Viral Video: భారీ వర్షంలో నడి రోడ్డుపై కుర్చీ వేసుకుని కూర్చున్న వ్యక్తి , ఢీకొట్టిన భారీ ట్రక్ - వీడియో

Viral News: యూపీలోని ఓ బిజీ రోడ్‌లో ఓ వ్యక్తి కుర్చీ వేసుకుని కూర్చున్నాడు. భారీ వర్షం పడుతున్నా పట్టించుకోలేదు. ఇంతలో వెనక నుంచి ఓ ట్రక్ వచ్చి ఢీకొట్టింది.

యూపీలోని ఓ బిజీ రోడ్‌లో ఓ వ్యక్తి కుర్చీ వేసుకుని కూర్చున్నాడు. భారీ వర్షం పడుతున్నా పట్టించుకోలేదు. ఇంతలో వెనక నుంచి ఓ ట్రక్ వచ్చి ఢీకొట్టింది.

Source : X

Viral News in Telugu: భారీ వర్షంలో నడి రోడ్డుపై కుర్చీ వేసుకుని కూర్చున్నాడో వ్యక్తి. పక్కనే ఉన్న వాళ్లంతా తప్పుకోమని గట్టిగా కేకలు వేస్తున్నా పట్టించుకోలేదు. కదలకుండా అలానే కూర్చున్నాడు. ఇంతలో ఓ భారీ ట్రక్ వచ్చి ఢీకొట్టింది. తృటిలో ప్రాణాపాయం తప్పింది. కుర్చీతో సహా కింద పడిపోయాడు. కొంచెం అటు ఇటు అయ్యుంటే లారీ చక్రాల కింద పడి నలిగిపోయేవాడు. ఈ 17 సెకన్ల వీడియో సోషల్ మీడియాలో వైరల్ అవుతోంది. అంత బిజీ రోడ్‌లో అలా కూర్చుని ప్రాణాల మీదకు తెచ్చుకున్నాడు. యూపీలో జరిగిందీ ఘటన. పోలీస్ చెక్‌పోస్ట్‌కి దగ్గర్లోనే ఈ ఘటన జరిగినా ఎవరూ పట్టించుకోలేదని స్థానికులు విమర్శిస్తున్నారు. వెనక నుంచి లారీ వస్తున్నది ఆ వ్యక్తి చూసుకోలేదు. చుట్టూ ఉన్న వాళ్లంతా అరుస్తున్నా లెక్క చేయలేదు. క్షణాల్లోనే ఆ ట్రక్ వచ్చి కుర్చీని ఢీకొట్టింది. ఈ ఘటనలో ఆ వ్యక్తికి ఎలాంటి గాయాలు కాలేదు. అలాగో రోడ్డుపై పడిపోయి బిత్తరగా చూస్తూ ఉండిపోయాడు. (Also Read: Viral Video: స్టెప్పులతో అదరగొట్టిన ట్రంప్‌, 78 ఏళ్ల వయసులోనూ ఉత్సాహంగా డ్యాన్స్‌ - వీడియో)

Drunk Man Narrowly Escapes Truck Collision on Busy Road While Sitting on the Chair, in the middle of the road, in Pratapgarh, UP.

The UP police arrived at the scene and took the man into custody for further treatment pic.twitter.com/EmeGNUwL9L

— Yumlok (@Yumlok01) August 31, 2024

ఈ వీడియో వైరల్ కావడం వల్ల పోలీసులు వెంటనే అప్రమత్తమయ్యారు. ఆ వ్యక్తిని వెతికి పట్టుకున్నారు. కుటుంబ సభ్యులకు అప్పగించారు. ఆ వ్యక్తి మానసిక వ్యాధితో ఇబ్బంది పడుతున్నాడని, అందుకే అలా ప్రవర్తించాడని చెప్పారు. ఆ వ్యక్తిని ఢీకొట్టిన ట్రక్‌ని గుర్తించామని...తప్పకుండా చర్యలు తీసుకుంటామని వెల్లడించారు.