Sajjala On Pavan : చంద్రబాబును సీఎం చేయడానికి బ్రోకరిజం - పవన్‌పై సజ్జల తీవ్ర విమర్శలు

పవన్ కల్యాణ్‌పై తీవ్ర విమర్శలు చేశారు సజ్జల రామకృష్ణారెడ్డి. చంద్రబాబును సీఎం చేయడానికి బ్రోకరిజం చేస్తున్నారని విమర్శించారు.

పవన్‌పై సజ్జల ఘాటు విమర్శలు

Sajjala On Pavan :  చంద్రబాబును ముఖ్యమంత్రిని చేయడానికి జనసేన అధినేత పవన్ కల్యాణ్ ( Pavan Kalyan ) బ్రోకరిజం చేస్తున్నట్లుగా ఉందని ప్రభుత్వ ముఖ్య సలహాదారు సజ్జల రామకృష్ణారెడ్డి ( Sajjala )  తీవ్ర వ్యాఖ్యలు చేశారు. అమరావతిలో మీడియాతో మాట్లాడిన ఆయన  బీజేపీ, జనసేన పొత్తుల  ( BJP ) గురించి మాకు సంబంధం లేదంటూనే పవన్‌పై వ్యాఖ్యలు చేశారు.  పొత్తుల వల్ల ప్రజల్ని మభ్యపెట్టడమే అవుతుందని.. తమకు పొత్తులపై విశ్వాసం లేదన్నారు. ప్రజలకు ఏం చేస్తున్నామనేదే ముఖ్యమని అధికారం కోసమే జరిగే పొత్తులు కరెక్ట్‌ కాదనేది మా అభిప్రాయన్నారు. 

రాజ‌కీయంగా సీరియస్‌గా ఉన్న వాళ్లు ఒంట‌రిగానే పోటీ చేయాల‌ని అనుకుంటార‌ని స‌జ్జ‌ల అన్నారు. అయితే ప‌వ‌న్ క‌ల్యాణ్ ఓ రాజ‌కీయ నాయ‌కుడిగా కాకుండా ఓ విశ్లేష‌కుడిగా పొత్తుల‌పై ఆప్ష‌న్లు ఇచ్చార‌ని ఆయ‌న వ్యాఖ్యానించారు. జ‌న‌సేన త‌న పార్టీ అన్న విష‌యాన్ని ప‌వ‌న్ మ‌రిచిపోయిన‌ట్టుగా ఉన్నార‌న్నాపు,  చంద్ర‌బాబు ( Chandra babu ) వ్యూహాల‌నే ప‌వ‌న్ వ‌ల్లె వేస్తున్న‌ట్లుగా అనిపిస్తోంద‌ని ఆయ‌న వ్యాఖ్యానించారు. పొత్తుల‌పై ప‌వ‌న్ ఓ మాట‌, జ‌న‌సేన‌తో పొత్తు క‌లిగిన బీజేపీ నేత‌లు మ‌రో మాట మాట్లాడుతున్నార‌ని స‌జ్జ‌ల అన్నారు.

ఎవరో కట్టిన ట్యూన్‌కు పవన్‌ రాగం అందుకున్నట్లు ఉందని సజ్జల రామకృష్ణారెడ్డి విమర్శించారు. సొంతంగా అధికారంలోకి రావాలనుకుంటే ఆప్షన్లు ఎందుకు అని పవన్ కల్యాణ్‌ను ప్రశ్నించారు. ఇతర పార్టీలది  ఉనికి కోసం ప్రయత్నం అని విమర్శిచారు. వైఎస్ఆర్‌సీపీని ( YSRCP )  ఓడిస్తామనే భ్రమలో ఇతర పార్టీలు ఉన్నట్లున్నాయని...  సీఎం జగన్‌కు ( CM Jagan )  ప్రజలపై పూర్తి విశ్వాసం ఉందన్నారు.  వచ్చే ఎన్నికల్లోనూ వైఎస్ఆర్‌సీపీకి ఆదరణ ఉంటుందని సజ్జల స్పష్టం చేశారు.  

ఎన్నికలకు చాలా సమయం ఉన్నప్పటికీ ..ఏపీలో పొత్తులపై ( Political Alliance ) రాజకీయ పార్టీలు విస్తృతంగా పొత్తులపై విస్తృతంగా చర్చలు జరుపుతున్నాయి. ఓట్లు చీలకూడదని కొన్ని పార్టీలు... దమ్ముంటే ఒంటరిగా పోటీ చేయాలని మరికొన్నిపార్టీలు సవాళ్లు విసురుకుంటున్నాయి. దీంతో ఏపీ రాజకీయం వేడెక్కుతోంది.