Roster Dating : ఎవరితోనైనా, ఎందరితోనైనా, ఎప్పుడైనా డేట్ చేయొచ్చట.. రోస్టర్ డేటింగ్​లో అమ్మాయిలదే హవా

New Dating Trend : మారుతున్న కాలంతో పాటు అమ్మాయిలు కూడా మారుతున్నారు. డేటింగ్ విషయంలో కూడా ఎక్కడా తగ్గకుండా కొత్తదనాన్ని కోరుకుంటున్నారు. అలాంటి వాటిలో రోస్టర్ డేటింగ్ కూడా ఒకటి. 

రోస్టర్ డేటింగ్ (Image Source : Envato)

Source : envato

Roster Dating Meaning : ఫాంటసీలు, అమ్మాయిలు డెడ్లీ కాంబినేషన్​ అనే చెప్పొచ్చు. ఓ స్టడీ ప్రకారం అబ్బాయిల కంటే అమ్మాయిలే ఫాంటసీ వరల్డ్​లో ఎక్కువగా ఉంటారని తేలింది. ముఖ్యంగా ఫిక్షనల్ స్టోరీలు చూసి.. లేదా ఫిక్షనల్ క్యారెక్టర్ చూసి.. వాటిపై మనసు పారేసుకుంటారు. వాటివల్ల వారి ఎక్స్​పెక్టేషన్స్ కూడా ఎక్స్​ట్రీమ్​గానే ఉంటాయి. వాటన్నింటినీ తీసుకెళ్లి తమ బాయ్ ఫ్రెండ్​ మీద చూపించేస్తూ ఉంటారు. అతను ఆ అంచనాలను రీచ్​ కాకపోతే అదో లొల్లి. అయితే ఇలాంటి ఇబ్బందులు లేకుండా.. వారి ఫాంటసీలు కూడా తీర్చుకునేలా అమ్మాయిలు ఓ కొత్త డేటింగ్ ట్రెండ్​ను ఫాలో అవుతున్నారు. 

రోస్టర్ డేటింగ్..

Gen Zలోని సింగిల్ అమ్మాయిలు ఫాలో అవుతున్న ట్రెండ్​లలో రోస్టర్ డేటింగ్ ఒకటి. ఈ రోస్టర్ డేటింగ్ అర్థమేమిటంటే.. తమ రొమాంటిక్ డిజైర్​లను ఒక అమ్మాయి లేదా అబ్బాయి.. ఒకే సమయంలో ఎక్కువమందితో విడతలవారీగా తీర్చుకోవడమే రోస్టర్ డేటింగ్. ఈ డేటింగ్​లో అమ్మాయి అయినా.. అబ్బాయి అయినా ఒకే సమయంలో విడతలవారీగా వేర్వేరు వ్యక్తులతో తమ రొమాంటిక్ డిజైర్స్​ని తీర్చుకోవడమే రోస్టర్ డేటింగ్.  

అమ్మాయిలే ఎక్కువట.. 

ఈ రోస్టర్ డేటింగ్ ట్రెండ్​ని ఎక్కువ మంది ఒంటరి మహిళలు ఫాలో అవుతున్నారట. వారిలోని రొమాంటిక్ డిజైర్స్​ని వేర్వేరు వ్యక్తులతో తీర్చుకుంటారనే టాక్ సోషల్ మీడియాలో ఎక్కువగా నడుస్తోంది. విభిన్న వ్యక్తులను వయసుతో సంబంధం లేకుండా మీట్ అవ్వడం.. వారితో రొమాంటిక్ రిలేషన్​ని పెంపొందించుకోవడం చేస్తున్నారట. తమ పరిధిని  చాలా కాన్ఫిడెన్స్​గా, ఓపెన్​గా చెప్తూ ఈ డేటింగ్ ఫాలో అవుతున్నారట. 

తమ ఒపీనియన్స్​ని, డిజైర్స్​ని ఓపెన్​గా చెప్తూ.. సీరియస్ రిలేషన్​ లేదు అంటూనే ఈ డేటింగ్ ట్రెండ్​ని ఫాలో అవుతున్నారు. ఇక్కడ ఇంట్రెస్టింగ్ విషయమేమిటంటే.. దీనిని మగవారికంటే ఆడవారే ఎక్కువగా ఫాలో అవుతున్నారట. తమ ఛాయిస్ విషయాల్లో కాంప్రిమైజ్ కాకుండా.. తమకు నచ్చిన వాటిని.. నచ్చిన వారినుంచి ఓపెన్​గా తీసుకుంటున్నారు. సీరియస్ రిలేషన్​లో లేకుండా తమ డిజైర్ తీర్చుకుంటూ.. వ్యక్తిగత అభివృద్ధివైపు అడుగులు వేస్తున్నారు. 

ఈ డేటింగ్ ట్రెండ్​ ఫన్​తో పాటు.. పర్సనల్ గ్రోత్​కి మంచిదని నేటితరం భావిస్తున్నారు. ఈ రోస్టర్ డేటింగ్​ని మహిళలు ఫాలో అవ్వడానికి ఇది కూడా ఓ రీజనే. దీనివల్ల ఒకే వ్యక్తితో త్వరగా అటాచ్ అవ్వకుండా.. లేదా ఎమోషనల్​గా దగ్గరకాకుండా ఉండేందుకు హెల్ప్ చేస్తుంది. ఎక్కువ కనెక్షన్స్​ వల్ల తమ ఇండిపెండెన్స్​కి ఎలాంటి ఇబ్బంది కలిగించదని భావిస్తున్నారు. అందుకే ఈ ట్రెండ్​ వైపు ఎక్కువ మొగ్గు చూపుతున్నారు. 

ఈ రోస్టర్ డేటింగ్ పర్సనల్​ లైఫ్​పై ప్రేమ ఇంపాక్ట్ లేకుండా చేయడంలో హెల్ప్ చేస్తుంది. అలాగే కొత్త అనుభవాలను పొందడంలో, ఎక్స్​ప్లోర్ చేయడంలో, ఫన్ ఇవ్వడంలో ముఖ్యపాత్ర పోషిస్తుంది. అంటే వయసుతో సంబంధం లేకుండా పెద్ద, చిన్న, సేమ్ ఏజ్ అయినా.. వారితో ఒకే సమయంలో డేటింగ్ చేసి.. రొమాంటిక్​గా ఎక్స్​ప్లోర్​ చేయడంలో హెల్ప్ చేస్తుంది. సొంత ఆనందాలకు ప్రాధన్యతనిచ్చుకునేవారికి ఇది పర్​ఫెక్ట్ డేటింగ్ ట్రెండ్ అనే చెప్పొచ్చు.