Metaverse Wedding: మెటావర్స్‌లో పెళ్లి, ‘అవతార్‌’ జంటకు వర్చువల్ ఆశీర్వాదాలు, దేశంలోనే తొలిసారి

చెన్నైకు చెందిన ఓ జంట దేశంలోనే తొలిసారి మెటావర్స్‌లో పెళ్లి రిసెప్షన్ నిర్వహించారు. ఈ వీడియో, ఫొటోలు సోషల్ మీడియాలో వైరల్‌ అవుతున్నాయి.

Image Credit: BeyondLife.club

టెక్నాలజీ మన జీవితాలను ఎలా మార్చేసిందో తెలిసిందే. ముఖ్యంగా మొబైల్ ఫోన్ మన జీవితంలో భాగమైపోయింది. అది లేనిదే ఏ పని జరగదు. అలాగే పర్సుల్లో డబ్బులు పెట్టుకుని తిరిగే రోజులు కూడా దాదాపు కనుమరగైనట్లే. ఇప్పుడంతా డిజిటల్ లావాదేవీలే చేస్తున్నారు. సోషల్ మీడియాకు సైతం ప్రజలు అలవాటు పడిపోయారు. వీడియో కాల్స్, చాట్స్.. ఇంకా చాలానే జరుగుతున్నాయ్. కరోనా సమయంలో ఈ టెక్నాలజీతో ఎంతో ఉపయోగపడింది. తాజా ఇప్పుడు అందరి నోట వినిపిస్తున్న మాట ‘మెటావర్స్’. అంటే.. అదో డిజిటల్ మాయా లోకం. ఇందులో మీరు ఉండరు. కానీ, మీ అవతారాలు(మీ రూపాలు) జీవిస్తాయి. ఆ ప్రపంచంలో మీరు స్వేచ్ఛగా విహరించవచ్చు. వివిధ షోలు, ఆటలు కూడా చూడవచ్చు. కొత్త వ్యక్తులను కలవచ్చు, స్నేహం కూడా చేయొచ్చు. చివరికి అందులో పెళ్లిల్లు, రిసెప్షన్లు కూడా చేసుకోవచ్చు. నమ్మబుద్ధి కావడం లేదా? అయితే, తమిళనాడుకు చెందిన ఈ జంట ఏం చేశారో తెలుసుకోవల్సిందే. 

సాఫ్ట్‌వేర్ డెవలపర్‌గా పనిచేస్తున్న దినేష్ ఎస్పీ, ఇంజినీరింగ్ చేస్తున్న జనగానందిని ఫిబ్రవరి 6న శివలింగపురం గ్రామంలో పెళ్లి చేసుకున్నారు. అయితే, వారు తమ పెళ్లి రిసెప్షన్ కొత్తగా ఉండాలని అనుకున్నారు. ఈ సందర్భంగా వారికి కొత్త ఆలోచన వచ్చింది. మెటావర్స్‌లో వెడ్డింగ్ రిసెప్షన్ ఇవ్వాలని నిర్ణయించుకున్నారు. ఈ సందర్భంగా అందులోనే వేదికను ఏర్పాటు చేసి.. వారి బ్యాక్‌గ్రౌండ్ స్క్రీన్‌లో పెళ్లి వేడుక వీడియోను ప్లే చేశారు. మెటవర్స్‌లోని వెడ్డింగ్ రిసెప్షన్‌కు హాజరుకావాలని తమ స్నేహితులకు మెసేజ్ పెట్టారు. దీంతో వారి ఫ్రెండ్స్ వర్చువల్‌గా ఆ రిసెప్షన్‌కు హాజరయ్యారు. తమ ‘అవతార్’లను అతిథులుగా పంపించి.. వధువురుల రూపాలను ఆశీర్వదించారు. 

TardiVerse అనే టెక్ స్టార్ట్-అప్ సహాయంతో ఈ జంట రిసెప్షన్ కోసం హాగ్వార్ట్స్ థీమ్ మెటావర్స్‌ను ఏర్పాటు చేశారు. చిత్రం ఏమిటంటే.. ఇందులో ఎప్పుడో మరణించిన వధువు తండ్రి కూడా పాల్గొన్నట్లుగా త్రీడీ అవతార్‌ను రూపొందించారు. ఆయన ఈ కార్యక్రమాన్ని దగ్గరుండి జరిపిస్తున్నట్లుగా సృష్టించారు. ఈ జంటకు ఇండియా, వివిధ దేశాల్లో ఉన్న స్నేహితులు, కుటుంబ సభ్యులకు నాన్-ఫంగబుల్ టోకెన్‌(NFT) రూపంలో ఆహ్వానాలను పంపారు. ఈ రిసెప్షన్‌‌లో వెనకాల స్క్రీన్‌పై సంగీత కచేరీ ప్రదర్శించారు. వధువరులకు చదివింపులు(నగదు బహుమతి) చేయడం కోసం క్యూఆర్ కోడ్‌ను కూడా రిసెప్షన్ ప్రాంగణంలో ఏర్పాటు చేశారు. ఈ ఫొటోలు, వీడియోలు సోషల్ మీడియాలో వైరల్‌గా మారాయి. రిసెప్షన్ సరే.. మరి, విందు కూడా ఇలాగే ఇస్తారా? అని నెటిజనులు కామెంట్లు చేస్తున్నారు. అయితే, ఇలా మెటావర్స్‌లో పెళ్లి రిసెప్షన్ వేడుక నిర్వహించడం ఇదే తొలిసారి. ఈ విధంగా ఆ కొత్త జంట పేరు మెటావర్స్‌ హిస్టరీలో ఎప్పటికీ నిలిచిపోతుంది. 

#NewNFT #Alert As we're the first couple to host a #Metaverse wedding reception sponsored by @CoinSwitchKuber, we bring you special edition #NFTs launched by @Guardian_NFT. You can get these NFTs at @beyondlifeclub's marketplace. #NFTCommunity #MetaverseNFT pic.twitter.com/oAGsQm4IHw

— Dinesh Kshatriyan 💜 (@kshatriyan2811) February 2, 2022

మెటావర్స్ అంటే?: ఇప్పటికే మనం.. చాటింగ్, వీడియో కాల్స్, వాయిస్ కాల్స్ ద్వారా ఎక్కడో ఉన్నవాళ్లతో మాట్లాడగలుగుతున్నాం. మెటావర్స్ ద్వారా వారిని స్వయంగా కలవచ్చు కూడా. వారితో కలిసి ఆటలు కూడా ఆడవచ్చు. షికార్లు కూడా చేయొచ్చు. మీరు కాలు కదపకుండానే.. ఈ కల్పన ప్రపంచంలో విహరించవచ్చు. ఇప్పటికే మీరు  పబ్‌జీ ద్వారా స్నేహితులతో కలిసి ఆటలు ఆడుతున్నారు. భవిష్యత్తులో వారి రూపాలను కూడా మెటావర్స్‌లో చూడవచ్చు. వారు ఎంత దూరంలో ఉన్నా వర్చువల్‌గా కలుసుకోవచ్చు. సామాజిక మాధ్యమంలో ఇదో విప్లవాత్మక ముందడుగు. ఇప్పటికే చాలామంది ఈ వర్చువల్ వరల్డ్‌లో జీవించేందుకు తమ ‘అవతార్’లను రూపొందించుకున్నారు. అంటే.. వారిలాంటి రూపమే ఆ వర్చువల్ వరల్డ్‌లో జీవిస్తుందన్నమాట. ఆ అవతార్‌తో ఎవరైనా కలవచ్చు. ఇటీవలే ‘మెటా’గా పేరు మార్చుకున్న ‘ఫేస్‌బుక్’ సంస్థ సరికొత్త ఆవిష్కరణే ఈ మెటావర్స్. 

METAVERSE COUPLE WEDDING!

The video of the first Metaverse wedding reception is here!
In a first of its kind, a couple from Tamil Nadu had their Wedding Reception on the Metaverse, that allowed their friends and family from across the globe to view it!#Metaverse #MetaverseNFT pic.twitter.com/HYgJhYsCLo

— Negotium (@teamnegotium) February 7, 2022

METAVERSE COUPLE WEDDING!

The video of the first Metaverse wedding reception is here!
In a first of its kind, a couple from Tamil Nadu had their Wedding Reception on the Metaverse, that allowed their friends and family from across the globe to view it!#Metaverse #MetaverseNFT pic.twitter.com/HYgJhYsCLo

— Negotium (@teamnegotium) February 7, 2022

Near the stage pic.twitter.com/75cCqer8x4

— Abhinav Gupta (@abhinavguptas) February 6, 2022