Indians in Germany: జర్మనీలోనూ జెండా పాతిన భారతీయులు- అత్యధిక సగటు వేతనం పొందుతున్న కార్మికులుగా గుర్తింపు

Indians: జర్మనీలో పని చేస్తున్న విదేశీ కార్మికులలో భారతీయులు అగ్రస్థానంలో నిలుస్తున్నారు. ఇతర దేశాల నుంచి వచ్చిన వారితో పోలిస్తే, భారతీయ కార్మికులు అత్యధిక సగటు వేతనాన్ని అందుకుంటున్నారు.

జర్మనీలోనూ జెండా పాతిన భారతీయులు- అత్యధిక సగటు వేతనం పొందుతున్న కార్మికులుగా గుర్తింపు

Source : x

Indians recognized earning the highest average wage in Germany:  జర్మనీలో పని చేస్తున్న విదేశీ కార్మికులలో భారతీయులు అగ్రస్థానంలో నిలుస్తున్నారు. ఇతర దేశాల నుంచి వచ్చిన వారితో పోలిస్తే, భారతీయ కార్మికులు అత్యధిక సగటు వేతనాన్ని అందుకుంటున్నారని అధికారిక గణాంకాలు వెల్లడిస్తున్నాయి. జర్మనీ యొక్క ఫెడరల్ ఎంప్లాయిమెంట్ ఏజెన్సీ విడుదల చేసిన డేటా ప్రకారం, భారతీయుల నైపుణ్యం , కష్టపడే తత్వం అక్కడ వారికి ఆర్థికంగా భారీ ప్రయోజనాలను చేకూరుస్తోంది.

ఈ నివేదిక ప్రకారం, జర్మనీలోని భారతీయ పూర్తిస్థాయి కార్మికుల సగటు నెలవారీ వేతనం దాదాపు  5,800 యూరోలు. అంటే  సుమారు రూ. 5.3 లక్షలు గా ఉంది. ఇది జర్మనీ స్థానిక కార్మికుల సగటు వేతనం కంటే చాలా ఎక్కువ  . ఐటీ, ఇంజనీరింగ్, సైన్స్ ,  వైద్య రంగాల్లో ఉన్నత విద్యావంతులైన భారతీయులు పెద్ద సంఖ్యలో ఉండటమే ఈ అధిక వేతనాలకు ప్రధాన కారణంగా కనిపిస్తోంది.

జర్మనీలో పని చేస్తున్న భారతీయులలో అత్యధికులు  అకాడెమిక్ లేదా ప్రొఫెషనల్ విభాగాలకు చెందిన వారు. అక్కడ నైపుణ్యం కలిగిన మానవ వనరుల కొరత తీవ్రంగా ఉండటంతో, భారతీయ టెక్ నిపుణులకు డిమాండ్ భారీగా పెరిగింది. కేవలం ఐటీ రంగమే కాకుండా, పరిశోధన ,  అభివృద్ధి విభాగాల్లో కూడా భారతీయులు కీలక పాత్ర పోషిస్తున్నారు. జర్మనీ అభివృద్ధిలో వీరి సహకారం వెలకట్టలేనిదని నిపుణులు విశ్లేషిస్తున్నారు.

గత దశాబ్ద కాలంలో జర్మనీకి వలస వెళ్లే భారతీయుల సంఖ్య గణనీయంగా పెరిగింది. భాషా సమస్యలు ఉన్నప్పటికీ, వృత్తిపరమైన నైపుణ్యాల వల్ల భారతీయులు తక్కువ కాలంలోనే అక్కడ స్థిరపడి, ఉన్నత స్థాయి హోదాలను దక్కించుకుంటున్నారు. ఇతర ఐరోపా దేశాలు , అమెరికాతో పోలిస్తే, జర్మనీలో ఉన్న సామాజిక భద్రత మరియు మెరుగైన జీవన ప్రమాణాలు కూడా భారతీయ వలసదారులను ఆకర్షిస్తున్నాయి. 

Indians earn the highest wages in Germany. 5,400 Euros per month, ahead of Germans at 4,200 Euros and 3,200 Euros for foreigners in general.

As I never tire of saying, Indians are a blessing unto the nations wherever they go. pic.twitter.com/27bAdwHwmZ

— Anatoly Karlin 🧲💯 (@akarlin) January 4, 2026

జర్మనీ ప్రభుత్వం కూడా భారతీయ నిపుణులను ఆకర్షించేందుకు వీసా నిబంధనలను సరళతరం చేస్తోంది. నైపుణ్యం కలిగిన కార్మికుల కొరతను తీర్చడానికి భారతదేశాన్ని ఒక వ్యూహాత్మక భాగస్వామిగా జర్మనీ భావిస్తోంది. ఈ క్రమంలోనే తాజాగా వెల్లడైన వేతన గణాంకాలు, భవిష్యత్తులో మరింత మంది భారతీయ యువత జర్మనీ వైపు అడుగులు వేయడానికి ప్రేరణగా నిలుస్తాయని భావిస్తున్నారు.      

అమెరికాలో సమస్యలు ఎదురవుతూ ఉండటంతో.. ఇప్పుడు ఎక్కువ మంది భారతీయులు..  జర్మనీ, యూరప్ వైపు చూస్తున్నారు. మంచి  అవకాశాలు ఉండటంతో పాటు మంచి వేతనం కూడా లభిస్తూండటంతో  జర్మనీకి వెళ్లే వాళ్లు మరింత పెరిగే అవకాశాలు ఉన్నాయి.                

 

మరిన్ని చదవండి

120 దేశాల వలసదారులకు అమెరికా సాయం.. జాబితాలో కనిపించని భారత్, పలు దేశాల్లో గందరగోళం

మాట వినకపోతే మదురో కంటే ఘోరమైన పరిస్థితి.. వెనిజులా అధ్యక్షురాలికి ట్రంప్ బెదిరింపు