NEET Result 2021: నీట్ పరీక్ష ఫలితాల విడుదలకు సుప్రీం గ్రీన్ సిగ్నల్

నీట్ ప్రవేశ పరీక్ష ఫలితాలను ప్రకటించేందుకు సుప్రీం కోర్టు గ్రీన్ సిగ్నల్ ఇచ్చింది.

నీట్ ప్రవేశ పరీక్ష ఫలితాల ప్రకటనకు సుప్రీం గ్రీన్ సిగ్నల్

నేషనల్ ఎలిజిబిలిటీ ఎంట్రెన్స్ టెస్ట్(నీట్) ఫలితాలను ప్రకటించేందుకు నేషనల్ టెస్టింగ్ ఏజెన్సీకి సుప్రీం కోర్టు అనుమతి ఇచ్చింది. నీట్-యూజీ 2021 ఫలితాల ప్రకటనను నిలిపివేయాలని గతంలో బాంబే హైకోర్టు ఇచ్చిన తీర్పుపై సుప్రీం స్టే విధించింది. ఈ మేరకు జస్టిస్ లావు నాగేశ్వర రావు, జస్టిస్ సంజీవ్ ఖన్నా, జస్టిస్ బీఆర్ గవాయ్​లతో కూడిన ధర్మాసనం తీర్పు చెప్పింది. సెప్టెంబర్ 12న జరిగిన నీట్ పరీక్షకు 202 నగరాల్లోని 3682 సెంటర్లలో 16,14,777 మంది అభ్యర్థులు హాజరయ్యారు.

Supreme Court allows National Testing Agency to declare results of the National Eligibility cum Entrance Test for Under Graduates (NEET-UG) 2021

Supreme Court also put a stay on the Bombay High Court order which had directed the NTA to hold the declaration of results. pic.twitter.com/gkICRzru6m

— ANI (@ANI) October 28, 2021

ఎందుకు ఆపారంటే?

మహారాష్ట్రలోని ఓ సెంటర్​లో ఇద్దరు అభ్యర్థుల ప్రశ్నాపత్రాలు, ఓఎంఆర్ షీట్లు తారుమారు అయ్యాయి. దీంతో వీరిద్దరికీ మరోసారి పరీక్ష నిర్వహించాలని బాంబే హైకోర్టు అక్టోబర్ 20న ఆదేశించింది. అప్పటివరకు నీట్ ఫలితాలను నిలిపివేయాలని తీర్పు ఇచ్చింది

అయితే ఈ నిర్ణయంపై ఎన్​టీఏ సుప్రీంను ఆశ్రయించింది. వాదనలు విన్న సుప్రీంకోర్టు ఫలితాలను విడుదల చేయాలని ఆదేశాలు జారీ చేసింది. ఇద్దరి కోసం 16 లక్షల మంది అభ్యర్థుల ఫలితాలను నిలిపివేయలేమని పేర్కొంది. ఆ ఇద్దరు అభ్యర్థుల విషయంపై త్వరలోనే నిర్ణయం తీసుకుంటామని స్పష్టం చేసింది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి