Indian Student Dies: అమెరికాలో అదృశ్యమైన భారత విద్యార్థి సాకేత్ శ్రీనివాసయ్య మృతి
Saketh Sreenivasaiah Tragedy in USA | అమెరికాలో మిస్సింగ్ ఇండియన్ స్టూడెంట్ కథ విషాదాంతమైంది. సాకేత్ శ్రీనివాసయ్య మృతదేహాన్ని పోలీసులు గుర్తించారు.
Indian Student Dies in USA: శాన్ఫ్రాన్సిస్కో: అమెరికాలో కొన్ని రోజుల క్రితం కనిపించకుండా పోయిన భారత విద్యార్థి సాకేత్ శ్రీనివాసయ్య ఘటన విషాదాంతంగా ముగిసింది. సాకేత్ శ్రీనివాసయ్య చనిపోయాడని శాన్ఫ్రాన్సిస్కోలోని భారత రాయబార కార్యాలయం ఈ విషయాన్ని ధ్రువీకరిస్తూ అధికారిక ప్రకటన విడుదల చేసింది. బెంగళూరుకు చెందిన సాకేత్, బర్కిలీలోని కాలిఫోర్నియా విశ్వవిద్యాలయంలో మాస్టర్స్ చేసేందుకు వచ్చాడు. 22 ఏళ్ల వయసున్న సాకేత్ కాలిఫోర్నియా యూనివర్సిటీలో కెమికల్ బయోమాలికులర్ ఇంజినీరింగ్ చదువుతున్నాడు. ఈ క్రమంలో ఫిబ్రవరి 9 నుంచి సాకేత్ కనిపించకుండా పోవడంతో అతడి స్నేహితులు పోలీసులకు ఫిర్యాదు చేశారు.
గాలింపు చర్యలు చేపట్టిన పోలీసులకు, క్యాంపస్కు సమీపంలోని లేక్ అంజా వద్ద సాకేత్ ఆఖరిసారిగా కనిపించినట్లు ఆధారాలు లభించాయి. తనిఖీల్లో భాగంగా మొదట సాకేత్ శ్రీనివాసయ్య పాస్పోర్ట్, ల్యాప్టాప్ ఉన్న బ్యాగ్ను గుర్తించిన అధికారులు, ఆ తర్వాత అదే ప్రాంతంలో సాకేత్ మృతదేహాన్ని గుర్తించారు. సాకేత్ శ్రీనివాసయ్య మృతి పట్ల భారత రాయబార కార్యాలయం తీవ్ర విచారం వ్యక్తం చేసింది.
The Consulate deeply regrets to inform that local police have confirmed the recovery of the body of the missing Indian student, Saketh Sreenivasaiah. We extend our heartfelt condolences to his family and loved ones during this profoundly difficult time.
— ANI (@ANI) February 15, 2026
The Consulate stands… https://t.co/3eLYRtCM3m pic.twitter.com/vPqZydwkiz
విద్యార్థి మృతదేహాన్ని వీలైనంత త్వరగా స్వదేశానికి తరలించేందుకు అవసరమైన ఏర్పాట్లు చేస్తామని తెలిపింది. ఈ కష్టకాలంలో విద్యార్థి సాకేత్ కుటుంబానికి అన్ని విధాలా అండగా ఉంటామని రాయబార కార్యాలయం భరోసా ఇచ్చింది. మిస్సింగ్ స్టూడెంట్ దాదాపు వారం రోజుల తరువాత డెడ్బాడీగా కనిపించాడని తెలియడంతో సాకేత్ కుటుంబసభ్యులు ఈ విషయాన్ని జీర్ణించుకోలేకపోతున్నారు. గత కొన్నేళ్లుగా అమెరికా సహా విదేశాలలో భారత విద్యార్థుల మరణాలు పెరిగిపోవడం తల్లిదండ్రులను ఆందోళనకు గురిచేస్తోంది.
టాప్ హెడ్ లైన్స్
ట్రెండింగ్ వార్తలు
