Pawan Kalyan : షూటింగులోనూ సేమ్ టీ గ్లాసుతో పవర్ స్టార్ - కొత్త సినిమాలో లుక్ చూశారా?

పవర్ స్టార్ పవన్ కళ్యాణ్ పార్టీ 'జనసేన' గుర్తు తెలుసుగా? టీ గ్లాసు. పార్టీ పెట్టక ముందు నుంచి అటువంటి గ్లాసులో టీ తాగడం పవన్ అలవాటు. కొత్త సినిమా సెట్స్ లోనూ సేమ్ టీ గ్లాసుతో పవన్ కనిపించారు. 

పవన్ కళ్యాణ్ లేటెస్ట్ ఫోటోలు

పవర్ స్టార్ పవన్ కళ్యాణ్, ఆయన మేనల్లుడు సాయి ధరమ్ తేజ్ నటిస్తున్న సినిమా బుధవారం (ఫిబ్రవరి 22న) సెట్స్ మీదకు వెళ్ళింది.

సముద్రఖని దర్శకత్వంలో వచ్చిన తమిళ హిట్ సినిమా 'వినోదయ సీతం' తెలుగు రీమేక్ ఇది. పీపుల్స్ మీడియా ఫ్యాక్టరీ, జీ స్టూడియోస్ సంస్థలు నిర్మిస్తున్నాయి. తెలుగులో కూడా సముద్రఖని దర్శకత్వం వహిస్తున్నారు. త్రివిక్రమ్ స్క్రీన్ ప్లే, మాటలు అందిస్తున్నారని సమాచారం.

సినిమా షూటింగ్ తొలి రోజున సెట్స్ లో స్క్రిప్ట్ చదువుతూ గాజు టీ గ్లాసుతో పవన్ కళ్యాణ్ ఇలా కనిపించారు. 

సినిమాలో పవన్ కళ్యాణ్ సేమ్ లుక్ తో కనిపించనున్నారు. ఈ లుక్ ఆయన అభిమానులకు విపరీతంగా నచ్చింది. 

పవన్ కళ్యాణ్ తనకు మావయ్య మాత్రమే కాదని, తనకు జీవితంలో అన్నీ నేర్పిన గురువు అని సాయి ధరమ్ తేజ్ 'అన్ స్టాపబుల్' షోలో చెప్పారు. 

పవన్ కళ్యాణ్, సాయి ధరమ్ తేజ్ తొలిసారి స్క్రీన్ షేర్ చేసుకుంటున్నారు. సో, ఈ సినిమా మెగా ఫ్యామిలీ,ఫాన్స్ కు స్పెషల్ అని చెప్పాలి. 

పవన్ కళ్యాణ్ లేటెస్ట్ ఫోటోలు