియకపోతే...మీ పేరులో మొదటి అక్షరం ఆధారంగా మీ నక్షత్రం తెలుసుకునేందుకు ఈ లింక్ క్లిక్ చేయండి...

Note: జ్యోతిష్య శాస్త్ర పండితులు చెప్పిన వివరాలు, కొన్ని పుస్తకాల ఆధారంగా రాసిన వివరాలివి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.