Manmohan Singh Funeral: మన్మోహన్ సింగ్‌కు తుది వీడ్కోలు, అధికారిక లాంఛనాలతో ముగిసిన అంత్యక్రియలు

Manmohan Singh Last Rites | మాజీ ప్రధాని డాక్టర్ మన్మోహన్ సింగ్ అంత్యక్రియలు అధికారిక లాంఛనాలతో నిగమ్ బోధ్ ఘాట్‌లో నిర్వహించారు. రాష్ట్రపతి, ప్రధాని మోదీ, సోనియా గాంధీ, రాహుల్ గాంధీ పాల్గొన్నారు.

మన్మోహన్ సింగ్‌కు తుది వీడ్కోలు, అధికారిక లాంఛనాలతో ముగిసిన అంత్యక్రియలు

మాజీ ప్రధాని మన్మోహన్ సింగ్ అంత్యక్రియలు ముగిశాయి. ఢిల్లీలోని నిగమ్ బోధ్ ఘాట్‌లో కేంద్ర ప్రభుత్వం అధికారిక లాంఛనాలతో మన్మోహన్ అంత్యక్రియలు నిర్వహించింది.

ఢిల్లీలోని ఏఐసీసీ కార్యాలయం నుంచి నిగమ్ బోధ్ ఘాట్ వరకు మాజీ ప్రధాని మన్మోహన్ సింగ్ అంతిమ యాత్ర నిర్వహించారు. మన్మోహన్ అంతిమయాత్రలో భారీగా తరలివచ్చి పాల్గొన్నారు.

యావత్ భారతావని మన్మోహన్ అందించిన సేవల్ని కొనియాడుతోంది. క్లిష్ట పరిస్థితుల్లో ఆర్థిక సంస్కరణలు తీసుకొచ్చి, తన విధానాలతో భారత్‌ను ఆర్థిక మాంద్యం గండం నుంచి గట్టెక్కించిన ఘనత ఆయన సొంతం.

ఢిల్లీలోని ఏఐసీసీ కార్యాలయానికి మన్మోహన్ సింగ్ పార్థివదేహాన్ని నేటి ఉదయం తరలించారు. సీడబ్ల్యూసీ సమావేశం నిర్వహించి మాజీ ప్రధాని మన్మోహన్ సింగ్‌కు కాంగ్రెస్ నేతలు ఘన నివాళులర్పించారు.