Bhagavad Gita: భగవద్గీత - జీవితాన్ని నరకం చేయగల 3 విషయాలు! వాటినుండి ఎలా బయటపడాలి? తప్పక తెలుసుకోండి!
Bhagavad Gita: నరకానికి మూడు ద్వారాలు ఉంటాయని భగవద్గీతలో శ్రీకృష్ణుడు చెప్పాడు. వాటినుండి దూరంగా ఉండాలని సూచించాడు. ఏంటా మూడు ద్వారాలు?
Bhagavad Gita: శ్రీమద్ భగవద్గీత సనాతన ధర్మానికి సంబంధించిన అత్యంత పవిత్రమైన గ్రంథం. ఇందులో శ్రీకృష్ణుడు ధర్మం, కర్మ, ప్రేమ, మోక్షం, న్యాయం గురించి అనేక విషయాలు చెప్పాడు. మహాభారత యుద్ధ భూమిలో శ్రీకృష్ణుడు అర్జునుడికి ఇచ్చిన జ్ఞానాన్ని మనం గీతా ఉపదేశం లేదా గీతా జ్ఞాన్ అని పిలుస్తారు. గీతలో సంపూర్ణ జీవితానికి సంబంధించిన తత్వశాస్త్రం. దీనిని అనుసరించే వ్యక్తి అన్ని సమస్యల నుంచి విముక్తి పొంది సుఖకరమైన జీవితాన్ని గడుపుతాడని చెబుతారు ఆధ్యాత్మిక వేత్తలు.
గీతలో శ్రీకృష్ణుడు మూడు నరకాల గురించి చెప్పాడు. ఇది జీవితకాలంలో దర్శనం ఇచ్చే నరకం. కాబట్టి మీరు సుఖకరమైన జీవితాన్ని గడపాలనుకుంటే, ఈ మూడు నరకాలకు దూరంగా ఉండండి. ఆ మూడు నరకాలు ఏమిటో తెలుసుకుందాం-
త్రివిధం నరకస్యేదం ద్వారం నాశనమాత్మనః।
కామః క్రోధస్తథా లోభస్తస్మాదేతత్త్రయం త్యజేత।।
భగవద్గీత, అధ్యాయం 16, శ్లోకం 21।।
శ్రీకృష్ణుని ప్రకారం, కామం, క్రోధం, లోభం అనేవి ఆత్మను పూర్తిగా నాశనం చేసే మూడు నరకాలు. గీతలో స్వర్గం - నరకం రెండింటి గురించి చెప్పారు. కామం, క్రోధం , లోభం వంటి చెడు లక్షణాలను అనుసరించే వారికి నరకం తలుపులు తెరుచుకుంటాయి. అందుకే కృష్ణుడు వాటికి దూరంగా ఉండమని సలహా ఇచ్చాడు. ఆ మూడింటి నుంచి విముక్తి పొందడానికి ఉపదేశం ఇచ్చాడు
కామం లేదా వాంఛ
ఏదైనా అతి కోరిక జీవితంలో ఎప్పుడూ మంచిది కాదు. ఇది మనిషిని నశ్వరమైన , సత్యానికి దూరంగా ఉన్న భౌతిక ప్రపంచం నుంచి బంధిస్తుంది. కామం లేదా వాంఛ ప్రభావంలో వ్యక్తి స్థూలమైన వాటి నుంచి పారిపోతాడు. కళ్ళు తెరిచుకున్నప్పుడు, మరణం సమీపించినప్పుడు తన జీవితమంతా కామం లేదా వాంఛలో వృధా చేశానని అర్థం చేసుకుంటాడు. దీనికి రావణుడే ఉదాహరణ. ఓ స్త్రీపై మోహంతో తనను తాను నాశనం చేసుకున్నాడు.
క్రోధం
కోపం, క్రోధం లేదా దూకుడు వ్యక్తి ఆలోచించే సామర్థ్యాన్ని తగ్గిస్తుంది. కోపంతో, వ్యక్తి ఎప్పుడూ సరైన నిర్ణయం తీసుకోలేడు. అలాగే కోపం ప్రియమైన వారిని కూడా దూరం చేస్తుంది.
లోభం లేదా దురాశ
మనిషిలో లోభం లేదా దురాశ స్వభావం వల్ల ఎప్పుడూ మేలు జరగదు. కర్మ తప్పించుకోవడం సాధ్య కాదు. ప్రకృతి బోధించేది కూడా లోభం, దురాశకు దూరంగా ఉండమనే..అందుకే అన్నీ ప్రసాదిస్తుంది. సూర్యుడు కాంతిని ఇస్తాడు, నదులు నీటిని ఇస్తాయి. చెట్లు పండ్లు, ఆహారం గాలిని ఇస్తాయి. ఇదే నియమం మనుషులకు కూడా వర్తిస్తుంది. లోభంతో, వ్యక్తి దొంగతనం, మోసం, దోపిడీ, పక్షులు , జంతువులను దోపిడీ చేయడం, హత్య వంటి అనేక పనులు చేస్తాడు, దీనివల్ల అతని పాప కర్మలు పెరుగుతాయి నరకానికి మార్గం సుగమం అవుతుంది.
గమనిక: ఇక్కడ అందించిన సమాచారం ప్రవచన కర్తలు, ఆధ్యాత్మిక గ్రంధాల నుంచి సేకరించింది మాత్రమే. దీనిని ఎంతవరకూ విశ్వశించాలి అనేది పూర్తిగా మీ వ్యక్తిగతం.
షేర్ మార్కెట్ ఏ నెలలో పెరుగుతుంది , ఏ నెలలో డౌన్ అవుతుంది - ఇప్పుడు పెట్టుబడులు పెట్టడం సేఫేనా తెలుసుకునేందుకు ఈ లింక్ క్లిక్ చేయండి
బంగారం, వెండి ధరల్లో భారీ హెచ్చు తగ్గులు..ఏ ఏ నెలల్లో పుత్తడి ధర తగ్గుతుందో పూర్తి సమాచారం కోసం ఈ లింక్ క్లిక్ చేయండి
తిరుమలలో ఉన్నది రాతి విగ్రహం కాదు.. సజీవంగా నిల్చున్న శ్రీ వేంకటేశ్వరుడు - తిరుమలలో జరిగే సేవలేంటి? ఏ సేవలో ఏం చేస్తారు? ఏ సేవకు వెళితే మంచిది? ఈ వివరాల కోసం ఈ లింక్ క్లిక్ చేయండి
టాప్ హెడ్ లైన్స్
ట్రెండింగ్ వార్తలు
