Morning Drinks for Health : ఉదయం ఖాళీ కడుపుతో ఇవి తాగితే.. అసిడిటీ, గ్యాస్, అలసట అన్నీ తగ్గిపోతాయట

Morning Detox Drinks : ఆరోగ్యానికి మేలు చేసేవి చాలా వంటింటిలోనే ఉంటాయి. అలాంటి వాటిలో ఓ 5 రోజూ ఉదయాన్నే తీసుకుంటే.. జీర్ణ సమస్యలు దూరమవుతాయని చెప్తున్నారు. అవేంటంటే..

ఉదయాన్నే ఈ డ్రింక్స్ తాగితే కలిగే లాభాలివే

సోంపు నీటిని ఉదయాన్నే తాగితే.. అసిడిటీ, కడుపు మంట తగ్గుతుంది. ఇందులో ఉండే ఎనెథోల్ అనే సమ్మేళనం కడుపు కండరాలను సడలించి.. గ్యాస్, నొప్పిని తగ్గించడంలో సహాయపడుతుంది. ఉదయం ఒక కప్పు నీటిలో కొద్దిగా సోంపు ఉడకబెట్టి తాగడం వల్ల కడుపు తేలికగా, హాయిగా ఉంటుంది.

వాము, జీలకర్ర.. గ్యాస్, కడుపు ఉబ్బరం తగ్గిస్తాయి. ఈ రెండు మసాలా దినుసులలో జీర్ణక్రియను వేగవంతం చేసే,పేగులలో పేరుకుపోయిన గ్యాస్​ను నెమ్మదిగా బయటకు పంపడంలో సహాయపడే నూనెలు ఉన్నాయి. వాటిని కొద్దిగా వేడి చేసి గోరువెచ్చని నీటితో తాగడం వల్ల పొట్ట తేలికగా అనిపిస్తుంది.