US Iran War Updates: యుద్ధాన్ని ముగించడానికి ఇరాన్ ముందు 5 కీలక కండీషన్లు పెట్టిన డొనాల్డ్ ట్రంప్

US Iran War Latest News | యుద్ధాన్ని సాధ్యమైనంత త్వరగా ముగించాలని భావించిన అమెరికా అధ్యక్షుడు డొనాల్డ్ ట్రంప్ ఇరాన్ ముందు 5 కండీషన్లు పెట్టారు. ఈ విషయాన్ని ఇరాన్ మీడియా వెల్లడించింది.

ఇరాన్ ముందు 5 కండీషన్లు పెట్టిన డొనాల్డ్ ట్రంప్

Source : सोशल मीडिया

Show Quick Read

Key points generated by AI, verified by newsroom

• అమెరికా, ఇరాన్ మధ్య చర్చల్లో కీలక షరతులు, విభేదాలు బయటపడ్డాయి.
• ఇరాన్ తన 400 కిలోల యురేనియంను అమెరికాకు అప్పగించాలని డిమాండ్.
• ఇరాన్ తన అణు కర్మాగారాల్లో ఒకదాన్ని మాత్రమే సక్రియంగా ఉంచాలి.
• ఇరాన్ ఆంక్షల తొలగింపు, ఆస్తుల విడుదల కోరుతోంది.

వాషింగ్టన్: పశ్చిమాసియాలో అమెరికా, ఇరాన్ మధ్య కొనసాగుతున్న ఉద్రిక్తతలను ముగించేందుకు ఇరు దేశాల నుంచి ప్రయత్నాలు జరుగుతున్నాయి. కానీ ఒకరి కండీషన్లకు మరొకరు అంగీకరించడం లేదు. ఇటీవల దాదాపు 14 పాయింట్ల ఫార్ములాను ఇరాన్ పంపగా అమెరికా రిజెక్ట్ చేసింది. ఉద్రిక్తతలు తమకు కూడా నష్టాన్ని కలిగిస్తుండటంతో త్వరగా ముగించడానికి ఇరాన్ ముందు అమెరికా 5 ప్రధాన కండీషన్లు పెట్టినట్లు తెలుస్తోంది. ఇందులో ఇరాన్ అణు కర్మాగారాలు, యురేనియం సహా అనేక ఇతర అంశాల్ని డొనాల్డ్ ట్రంప్ ప్రస్తావించారు.

ఇరాన్ ముందు అమెరికా ఏ షరతులు పెట్టింది?

ఇరాన్ ప్రభుత్వ ఫార్స్ న్యూస్ ఏజెన్సీ నివేదిక ప్రకారం.. అమెరికా చర్చల సందర్భంగా తన మొదటి కండీషన్లో టెహ్రాన్ పై ఇప్పటికే విధించిన ఆంక్షలు, తన విధానాల వల్ల ఇరాన్ కు జరిగిన నష్టానికి ఎలాంటి పరిహారం ఇవ్వదని పేర్కొంది. దీనంతో పాటు, ఇరాన్ తన 400 కిలోల సుసంపన్న యురేనియంను వాషింగ్టన్ కు అప్పగించాలని అమెరికా డిమాండ్ చేసినట్లు సమాచారం.

అంతేకాకుండా, అమెరికా 3వ కండీషన్.. ఇరాన్ తన మొత్తం అణు సౌకర్యాలలో (న్యూక్లియర్ ఫెసిలిటీస్) ఒకదాన్ని మాత్రమే సరిగ్గా ఉంచుకోవచ్చని పేర్కొంది. నాల్గో కండీషన్..  ఇరాన్‌కు విదేశాలలో ఉన్న ఆస్తులలో 25 శాతం తిరిగి విడుదల చేయడానికి అమెరికా నిరాకరించింది. దీంతో పాటు 5వ కండీషన్లో అమెరికా వివిధ రంగాలలో ఉద్రిక్తతలు ముగించడానికి చర్చలలో పురోగతి, ముగింపు కోసం ఇరాన్‌పై ఒత్తిడి చేసింది. 

యుద్ధంలో సాధించలేని వాటిని డిమాండ్ చేస్తున్న US

ఇరాన్ మెహర్ న్యూస్ ఏజెన్సీ అమెరికా కండీషన్లపై ఇలా రిపోర్ట్ చేసింది. 'అమెరికా యుద్ధాన్ని ముగించడానికి ఇరాన్ ప్రతిపాదనపై ఎలాంటి స్పష్టత ఇవ్వలేదు. అమెరికా యుద్ధంలో సాధించలేని అన్ని డిమాండ్లను చర్చల ద్వారా నెరవేర్చుకోవాలని కోరుకుంటోంది. దీనివల్ల చర్చలు మళ్లీ మొదటికి రానున్నాయి' అని పేర్కొంది.

ఇరాన్ కూడా చర్చల కోసం నమ్మకాన్ని పెంపొందించే 5 ముందస్తు షరతులు అమెరికా ముందు పెట్టిందని మీడియా తెలిపింది. ఇందులో అన్ని రంగాలలో పోరాటాన్ని ముగించడం, ముఖ్యంగా లెబనాన్ లో ఉద్రిక్తతలను తగ్గించడాన్ని ప్రస్తావించింది. ఇరాన్ పై, హర్మూజ్ జలసంధింపై విధించిన ఆంక్షలను, దిగ్బంధనం తొలగించడం, దాని స్తంభింపచేసిన విదేశీ ఆస్తులను విడుదల చేయడం వంటి కండీషన్లు ఉన్నాయి. దీంతో పాటుగా యుద్ధం వల్ల తమకు జరిగిన నష్టానికి పరిహారం, ప్రపంచ చమురు సరఫరా కోసం హర్మూజ్ పై తన సార్వభౌమాధికారాన్ని గుర్తించాలని అగ్రరాజ్యం అమెరికాను ఇరాన్ డిమాండ్ చేసింది.

మరిన్ని చదవండి

అమెరికా, చైనా సూపర్ పవర్స్.. చైనా రెండో స్థానంలో ఉంటుంది- డొనాల్డ్ ట్రంప్ సంచలన వ్యాఖ్యలు

47 ఏళ్లుగా ఇరాన్ మాతో గేమ్స్ ఆడుతోంది, ఇకపై వాళ్లు నవ్వలేరు: డొనాల్డ్ ట్రంప్