MM Naravane: 'దేశ రక్షణలో స్త్రీ శక్తి.. మహిళలకు సాదరంగా ఆహ్వానం పలుకుదాం'

దేశ రక్షణ కోసం వచ్చే మహిళలను సాదరంగా ఆహ్వానించాలని ఆర్మీ చీఫ్ ఎంఎం నరవాణే పిలుపునిచ్చారు.

దేశ రక్షణలో మహిళల ప్రాధాన్యంపై సైన్యాధిపతి కీలక వ్యాఖ్యలు

పుణెలో జరిగిన ఎన్​డీఏ 141వ పాసింగ్​ అవుట్​ పరేడ్​ను సైన్యాధిపతి ఎంఎం నరవాణే సమీక్షించారు. ఈ సందర్భంగా మహిళా క్యాడెట్లను సాదరంగా స్వాగతించాలని కోరారు. మహిళా క్యాడెట్లకు ఎన్​డీఏ(నేషనల్​ డిఫెన్స్​ అకాడమీ) వృత్తి నిబద్ధత, నిష్పక్షపాతంతో ఆహ్వానం పలకాలని పిలుపునిచ్చారు. 

Maharashtra | As we open gates of NDA for women cadets, I expect you all to welcome them with the same sense of fair play & professionalism as Indian armed forces are known for the world over: Army Chief Gen MM Naravane at passing out Parade of 141st Course of NDA in Pune pic.twitter.com/Gysnp2aMp5

— ANI (@ANI) October 29, 2021

" ఎన్​డీఏలో త్వరలోనే మహిళా క్యాడెట్లు కూడా చేరుతారు. పురుషులకు సమానంగా వారు శక్తిసామర్థ్యాలను కనబరుస్తారని ఆశిస్తున్నా. లింగసమానత్వానికి ఇదొక ముందడుగు. భారత సాయుధ దళాలపై ప్రపంచవ్యాప్తంగా గొప్ప పేరు ఉంది. మహిళలకు కూడా అలానే స్వాగతం లభిస్తుందని ఆశిస్తున్నా. 42 ఏళ్ల క్రితం ఇదే పరేడ్​లో నేను క్యాడెట్​గా పాల్గొన్నా. అయితే ఎప్పుడూ ఇలా పరేడ్​ను సమీక్షిస్తానని ఆనాడు ఊహించలేదు. ఇక్కడి నుంచి మీ కఠోర సైనిక శిక్షణ మొదలవుతుంది. త్రిదళాలకు చెందిన యూనిఫాంలు మీరు ధరిస్తారు. కానీ ఒక్కటి గుర్తుపెట్టుకోండి. మీరొక్కరే ఆధునిక యుద్ధాన్ని గెలవలేరు. అందరూ కలిసికట్టుగా ముందుకెళ్లాలి. అదే సమయంలో నూతన సాంకేతికతపై ఎప్పటికప్పుడు అవగాహన పెంచుకుంటే సవాళ్లను ఎదుర్కోవచ్చు.                               "

-ఎంఎం నరవాణే, భారత సైన్యాధిపతి

General MM Naravane #COAS reviewed the Passing Out Parade of 141st NDA Course at National Defence Academy #NDA and complimented the cadets for an impeccable parade. 305 Cadets graduated from #NDA including 19 from Friendly Foreign Countries.

"Victory Through Jointness" pic.twitter.com/HkFRxMxKcE

— ADG PI - INDIAN ARMY (@adgpi) October 29, 2021

మహిళల కోసం ఎన్​డీఏ ప్రవేశపరీక్ష వచ్చే ఏడాది మే నెలలో నిర్వహిస్తామని గత నెలలో సుప్రీం కోర్టుకు కేంద్రం తెలిపింది. అయితే అప్పటివరకు వాయిదా వేయడం తగదని, ఈ నవంబర్​లోనే పరీక్షలు పెట్టాలని న్యాయస్థానం తీర్పునిచ్చింది. 

రాజ్‌నాథ్ ఆకాంక్ష..

దేశ రక్షణలో మహిళల ప్రాతనిధ్యం పెరగాలని ఇటీవల షాంఘై సహకార సదస్సుకు సంబంధించిన వెబినార్‌లో రక్షణ మంత్రి రాజ్‌నాథ్ సింగ్ అన్నారు. దేశాన్ని పాలించిన మాజీ ప్రధాని ఇందిరాగాంధీ, మాజీ రాష్ట్రపతి ప్రతిభా పాటిల్‌ను ఈ సందర్భంగా రాజ్‌నాథ్ గుర్తుచేశారు. దేశాన్ని పాలించడానికే కాదని సైన్యాన్ని నడిపించే స్థాయికి కూడా మహిళలు ఎదుగుతారని రాజ్‌నాథ్ సింగ్ అన్నారు.

భారత సైన్యంలో మహిళలకు సముచిత స్థానం కల్పించనున్నట్లు రక్షణ మంత్రి రాజ్‌నాథ్ సింగ్ తెలిపారు. త్వరలోనే మహిళా అధికారులు సైన్యాన్ని నడిపించే స్థాయిలో ఉంటారని, బెటాలియన్లకు నాయకత్వం వహిస్తారని వెల్లడించారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి