Traveling with a Baby : పిల్లలతో ప్రయాణించేప్పుడు తీసుకోవాల్సిన జాగ్రత్తలివే.. ఈ టిప్స్ ఫాలో అయితే జర్నీలో ఇబ్బందులుండవు

Baby on Board : పిల్లలతో ట్రావెల్ చేయడమంటే సాహసం అనే చెప్పాలి. వారితో ప్రయాణించేప్పుడు ఎలాంటి జాగ్రత్తలు తీసుకుంటే మంచిది? ఇబ్బంది కలగకుండా తీసుకోవాల్సిన జాగ్రత్తలు ఏమిటో చూసేద్దాం. 

పిల్లలతో ట్రావెల్ చేస్తుంటే తీసుకోవాల్సిన జాగ్రత్తలు (Image Source : Envato)

Source : envato

Baby Travel Tips and Tricks : పిల్లలతో ట్రావెల్ చేయడం అనేది చాలా కష్టంతో కూడిన విషయం. ముఖ్యంగా అప్పుడే పుట్టిన పిల్లల నుంచి 3 ఇయర్స్​లోపు పిల్లలతో ప్రయాణాలు చేసేప్పుడు చాలా జాగ్రత్తగా ఉండాలి. అయితే మీరు కిడ్స్​తో కలిసి ట్రావెల్ చేయాలనుకుంటున్నప్పుడు ఎలాంటి కేర్ తీసుకోవాలి? మీ జర్నీ స్మూత్​గా అయ్యేందుకు ఫాలో అవ్వాల్సిన టిప్స్ ఏంటి?  వంటి విషయాలు ఇప్పుడు తెలుసుకుందాం. 

ట్రావెల్​కి ముందు.. 

పిల్లలతో కలిసి ట్రావెల్​ చేయాలనుకుంటున్నప్పుడు కచ్చితంగా పిడియాట్రిషియన్​ని మీట్ అవ్వాలి. వారి నుంచి ట్రావెల్ సలహాలు తీసుకోవాలి. అలాగే కచ్చితంగా ప్యాక్ చేసుకోవాల్సిన అంశాలపై దృష్టి పెట్టాలి. డైపర్స్, మిల్క్ ఫార్మూలా, బేబి ఫుడ్​ ప్రధానంగా ఉండేలా చూసుకోవాలి. మీరు వెళ్లకముందే స్టే చేయాల్సిన హోటల్స్, లేదా రూమ్స్​పై కచ్చితంగా అవగాహన ఉండాలి. విమానంలో ప్రయాణించాలనుకుంటే ఎయిర్​ లైన్​ బేబి పాలసీలు, జెట్​ లాగ్ వంటి అంశాలు పరిగణలోకి తీసుకోవాలి. 

కచ్చితంగా ప్యాక్ చేసుకోవాల్సినవి..

డైపర్స్, వైప్స్​ ప్యాక్ చేసుకోవడమే కాకుండా.. అందుబాటులో ఉండేలా చూసుకోవాలి. మిల్క్ ఫార్మూలా లేదా బ్రెస్ట్​మిల్క్ స్టోరేజ్​ సిద్ధం చేసుకోవాలి. పిల్లలు తినే ఫుడ్స్, స్నాక్స్ అందుబాటులో ఉంచుకోవాలి. బాటిల్స్​, సిప్పర్స్ ఉండాలి. ఎక్స్​ట్రా డ్రెస్​లు ఉండాలి. పిల్లల్నీ క్యారీ చేసేందుకు స్టోలర్స్ లేదా బేబి క్యారియర్స్ వాడాలి. మెడిసన్స్, ఫస్ట్ ఎయిడ్ కిట్ అందుబాటులో ఉంచుకోవాలి. బొమ్మలు, పుస్తకాలు, మ్యూజిక్​ కూడా ఉండేలా చూసుకోవాలి. 

తీసుకోవాల్సిన జాగ్రత్తలు

రోడ్ ట్రిప్స్ అయితే రెగ్యూలర్ బ్రేక్ ఉండేలా చూసుకోవాలి. విమానంలో అయితే ఏ టైమ్​కి వెళ్లుతున్నారనే అంశాలు పరిగణలోకి తీసుకోవాలి. బేబి ఎమర్జెన్సీ కిట్ తీసుకువెళ్లాలి. కార్​లో బేబి కార్ సీట్ ఉండేలా చూసుకోవాలి. బేబి ఫ్రెండ్లీ హోటల్స్ తీసుకోవాలి. మీరు వెళ్లిన తర్వాత ఉయ్యాల లేదా క్రిబ్ ఉండేలా సెట్ చేసుకుంటే మంచిది. 6 నెలల్లోపు పిల్లలు అయితే కంఫర్ట్, రోటీన్​ ఉండేవిధంగా చూసుకోవాలి. 6 నుంచి 12 నెలల లోపు పిల్లలతో ట్రావెల్ చేస్తుంటే బొమ్మలు, స్నాక్స్ ఉండేలా పిప్రేర్ అవ్వాలి. 1 నుంచి 3 సంవత్సరాల లోపు పిల్లలు అయితే ఎంటర్​టైన్మెంట్​తో పాటు బ్రేక్స్ ఇవ్వడంపై ఫోకస్ చేయాలి. 

ఆరోగ్యం విషయంలో.. 

పిల్లల విషయానికొస్తే ముందుగా ఆరోగ్యానికే ప్రధాన్యతనివ్వాలి. ముఖ్యంగా చిన్నపిల్లలు ట్రావెల్ చేస్తున్నప్పుడు, ఇతర ప్రదేశాల్లో వివిధ రకాలుగా రియాక్ట్ అవుతూ ఉంటారు. కాబట్టి మీరు వెళ్లే ప్రాంతం, ట్రావెల్​ని బట్టి నిపుణుల సలహాలు తీసుకోవాలి. ఫస్ట్ ఎయిడ్ కిట్, ఇన్​సెక్ట్ రిప్లెంట్స్ ఉండేలా చూసుకోవాలి. పిల్లల బాడీ టెంపరేచర్​ని మానిటర్ చేస్తూ ఉండాలి. వెళ్లే ప్రాంతంలో ఆస్పత్రులు, వైద్య సేవలు ఎక్కడ దొరుకుతాయో తెలుసుకోవాలి. 

ఇబ్బంది లేకుండా..

పిల్లల విషయంలో ఏది ఎప్పుడు అవసరం అవుతుందో తెలీదు కాబట్టి.. ప్రతి వాటిని ఎక్స్​ట్రాగా ప్లాన్ చేసుకోవడమే మంచిది. మీరు వెళ్లే ప్రాంతంలో కూడా అవి అందుబాటులో లేకుంటే ఇబ్బంది పడకుండా ఉండొచ్చు. మీకు తోడుగా ఓ పర్సన్​ కూడా ఉంటే మరీ మంచిది. అయితే ఇక్కడో విషయం గుర్తించుకోవాలి. ప్రతి పిల్లలు డిఫరెంట్​గా ఉంటారు. అందరూ ఒకేలా ఉండరు కాబట్టి.. వాటికి తగ్గట్లు తల్లిదండ్రులు ప్రిపేర్ అవ్వాలి.