Summer Diet : మండుతున్న సూరీడు.. హాట్ సమ్మర్లో హీట్ని తగ్గించుకునేందుకు ఏమి తింటే మంచిది? ఏమి తినకూడదు?
Hot Weather Diet Tips : తెలుగు రాష్ట్రాల్లో ఎండలు ఎక్కువయ్యాయి. ఈ సమయంలో ఎలాంటి ఫుడ్స్ తీసుకుంటే.. హీట్ వేవ్ ఎఫెక్ట్ ఉండదు.. ఎలాంటి ఆహారానికి దూరంగా ఉండాలో చూసేద్దాం.
- వేసవిలో ఉప్పు, నూనె, ఫాస్ట్ ఫుడ్స్, కెఫిన్ మానుకోండి.
- శరీరాన్ని చల్లబరిచే కూరగాయలు, పండ్లు, మజ్జిగ తీసుకోండి.
- రోజుకు 3-4 లీటర్ల నీరు, కొబ్బరి నీరు తాగాలి.
- మధ్యాహ్నం 12-3 మధ్య ఎండలో తిరగడం తగ్గించండి.
Best and Worst Foods in Summer : ఎండలు రోజురోజుకీ తీవ్రంగా పెరుగుతున్నాయి. ముఖ్యంగా తెలుగు రాష్ట్రాల్లో ఉష్ణోగ్రతలు అధికంగా ఉంటున్నాయి. కొన్ని ప్రాంతాల్లో హీట్ వేవ్ అలెర్ట్ కూడా ఇస్తున్నారు. ఈ సమయంలో డీహైడ్రేషన్, అలసట, హీట్ స్ట్రోక్ వంటి సమస్యలు ఎక్కువగా ఇబ్బంది పెడతాయి. అలాంటప్పుడు వేడిని తగ్గించే చిట్కాలు ఫాలో అవ్వాలి. ముఖ్యంగా ఫుడ్ విషయంలో కొన్ని జాగ్రత్తలు తీసుకోవాల్సి ఉంటుంది.
ఎండలు ఎక్కువగా ఉన్నప్పుడు ఆరోగ్యం కోసం సరైన ఆహారం తీసుకోవడం చాలా ముఖ్యమని చెప్తున్నారు నిపుణులు. లేదంటే శరీరం త్వరగా డీహైడ్రేట్ అయి అనేక సమస్యలకు గురవుతుంది. కాబట్టి వేసవిలో ఎలాంటి ఫుడ్ తినాలి.. ఎలాంటి ఫుడ్ దూరంగా ఉంచాలో.. వాటివల్ల ఎలాంటి ప్రయోజనాలు అందుతాయో చూసేద్దాం.
ఎండల్లో తినకూడని ఫుడ్స్
వేసవిలో ఉప్పు ఎక్కువగా ఉండే ఫుడ్స్ తినకూడదు. ఇవి శరీరంలో నీటిని తగ్గిస్తాయి. డీప్ చేసిన ఫ్రైడ్ ఫుడ్స్ జోలికి వెళ్లకూడదు ఇవి శరీరంలో ఉష్ణోగ్రతను పెంచుతాయి. బర్గర్లు, పిజ్జాలు వంటి ఫాస్ట్ ఫుడ్స్ జీర్ణక్రియను తగ్గించి.. అలసటను పెంచుతాయి. కొందరు వేసవిలో కూడా టీ, కాఫీలు.. కేఫిన్ డ్రింక్స్ ఎక్కువగా తీసుకుంటారు. ఇవి శరీరానికి హైడ్రేషన్ అందించకపోగా.. డీహైడ్రేషన్కు కారణమవుతాయి. కాబట్టి వీటికి దూరంగా ఉండండి.
అలాగే షుగర్ ఎక్కువగా ఉండే డ్రింక్స్, కూల్డ్రింక్స్ జోలికి వెళ్లకూడదు. ఇవి శరీరాన్ని మరింత డీహైడ్రేట్ చేస్తాయి. మటన్, ఫ్రైడ్ చికెన్ వంటి మాంసాహారం జోలికి వెళ్లకండి. ఇవి త్వరగా జీర్ణం కాకపోగా.. శరీర ఉష్ణోగ్రతను పెంచుతాయి. మరి ఎలాంటి ఫుడ్స్ తీసుకుంటే శరీరంలో వేడి తగ్గి హైడ్రేటెడ్గా ఉంటామో చూసేద్దాం.
ఎండల్లో తినాల్సిన ఫుడ్స్
వేడి ఎక్కువగా ఉన్నప్పుడు నీరు ఎక్కువగా తాగాలి. కనీసం రోజుకు 3 నుంచి 4 లీటర్లు నీరు తాగాలి. కాకరకాయ, దోసకాయ, సొరకాయ వంటి వాటర్ రిచ్ కూరగాయలు డైట్లో చేర్చుకోవాలి. ఇవి శరీరాన్ని కూల్గా ఉంచుతాయి. నీటి శాతం ఎక్కువగా ఉండే వాటర్మెలన్, మస్క్మెలన్ కూడా తీసుకోవచ్చు. ఇవి మీకు ఫ్రెష్ ఫీల్ ఇస్తాయి. బొప్పాయిని కూడా వేసవిలో తీసుకుంటే మంచిది. ఇది జీర్ణ సమస్యలను దూరం చేసి.. శరీరాన్ని లైట్గా ఉండేలా చేస్తుంది.
మజ్జిగ శరీరానికి చల్లదనం ఇచ్చి డీహైడ్రేషన్ను తగ్గిస్తుంది. నిమ్మరసం విటమిన్ Cతో పాటు ఎలక్ట్రోలైట్స్ అందిస్తుంది. కొబ్బరి నీరు నేచురల్ ఎలక్ట్రోలైట్ డ్రింక్ అవుతుంది. వెంటనే ఎనర్జీ అందిస్తుంది. వేసవిలో ఎక్కువ మసాలాలు ఉండేవి కాకుండా లైట్ ఫుడ్స్ తీసుకుంటే మంచిది. అవి సులభంగా జీర్ణమవుతాయి.
తీసుకోవాల్సిన జాగ్రత్తలు
ఎండలో బయటకు వెళ్లకపోవడమే మంచిది. కానీ బయటకు వెళ్లాల్సి వస్తే.. నీరు తీసుకెళ్లండి. ఎక్కువ సేపు ఎండలో ఉండొద్దు. లైట్, కాటన్ దుస్తులు వేసుకోండి. మద్యాహ్నం 12 నుంచి 3 మధ్య బయటకు వెళ్లడం తగ్గించండి. అలాగే ఫుడ్ విషయంలో జాగ్రత్తలు తీసుకోండి. ఇవి డీహైడ్రేషన్, అలసట వంటివి తగ్గిస్తాయి. ఆరోగ్యాన్ని మెరుగుపరచడంలో కూడా హెల్ప్ చేస్తాయి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
