Celebritys Weight Loss Journey : సారా అలీ ఖాన్ వెయిట్ లాస్ జర్నీ.. 49 కిలోలు ఎలా తగ్గిందో తెలుసా?

Sara Ali Khan : సారా అలీ ఖాన్ అందమైన నటి. సినిమాల్లోకి రాకముందు 96 కిలోలు ఉన్న ఈ భామ 49 కిలోలు తగ్గి.. 47 కిలోలకు ఎలా చేరుకుందో తెలుసా?

సారా అలీ ఖాన్ బరువు 96 నుంచి 47కి ఎలా తగ్గించుకుందో తెలుసా? (Image Source : Instagram/Sara Ali Khan)

Source : Instagram

Sara Ali Khan Weight loss Journey : సారా అలీ ఖాన్ బాలీవుడ్‌లో సైఫ్ అలీఖాన్ కుమార్తెగా ఎంట్రీ ఇచ్చినా.. తన నటన, సినిమాలతో తనకంటూ ప్రత్యేక గుర్తింపు తెచ్చుకుంది. ఇప్పుడంటే ఈ భామ సన్నగా, నాజుగ్గా ఉంది కానీ.. మొదట్లో సారాను చూస్తే కచ్చితంగా ఆశ్చర్యపోతారు. ఎందుకంటే సినిమాల్లోకి రావడం కోసం ఈ భామ ఏకంగా 49 కిలోల బరువు తగ్గింది. సారా సినిమాల్లోకి రాకముందు 96 కిలోలు ఉండేది. సినిమాల్లోకి రావడం కోసం ఆ బరువును 47 కిలోలకు తగ్గించుకుంది. ఎవరైనా 49 కిలోల బరువు తగ్గడం అంటే మామూలు విషయమా? ఎంతో డెడికేషన్ కావాలి. సారా కూడా తన బరువు తగ్గించుకోవడం కోసం అంతే కష్టపడింది. తన బరువు గురించి మాట్లాడటానికి సారా ఎప్పుడూ వెనకాడదు. పైగా తన వెయిట్ లాస్ జర్నీ గురించి ఎన్నో ఇంటర్వ్యూలలో తెలిపింది ఈ భామ. 

సారా అలీ ఖాన్ గతంలో ఇచ్చిన ఓ ఇంటర్వ్యూలో మాట్లాడుతూ.. "నేను అధిక బరువుతో ఇబ్బంది పడేదానిని. పైగా పీసీఓడీ సమస్య నాలో ఇన్​సెక్యూరిటీని మరింత పెంచేసింది. నేను దానిని ఓవర్​కామ్ చేయాలనుకున్నాను. దానిలో భాగంగానే బరువు తగ్గేందుకు ప్రయత్నించింది ఈ భామ. "

బరువును ఎలా తగ్గిందంటే..

బరువు అనేది కేవలం శరీరంపైనే కాకుండా.. మనస్సుపై కూడా ప్రభావం చూపుతుందని సారా తెలిపింది. అందుకే ఫుడ్ విషయంలో, వర్క్ అవుట్ విషయంలో చాలా కఠినంగా ఉంటానని చెప్తుంది. బరువు తగ్గడంలో భాగంగా తన ఆహారపు అలవాట్లు చాలా మార్చుకున్నానని తెలిపింది. అలాగే సమతుల్య జీవనశైలిని అవలంబించనట్లు.. వీటి ద్వారా తనను తాను ఫిట్‌గా ఉంచుకుంటుంది. సారా తన ఆహారంతో పాటు వ్యాయామం కూడా చేసింది. దీని కారణంగానే ఆమె ఇలాంటి టోన్డ్ బాడీని పొందగలిగినట్లు తెలిపింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sara Ali Khan (@saraalikhan95)

ఆహారంలో ఇవి చేర్చింది

బరువు తగ్గించుకోవడానికి సారా తన ఆహారంలో తక్కువ కార్బోహైడ్రేట్లు, అధిక ప్రోటీన్ కలిగిన ఆహారాలను చేర్చింది. ఆమె రోజుకు ఒకసారి మాత్రమే కార్బోహైడ్రేట్లు తీసుకునేదట. దీనితో పాటు ఆమె ఆహారంలో పండ్లు, ధనియాల-జీలకర్ర నీరు, కూరగాయల స్మూతీలను తీసుకునేది. ఆహారంతో పాటు, సారా కార్డియో, వెయిట్ ట్రైనింగ్ కూడా చేసింది. బరువు తగ్గించుకోవడానికి ఆమె స్ట్రెంగ్త్ ట్రైనింగ్‌తో పాటు ధ్యానం, పిలేట్స్ కూడా చేసిందట. ఈ విధంగా తన బరువును 96 కిలోల నుంచి 47 కిలోలకు తగ్గించుకుంది. విజయవంతంగా 49 కిలోల బరువును తగ్గించుకున్నట్లు తెలిపింది. ఇప్పటికీ తన జీవనశైలిని అలాగే బ్యాలెన్స్ చేస్తూ హీరోయిన్గా కెరీర్ ముందుకు తీసుకువెళ్తోంది.

బరువు తగ్గాలనుకుంటే డైట్, వ్యాయామం ఫాలో అవ్వడం మాత్రమే కాదు.. దానిని మీరు గివ్ అప్ చేయకుండా ఉన్నప్పుడే మంచి ఫలితాలు ఉంటాయి. కొద్ది రోజులు చేసి ఆపేయడం వల్ల మార్పు ఉన్నా.. అది ఎక్కువకాలం ఉండదని గుర్తించుకోవాలి. బరువులో మార్పులు గమనిస్తున్నప్పుడు కచ్చితంగా నిపుణులు సలహాలు తీసుకోవడం మంచిది. 

గమనిక: సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.

మరిన్ని చదవండి

బరువు తగ్గిన పవన్ కళ్యాణ్.. ఓజీ కోసం ఫిట్​గా మారి ట్రోల్స్​కి చెక్​ పెట్టేశాడుగా, పవర్ స్టార్ ఫిట్​నెస్ రొటీన్ ఇదే

నాలుగు నెలల్లో 14 కేజీలు తగ్గిన డెర్మటాలజిస్ట్.. వెయిట్​ లాస్ జర్నీ ఇదే