Ugadi Panchangam in Telugu (2024-2025) : మీ నక్షత్రం , రాశి ఏంటో తెలియదా - మీ పేరు ఆధారంగా ఇలా తెలుసుకోండి!

మీ నక్షత్రం, రాశి ఏంటో మీకు తెలుసా? కొందరికి రాశి తెలుస్తుంది నక్షత్రం తెలియదు..మరికొందరికి నక్షత్రం తెలుస్తుంది కానీ ఏ రాశి అన్నది కొంత డైలమా. ఇలాంటి సందేహాలున్నవారికే ఈ వివరాలు...

Image Credit: Pixabay

Ugadi Panchangam in Telugu  2024-2025: జాతక ఫలితాల కోసం సాధారణంగా నక్షత్రాలను పరిశీలుస్తుంటారు. ముహూర్తం నిర్ణయించాలన్నా మీ నక్షత్రం ఏంటి, రాశి ఏంటని అడుగుతుంటారు. ఇక్కడే కొంతమంది గందరగోళానికి గురవుతుంటారు. ఎందుకంటే పిల్లలు పుట్టిన సమయంలో ఉండే నక్షత్రానికి సంబంధించిన అక్షరంతో పేరు నిర్ణయించేనారు కొందరు... మరికొందరు నక్షత్రం గుర్తుంటుందనే ఉద్దేశంతో పిల్లలకు నచ్చిన పేర్లు పెట్టుకుంటారు. అందుకే నక్షత్రం ఏంటి అనేసరికి కన్ఫ్యూజ్ అవుతారు. నక్షత్రం, రాశి తెలిసినవారి సంగతి సరే కానీ...ఈ రెండు తెలియని వారు తమ పేరులో మొదటి అక్షరం ఆధారంగా ఎలా తెలుసుకోవచ్చో ఇక్కడ వివరంగా ఉంది..

• మొత్తం 27 నక్షత్రాలు (అశ్విని నుంచి రేవతి)
• 12 రాశులు ( మేష రాశి  నుంచి మీన రాశి)
• ఒక్కో నక్షత్రానికి నాలుగు పాదాలుంటాయి
• ఒక్కో రాశిలో 9 పాదాలుంటాయి...

ఒక్కో నక్షత్రానికి నాలుగు పాదాలుంటాయని చెప్పుకున్నాం కదా. ఓ నక్షత్రం కాస్త అటు ఇటుగా 24 గంటలు ఉంటుంది. 24 ని నాలుగు భాగాలు చేస్తే 6 గంటలు. అంటే నక్షత్రంలో మొదటి 6 గంటలు మొదటి పాదం, తర్వాతి 6 గంటలు రెండో పాదం, మూడో ఆరోగంటలు మూడోపాదం..ఆఖరి 6 గంటలు నాలుగోపాదం. నక్షత్రంలో మీ పాదాన్ని బట్టి మీ రాశి మారుతుందని గమనించగలరు.

నక్షత్రం తెలియని వారు మీ పేరులో మొదటి అక్షరం ఆధారంగా తెలుసుకోవచ్చు....

నక్షత్రం     పేరులో మొదటి అక్షరం

అశ్వని:    చూ/చే/చో/ లా
భరణి:     లీ/లూ/లే/లో
కృత్తిక:     ఆ/ఈ/ఊ/ ఏ
రోహిణి:     ఈ/వా/వీ/వూ
మృగశిర:  వే/వో/కా/కీ,
ఆరుద్ర:    కూ/ ఖం/ జ/ ఛా
పునర్వసు:  కే/కో/ హ/ హీ/
పుష్యమి:     హు/హే/హో/డా
ఆశ్లేష:        డీ/డూ/డే/డో
మఖ:        మా/ మి/ మూ/మే
పూర్వ ఫల్గుణి: మో /టా/ టీ/ టూ
ఉత్తర ఫల్గుణి:  టే/టో/ పా /పీ
హస్త:       వూ/షం /ణా/ ఢా
చిత్త:       పే/పో/రా/రి
స్వాతి:    రూ/ రే/ రో /లా
విశాఖ:    తీ/తూ/తే /తో
అనూరాధ:  నా /నీ /నూ /నే
జ్యేష్ట:     నో /యా /యీ/యూ
మూల:   యే /యో /బా/ బీ
పూర్వాషాడ:  బూ/ ధా /భా /ఢా
ఉత్తరాషాడ:  బే/బో / జా / జీ
శ్రవణం:   జూ/జే /జో/ ఖా
ధనిష్ట:   గా/ గీ/ గూ/గే
శతభిషం:   గో /సా/ సీ /సూ
పూర్వాభద్ర:  సే /సో/ దా/దీ
ఉత్తరా బాధ్ర: ధు/శ్చం/చా/ధా
రేవతి:   దే/దో/చా/చీ

ఏ రాశిలో ఏ ఏ నక్షత్రాలుంటాయి...

మేష రాశి
అశ్విని, భరణి, కృత్తిక మొదటి పాదం

వృషభ రాశి
కృత్తిక 2,3,4 పాదాలు, రోహిణి, మృగశిర 1,2 పాదాలు

మిథున రాశి
మృగశిర 3,4 పాదాలు, ఆరుద్ర, పునర్వసు 1,2,3 పాదాలు

కర్కాటక రాశి
 పునర్వసు నాలుగో పాదం, పుష్యమి, ఆశ్లేష

సింహ రాశి
మఘ, పుబ్బ(పూర్వ ఫల్గుణి), ఉత్తర(ఉత్తర ఫల్గుణి)1వ పాదం

కన్యా రాశి
ఉత్తర(ఉత్తర ఫల్గుణి) 2,3,4 పాదాలు, హస్త, చిత్త 1,2 పాదాలు 

తులా రాశి
చిత్త 3,4 పాదాలు, స్వాతి, విశాఖ 1,2,3 పాదాలు 

వృశ్చిక రాశి
విశాఖ 4వ పాదం, అనురాధ, జ్యేష్ఠ 

ధనస్సు రాశి
మూల, పూర్వాషాఢ, ఉత్తరాషాఢ 1వ పాదం

మకర రాశి
ఉత్తరాషాఢ 2,3,4 పాదాలు, శ్రవణం, ధనిష్ఠ 1,2 పాదాలు

కుంభ రాశి
ధనిష్ఠ 3,4 పాదాలు, శతభిషం, పూర్వాభాద్ర 1,2,3 పాదాలు 

మీన రాశి
పూర్వాభాద్ర 4వ పాదం, ఉత్తరాభాద్ర, రేవతి

Note: జ్యోతిష్య శాస్త్ర పండితులు చెప్పిన వివరాలు, కొన్ని పుస్తకాల ఆధారంగా రాసిన వివరాలివి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.