Muscle Strain : మసిల్ స్ట్రెయిన్ అంటే ఏమిటి? కండరాలు బెణికినప్పుడు తీసుకోవాల్సిన పూర్తి జాగ్రత్తలు ఇవే

Prevention Tips of Muscle Strain : మసిల్ స్ట్రెయిన్ చిన్న సమస్యలా కనిపించినా… సరైన జాగ్రత్తలు తీసుకోకపోతే అది కండరాలకు పెద్ద ఇబ్బందిగా మారుతుంది. కాబట్టి ఎలాంటి జాగ్రత్తలు తీసుకోవాలో చూసేద్దాం.

కండరాలు లాగినప్పుడు ఇలా జాగ్రతలు తీసుకోండి

Source : Freepik

Show Quick Read

Key points generated by AI, verified by newsroom

• కండరాల బెణుకు, నొప్పి, వాపు, నడవడంలో ఇబ్బంది లక్షణాలు.
• వెంటనే RICE పద్ధతి (విశ్రాంతి, ఐస్, కంప్రెషన్, ఎలివేషన్) పాటించాలి.
• నొప్పి తగ్గితే ఫిజియోథెరపీ, స్ట్రెచింగ్, సరైన ఆహారం తీసుకోవాలి.
• వ్యాయామం ముందు వార్మ్-అప్, ఫ్లెక్సిబిలిటీ, నీరు తాగడం ముఖ్యం.

Pulled a Muscle Recovery Guide : రోజువారీ పనుల్లో ఉన్నప్పుడు, జిమ్ చేస్తున్నప్పుడు, నడుస్తున్నప్పుడు ఒక్కసారిగా కండరాలు పట్టేసి.. లాగినట్టుగా అనిపించి నొప్పి రావడం జరుగుతుంది. దీనినే మసిల్ స్ట్రెయిన్ (Muscle Strain) అంటారు. లేదా Pulled Muscle అని కూడా అంటారు. అయితే ఇది చిన్న సమస్యలా కనిపించినా.. సరైన జాగ్రత్తలు తీసుకోకపోతే పెద్ద ఇబ్బందులకు దారి తీస్తుందని చెప్తున్నారు నిపుణులు. ఎందుకంటే ఇలా కాలు బెణికి.. మళ్లీ వెనక్కి వచ్చేసినా.. ఇలా రెగ్యులర్​గా జరగడం మంచిది కాదని అంటున్నారు. ఇలా జరగడానికి కారణాలు ఏంటి? ఎలాంటి జాగ్రత్తలు తీసుకోవాలో.. నిపుణుల సూచనలు ఏంటో చూసేద్దాం.  

కాలు (కండరాలు) బెణకడం 

కాలులోని మసిల్ లేదా కండరాన్ని ఎముకకు కలిపే భాగం (టెండన్) ఎక్కువగా లాగడం లేదా చిన్నగా చీలిపోవడం వల్ల ఈ సమస్య వస్తుంది. ఇది ఎక్కువగా కాలి కండరాల్లో జరుగుతుంది. కానీ వెన్ను, భుజాలపై కూడా దీనిప్రభావం ఎక్కువగా ఉంటుంది.

మసిల్ స్ట్రెయిన్‌కు కారణాలు

సరిగ్గా వార్మ్-అప్ చేయకుండా జిమ్ చేయడం, ఒక్కసారిగా హెవీ వెయిట్స్ లిఫ్ట్ చేయడం, కండరాలను ఎక్కువగా ఉపయోగించడం, సరిగ్గా కూర్చోకపోవడం, ఫ్లెక్సిబిలిటీ లేకపోవడం వంటి మజిల్ స్ట్రెయిన్​కు కారణాలు అవుతాయి. అందుకే ఇవి అథ్లెట్స్​కి మాత్రమే కాదు.. ఆఫీస్ వర్క్ చేసే వాళ్లకు కూడా వస్తాయి.

కండరాలు బెణికితే వచ్చే లక్షణాలు

మసిల్ స్ట్రెయిన్ వచ్చినప్పుడు అకస్మాత్తుగా నొప్పి వస్తుంది. కొన్ని సందర్భాల్లో వాపు ఉంటుంది. దీంతో నడిచేప్పుడు ఇబ్బందిగా ఉంటుంది. మజిల్ స్టిఫ్‌గా అనిపించడంతో పాటు.. కొన్ని సార్లు బ్రూజింగ్ (నల్లటి మచ్చలు) వస్తాయి.

కండరాలు బెణికితే చేయాల్సిన మొదటి పని.. 

మసిల్ స్ట్రెయిన్ వస్తే వెంటనే R.I.C.E Method ఫాలో అవ్వాలి. R అంటే Rest: ఆ భాగానికి విశ్రాంతి ఇవ్వాలి. I అంటే 15–20 నిమిషాలు ఐస్ పెట్టాలి. C అంటే Compression బ్యాండేజ్‌తో కట్టాలి. E అంటే Elevation.. స్ట్రెయిన్ అయిన భాగాన్ని పైకి ఉంచాలి. ఇది వాపు తగ్గించడంలో చాలా సహాయపడుతుంది. 

తీసుకోవాల్సిన జాగ్రత్తలు..

పెయిన్ రిలీఫ్ జెల్స్ లేదా మందులు ఉపయోగించవచ్చు. ఫిజియోథెరపీ, లైట్ స్ట్రెచింగ్ చేస్తే మంచిది. నొప్పి ఎక్కువైతే.. వైద్య సహాయం తీసుకోవాలి. మసిల్ స్ట్రెయిన్ రాకుండా ఉండాలంటే వ్యాయామం ముందు 5 నుంచి 10 నిమిషాలు వార్మ్-అప్ చేయాలి. మసిల్స్ ఫ్లెక్సిబుల్‌గా ఉంటే గాయాలు తక్కువగా అవుతాయి కాబట్టి.. బాగా స్ట్రెచ్ చేస్తూ ఉండండి. ఒక్కసారిగా హెవీ వర్కౌట్ చేయకండి. అలాగే బరువులు ఎత్తకండి. నీరు తక్కువైతే మసిల్స్ క్రాంప్స్ వస్తాయి కాబట్టి బాగా నీళ్లు తీసుకోండి. సరైన విధంగా కూర్చోవడం, నిలబడటం కూడా ముఖ్యమే.

నొప్పి ఎక్కువగా ఉంటే 2,3 రోజుల్లో తగ్గకపోతే వాపు పెద్దగా ఉంటే వైద్య సహాయం తీసుకోవడంతో పాటు.. డైట్లో కూడా మార్పులు చేయాలి. గుడ్లు, మెగ్నీషియం, విటమిన్ C తీసుకోవాలి. ఇవి మసిల్ రిపేర్‌ను వేగవంతం చేస్తాయి.

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

బీపీ, షుగర్ మందులు వాడుతున్నారా? అయితే టైమ్, గ్యాప్, డైట్ విషయంలో ఈ టిప్స్ ఫాలో అవ్వండి

వాల్‌నట్స్ తినే సరైన పద్ధతి..  ఇలా తింటేనే గుండె, మెదడుకు డబుల్ బెనిఫిట్స్