In Pics: కడప జిల్లాలో జలవిలయం.. రంగంలోకి సహాయక బృందాలు

కడప జిల్లాలో భారీ వర్షాలు

కడప జిల్లాలో చెన్నేకొత్తపల్లి మండలం ధర్మవరం కొత్తచెరువు మార్గ మధ్యలో వెల్దుర్తి వద్ద నీటి ప్రవాహంలో 11 మంది చిక్కుక్కున్నారు. జేసీబీపైకి ఎక్కి సాయం కోసం ఆర్తనాదాలు చేశారు

స్పందించిన స్థానికులు కారుకు అడ్డంగా జేసీబీ నిలిపి 11 మందిని కాపాడారు. చుట్టూ నీటి ఉద్ధృతి పెరిగిపోతుండటంతో హెలికాప్టర్ రంగంలోకి దించి వారిని రక్షించారు ఎన్డీఆర్ఎఫ్ బృందాలు.

వరద ముంపులో చిక్కుకున్న వారిని రక్షిస్తున్న సహాయక బృందాలు

ఎలికాఫ్టర్ సాయంతో ముంపులో చిక్కుక్కున్న వారిని రక్షించారు

వరద ఉద్ధృతిలో చిక్కుక్కున్న మూడు ఆర్టీసీ బస్సులు, వెంటనే రంగంలోకి దిగిన పోలీసు, విపత్తు సహాయక బృందాలు వారిని రక్షించారు. తాళ్ల సాయంతో నీటిలోకి దిగి రెండు బస్సులోని 30 మందిని రెస్క్యూ బృందాలు కాపాడారు.

30 మంది ఆర్టీసీ ప్రయాణికులను శ్రమించి రక్షించిన పోలీసు, అగ్నిమాపక సిబ్బంది. అన్నమయ్య డ్యామ్ మట్టి కట్ట తెగడంతో మన్నూరు పోలీస్ స్టేషన్ పరిధిలోని గుండ్లూరు చెక్ పోస్టు వద్ద ప్రధాన రహదారిపైకి నీరు చేరింది.

పుత్తూరు రేణిగుంట మధ్య పూడి వద్ద రైల్వే ట్రాక్ బ్రిడ్జి వంతెన, కడప జిల్లా నందలూరు వద్ద ఒక కిలోమీటర్ రైల్వే ట్రాక్ కొట్టుకుపోవడంతో రైల్వే అధికారులు కొన్ని రైళ్లను రద్దు చేశారు.

చిన్నచౌకు ఎస్.ఐ ఎస్.కె రోషన్ మానవత్వం చాటుకున్నారు. వరద గుప్పిట ఇంట్లో బిక్కు బిక్కు మంటున్న వృద్ధులను సురక్షిత ప్రాంతానికి తరలించారు.

వరద ముంపులో చిక్కుక్కున్న బస్సులు, సాయం కోసం బస్సులపైకి ఎక్కి నిలుచున్న ప్రయాణికులు

వరద నీటిలో మునిగిపోతున్న పల్లె వెలుగుబస్సు