Jyothi Rai Engagement: ఆ దర్శకుడితో ‘గుప్పెడంత మనసు’ జ్యోతి రాయ్ ఎంగేజ్మెంట్, ఆ రూమర్స్ నిజమైన వేళ!

టీవీ సీరియల్స్‌లో తల్లి పాత్రల్లో జీవించే జ్యోతిరాయ్.. సోషల్ మీడియాలో ఎంత హాట్‌గా కనిపిస్తారో తెలిసిందే. ‘గుప్పెడంత మనసు’ సీరియల్ లో జగతి పాత్రతో తెలుగు ప్రేక్షకుల మనసు దోచుకున్న ఈ నటి.. భర్తతో విడాకులు తీసుకున్నట్లు తెలిసింది. ఇటీవల ఆమె యువ దర్శకుడు పూర్వజ్‌తో సన్నిహితంగా ఉన్న ఫొటోలు బయటకు వచ్చాయి. దీంతో ఆమె ఆ దర్శకుడితో ప్రేమలో పడిందంటూ వార్తలు వచ్చాయి. దీనిపై ఆమె ఆగ్రహం వ్యక్తం చేస్తూ.. సోషల్ మీడియాలో కౌంటర్ ఇచ్చింది. ‘‘మీకు అర్థం కాని దాని గురించి విమర్శలు చేయకండి. మీరు ఎప్పటికీ నా జీవితంలోకి వచ్చి చూడలేరు’’ అని పేర్కొంది. అయితే, ఆ రూమర్స్‌నే నిజం చేస్తూ శుక్రవారం ఆమె మరికొన్ని ఫొటోలు పోస్ట్ చేసింది. నేరుగా చెప్పకుండా ఎంగేజ్మెంట్ రింగ్ ఎమోజీ సింబల్‌తో క్యాప్షన్ ఇచ్చింది. దీంతో ఆమె ఆ దర్శకుడిని త్వరలోనే పెళ్లాడబోనుందని, ఎంగేజ్మెంట్ కూడా చేసుకుందంటూ వార్తలు వస్తున్నాయి. అయితే, ఆ ఈ విషయాన్ని అధికారికంగా ప్రకటించాల్సి ఉంది. - Image Credit: Jyothi Rai/Instagram

పూర్వజ్‌తో జ్యోతి రాయ్ - Image Credit: Jyothi Rai/Instagram