Lifestyle News: ఈ కండోమ్ కథ విన్నారా? జెండర్‌తో సంబంధం లేదట.. ఎవరికైనా ఓకే!

తొలిసారి ఓ యూనిసెక్సువల్ కండోమ్‌ను మలేసియా గైనకాలజిస్ట్ కనిపెట్టారు. దీన్ని పురుషులు, స్త్రీలు ఇద్దరూ వినియోగించవచ్చు.

ఈ కండోమ్ ఎవరికైనా ఓకే!

సాధారణంగా పురుషులకు, మహిళలకు రెండు రకాల కండోమ్‌లు ఉంటాయి. అయితే మలేసియాకు చెందిన ట్విన్ కేటలిస్ట్ అనే కంపెనీ తొలిసారి యూనీసెక్సువల్ కండోమ్‌ను తయారు చేసింది. అంటే దీన్ని పురుషులు లేదా స్త్రీలు ఎవరైనా ఉపయోగించొచ్చు.

తొలిసారి..

గాయాలకు డ్రెస్సింగ్ చేయడానికి వినియోగించే మెటీరియల్‌తో ఈ కండోమ్‌ను తయారు చేశారట. జాన్ టాంగ్ ఇంగ్ చించ్ అనే గైనాకాలజిస్ట్ ఈ కండోమ్‌ను తయారు చేశారు. ట్విన్ కేటలిస్ట్ అనే సంస్థలో జాన్ పనిచేస్తున్నారు.

మరింత సురక్షితం..

Malaysian gynaecologist creates 'world's first unisex condom' https://t.co/YDZIWDI2Qj pic.twitter.com/8cOuv4HLbz

— Reuters (@Reuters) October 28, 2021

సాధారణ కండోమ్‌లతో పోలిస్తే ఇది మరింత సురక్షితమని జాన్ అంటున్నారు. ఈ వాండలీఫ్ కండోమ్‌కు చిన్న పౌచ్ (సంచి) ఉంటుందట. దీనిని యోనిలోకి ఇన్సర్ట్ చేయాలి. అయితే సంభోగం సమయంలో కండోమ్ జారిపోకుండా ఉండేందుకు దీనికి రెండు వింగ్స్ లాంటివి ఇచ్చారు. ఇవి పొత్తకడుపు, తొడలను అంటుకుని ఉండటం వల్ల కండోమ్ జారిపోకుండా ఉంటుందట. దీని వల్ల సంభోగం సమయంలో డైరెక్ట్ స్కిన్ కాంటాక్ట్ అవడం లేదా కండో స్లిప్ అవడం వంటివి జరగవని జాన్ చెబుతున్నారు.

పురుషులకు..

స్త్రీలు కాకుండా పురుషులు కూడా ఈ కండోమ్‌ను వినియోగించవచ్చు. దీనికి ఉన్న పౌచ్‌ను తిప్పితే పురుషులు.. ఎక్ట్సర్నల్ కండోమ్‌లా దీన్ని ఉపయోగించవచ్చు.

" ఇది సాధారణ కండోమ్‌ లాంటిదే. కానీ మరింత సురక్షితం. యోని లేదా అంగానికి  అత్తుకుని ఉండి జననాంగం చుట్టూ ఉన్న ప్రాంతాన్ని కూడా కవర్ చేస్తుంది. దీని వల్ల సాధారణ కండోమ్‌ కంటే ఎక్కువ రక్షణ ఉంటుంది.                         "

-టాంగ్, కండోమ్ సృష్టికర్త 

ఇప్పటికే ఈ కండోమ్‌పై పలు దఫాల క్లినికల్ రీసెర్చ్ జరిగింది. 2021 డిసెంబర్ నాటికి ఇది ఆన్‌లైన్ మార్కెట్లోకి రావొచ్చు.

గర్భ నిరోధం కోసం ఎయిడ్స్ వంటి రోగాలను పారదోలేందుకు ఈ కండోమ్ అన్ని విధాలా ఉపయోగపడుతుందని దీని సృష్టికర్త జాన్ చెబుతున్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి