Megastar Chiranjeevi : చిరు డైరెక్షన్ లో రాఘవేంద్రరావు.. కాంబో అదుర్స్ కదూ..

చిరు డైరెక్షన్ లో రాఘవేంద్రరావు

వందకి పైగా సినిమాలను డైరెక్ట్ చేసిన దర్శకేంద్రుడు రాఘవేంద్రరావు తొలిసారి నటుడిగా మారనున్నారు. 'పెళ్లి సందD' సినిమాలో ఆయన వశిష్ట అనే పాత్రలో కనిపించబోతున్నారు. రీసెంట్ గా ఆయన ఫస్ట్ లుక్ ను రివీల్ చేస్తూ చిన్న వీడియోను విడుదల చేశారు. ఇందులో రాఘవేంద్రరావుని స్టైలిష్ లుక్ లో చూపించి సినిమాపై బజ్ క్రియేట్ చేశారు. 

శతాధిక చిత్రాల దర్శకుడిగా సినీ ఇండస్ట్రీలో గుర్తింపు తెచ్చుకున్న రాఘవేంద్రరావు నటుడిగా మారుతున్నారని తెలిసి సెలబ్రిటీలంతా ఒక్కొక్కరూ ఒక్కో విధంగా స్పందించారు. పవన్ కళ్యాణ్, చిరంజీవి లాంటి స్టార్ హీరోలు సోషల్ మీడియా వేదికగా రాఘవేంద్రరావుపై ప్రేమను కురిపించారు. అయితే రీసెంట్ గా చిరు, రాఘవేంద్రరావుల మధ్య ఓ ఫన్నీ సంభాషణ జరిగినట్లుగా తెలుస్తోంది.