Bengaluru Blast: బెంగళూరు పేలుడు కేసులో కీలక పరిణామం, ఓ వ్యక్తిని అరెస్ట్ చేసిన NIA

Bengaluru Blast Case: బెంగళూరు కేఫ్ పేలుడు కేసులో NIA ఓ వ్యక్తిని అరెస్ట్ చేసింది.

బెంగళూరు కేఫ్ పేలుడు కేసులో NIA ఓ వ్యక్తిని అరెస్ట్ చేసింది.

Bengaluru Blast Case: బెంగళూరు రామేశ్వరం కేఫ్ పేలుడు కేసులో NIA ఓ వ్యక్తిని అరెస్ట్ చేసింది. గత నెల ఈ కేఫ్‌లో పేలుడు సంభవించగా 10 మంది గాయపడ్డారు. అప్పటి నుంచి నిందితుడి కోసం గాలిస్తోంది NIA. ఇప్పుడు అరెస్ట్ అయిన వ్యక్తి ప్రధాన నిందితుడికి సహకరించినట్టుగా తెలుస్తోంది. ఈ వ్యక్తి పేరు షబీర్‌గా వెల్లడించారు పోలీసులు. బళ్లారిలో అరెస్ట్ చేశారు. మార్చి 1 వ తేదీన పేలుడు సంభవించగా...మార్చి 3వ తేదీన NIAకి ఈ కేసు బదిలీ అయింది. అప్పటి నుంచి ప్రధాన నిందితుడిని పట్టుకునేందుకు అన్ని విధాలుగా ప్రయత్నిస్తున్నారు. స్థానికుల నుంచి సమాచారం సేకరిస్తున్నారు. ప్రధాన నిందితుడు ఓ బస్‌ స్టేషన్‌లో బ్యాగ్‌తో తిరిగిన విజువల్స్ అక్కడి సీసీ కెమెరాల్లో రికార్డ్ అయ్యాయి. పేలుడు సంభవించిన గంట తరవాత ఓ బస్‌లో ప్రయాణించాడు. ఈ ఘటన తరవాత నిందితుడి తన దుస్తులు మార్చుకుని బస్‌లో రకరకాల ప్రాంతాల్లో ప్రయాణించినట్టు NIA ప్రాథమిక విచారణలో తేలింది. పేలుడు సంభవించిన వారం రోజులకు మళ్లీ కేఫ్‌ని తెరిచారు. ఈ సారి భద్రతని మరింత కట్టుదిట్టం చేశారు. లోపలికి వచ్చే ముందే కస్టమర్స్‌ని పూర్తి స్థాయిలో తనిఖీలు చేస్తున్నారు. 

National Investigation Agency (NIA) has detained one Shabbir from Ballari in Karnataka in connection with Bengaluru's Rameshwaram Cafe blast case.

He is still being questioned in the case. It is yet to be ascertained whether he is the same man caught on CCTV: Sources pic.twitter.com/ViWxQtoH6c

— ANI (@ANI) March 13, 2024