Donald Trump China Visit: అమెరికా, చైనా సూపర్ పవర్స్.. చైనా రెండో స్థానంలో ఉంటుంది- డొనాల్డ్ ట్రంప్ సంచలన వ్యాఖ్యలు

Donald Trump China Tour | చైనాతో తమకు సంబంధాలు మెరుగ్గానే ఉన్నాయని, తమ రెండు దేశాలు సూపర్ పవర్స్ అని అమెరికా అధ్యక్షుడు డొనాల్డ్ ట్రంప్ ఆసక్తికర వ్యాఖ్యలు చేశారు.

అమెరికా అధ్యక్షుడు డొనాల్డ్ ట్రంప్, చైనా అధ్యక్షుడు జీ జిన్ పింగ్

Source : x/@WhiteHouse

Show Quick Read

Key points generated by AI, verified by newsroom

• అమెరికా, చైనా సూపర్ పవర్స్, అగ్రస్థానంలో తామే ఉన్నాం: ట్రంప్
• చైనాతో సంబంధాలు మెరుగుపడ్డాయి, సైనికంగా శక్తివంతం: ట్రంప్
• ఇరాన్ నియంత్రణలో ఉన్నాం, వారితో ఒప్పందం లేదా సర్వనాశనం: ట్రంప్
• చైనా పర్యటనకు వెళ్తున్నాను, అధ్యక్షుడు జిన్‌పింగ్‌తో చర్చలు: ట్రంప్

వాషింగ్టన్: చైనా పర్యటనకు వెళ్లే ముందు అమెరికా అధ్యక్షుడు డొనాల్డ్ ట్రంప్ సంచలన వ్యాఖ్యలు చేశారు. అమెరికా, చైనా సూపర్ పవర్స్ అని, అగ్రస్థానంలో తాము ఉందగా.. చైనాది రెండో స్థానమని వ్యాఖ్యానించారు. చైనాతో మా సంబంధాలు మెరుగ్గా ఉన్నాయని, సైనిక పరంగా తామే అత్యంత శక్తివంతమైన దేశాలమని స్పష్టం చేశారు. చైనా అధ్యక్షుడు జీ జిన్‌పింగ్‌తో తన రిలేషన్ గొప్పగా ఉందని, అలాగే కొనసాగుతుందని ధీమా వ్యక్తం చేశారు. చైనాతో చర్చించాల్సిన విషయాలు చాలా ఉన్నాయన్నారు. ఇరాన్ పూర్తిగా తమ నియంత్రణలో ఉందని, మేం వారితో ఒప్పందమైనా చేసుకుంటాం, లేదా వారు సర్వనాశనం అయిపోతారని డొనాల్డ్ ట్రంప్ అన్నారు.

2017 తరువాత తొలిసారి..

ఇరాన్‌తో ఉద్రిక్తతలు కొనసాగుతున్న సమయంలో డొనాల్డ్ ట్రంప్ నేటి నుంచి మే 15 వరకు మూడు రోజులపాటు చైనాలో పర్యటించనున్నారు. అమెరికా అధ్యక్షుడి ఈ పర్యటనలో ఇరాన్‌తో నెలకొన్న తాజా పరిస్థితులపై కూడా చర్చించే అవకాశం ఉంది. ఈ క్రమంలో చైనా అధ్యక్షుడు జీ జిన్‌పింగ్‌తో భేటీ సాఫీగా సాగుతుందని ఆశాభావం వ్యక్తం చేశారు. 2017 తర్వాత ట్రంప్ చైనాలో పర్యటించడం ఇదే తొలిసారి. అధ్యక్షుడు ట్రంప్ ప్రతినిధి బృందంలో టిమ్ కుక్, టెస్లా, స్పేస్‌ఎక్స్ చీఫ్ ఎలాన్ మస్క్‌తో పాటు బ్లాక్‌రాక్, బ్లాక్‌స్టోన్, బోయింగ్, కార్గిల్, సిటీ, సిస్కో, కోహెరెంట్, జనరల్ ఎలక్ట్రిక్ (GE) ఏరోస్పేస్, గోల్డ్‌మన్ సాక్స్, మాస్టర్ కార్డ్, మెటా, ఇల్యూమినా, మైక్రాన్, క్వాల్కమ్, వీసా వంటి సంస్థల సీనియర్ ఎగ్జిక్యూటివ్‌లు ఉంటారు.

ట్రంప్ ఏమన్నారు?
ట్రంప్ 'ట్రూత్ సోషల్'లో ఇలా పోస్ట్ చేశారు. ‘నేను చైనా పర్యటన కోసం ఎంతగానో ఎదురుచూస్తున్నాను. చైనా ఓ అద్భుతమైన దేశం. అధ్యక్షుడు జిన్ పింగ్ నాయకత్వంలో ముందుకు సాగుతోంది. మా రెండు దేశాలకు చాలా మంచి జరుగుతుందని’ అన్నారు. ట్రంప్‌తో పాటు అమెరికాకు చెందిన పలువురు ప్రముఖ వ్యాపార దిగ్గజాలు ఈ పర్యటనలో భాగం కానున్నారు. అమెరికాకు చెందిన 17 కంపెనీల కార్పొరేట్ ఎగ్జిక్యూటివ్‌లు ట్రంప్‌తో పాటు వెళ్తారని వైట్ హౌస్ అధికారి తెలిపారు.

వైట్ హౌస్ జాబితాలో ఉన్న ఎగ్జిక్యూటివ్‌లలో బోయింగ్‌కు చెందిన కెల్లీ ఆర్ట్‌బర్గ్, బ్లాక్‌రాక్‌కు చెందిన లారీ ఫింక్, బ్లాక్‌స్టోన్‌కు చెందిన స్టీఫెన్ స్క్వార్జ్‌మాన్, కార్గిల్‌కు చెందిన బ్రియాన్ సైక్స్, సిటీకి చెందిన జేన్ ఫ్రేజర్, సిస్కోకు చెందిన చక్ రాబిన్స్, కోహెరెంట్‌కు చెందిన జిమ్ ఆండర్సన్, జీఈ ఏరోస్పేస్‌కు చెందిన హెచ్. లారెన్స్ కల్ప్, గోల్డ్‌మన్ సాక్స్‌కు చెందిన డేవిడ్ సోలమన్, మాస్టర్‌కార్డ్‌కు చెందిన మైఖేల్ మిబాక్, ఇల్యూమినాకు చెందిన జాకబ్ థైసెన్, మెటాకు చెందిన దినా పావెల్ మెక్‌కార్మిక్, మైక్రాన్‌కు చెందిన సంజయ్ మెహ్రోత్రా, క్వాల్కమ్‌కు చెందిన క్రిస్టియానో ​​అమోన్, వీసాకు చెందిన ర్యాన్ మెక్‌ఇనెర్నీ ఉన్నారు.

జిన్‌పింగ్‌పై ట్రంప్ ప్రశంసలు
సోమవారం మీడియాతో మాట్లాడుతూ చైనా అధ్యక్షుడిపై ట్రంప్ ప్రశంసలు కురిపించారు. తన చైనా పర్యటనలో తైవాన్, ఇంధన భద్రత అతిపెద్ద అంశాలుగా ఉండాలని ఆశించారు. చైనాతో తన ప్రభుత్వం బాగా పనిచేస్తోందని ట్రంప్ చెప్పారు. గత అమెరికా ప్రభుత్వాలు చైనా తమను వాడుకునేలా అవకాశమిచ్చాయని, ఇప్పుడు చాలా మార్పు వచ్చిందన్నారు. 

‘మేము చాలా వ్యాపారం చేస్తున్నాం. అది చాలా తెలివైన వ్యాపారం. అమెరికా గత అధ్యక్షుల సమయంలో చాలా ఏళ్లపాటు మమ్మల్ని వాడుకున్నారు. ఇప్పుడు మేం చైనాతో ఏ ఇబ్బంది లేకుండా వర్క్ చేస్తున్నామని తెలిపారు. జీ జిన్‌పింగ్‌ను ఎంతగానో గౌరవిస్తాను. ఆయన నన్ను గౌరవిస్తారని ఆశిస్తున్నా అన్నారు. జో బైడెన్ హయాంలో అమెరికాకు సంబంధాలు బాగోలేవని, తక్కువగా ట్రీట్ చేసేవారని సంచలన వ్యాఖ్యలు చేశారు. 

మరిన్ని చదవండి

47 ఏళ్లుగా ఇరాన్ మాతో గేమ్స్ ఆడుతోంది, ఇకపై వాళ్లు నవ్వలేరు: డొనాల్డ్ ట్రంప్

ముగిసిన అమెరికా- ఇరాన్ యుద్ధం? వైట్‌హౌస్ కీలక సంకేతాలు!