Carrot Peel Benefits: క్యారెట్ తొక్కతో ఎన్నో ప్రయోజనాలో తెలిస్తే ఇంకెప్పుడు వాటిని పారెయ్యరు

క్యారెట్ తో చేసే ఏ వంటకాలైనా చాలా రుచి కరంగా ఉంటాయి. వాటి తొక్కలతో కూడా బోలెడు ఉపయోగాలు ఉన్నాయి.

image credit: pixabay

క్యారెట్ రంగే కాదు రుచి కూడా చాలా బాగుంటుంది. క్యారెట్ తో ఏ వంటకం చేసిన అద్భుతంగా ఉంటుంది. పిల్లలు ఎంతో ఇష్టంగా తింటారు. ఇందులో యాంటీ ఆక్సిడెంట్లు పుష్కలంగా ఉన్నాయి. ఇందులో ఉండే కెరోటిన్ కంటికి చాలా మేలు చేస్తాయి. రోగనిరోధక శక్తి పెంచి రక్తహీనత సమస్య రాకుండా చేస్తుంది. వీటిలో ఉండే పొటాషియం రక్తనాళాలకి మేలు చేస్తుంది. రక్తప్రసరణ బాగా జరుగుతుంది. తరచూ క్యారెట్ తినడం వల్ల మలబద్ధకం సమస్య రాదు. చిన్న పిల్లలకి బియ్యం, క్యారెట్, బంగాళాదుంప ముక్కలు వేసి ఉడికించి మెత్తగా పేస్ట్ చేసి పెట్టుకోవచ్చు. ఆరు నెలలు దాటిన పసి పిల్లలకి ఇది బలవర్థకమైన ఆహారం. ఎక్కువ మంది క్యారెట్ తొక్కు తీసేసి వండుకుంటారు. కానీ ఆ తొక్కలో కూడా బోలెడు పోషకాలు ఉన్నాయి. క్యారెట్ పీల్స్ లో మూడింట ఒక వంతు ఫైబర్ ఉంటుంది. ఆ తొక్కతో కూడా రకరకాల వంటలు చేసుకోవచ్చు. వాటి వల్ల ఉన్న ఉపయోగాలు తెలిస్తే ఇంకెప్పుడు వాటిని పారెయ్యరు.

క్యారెట్ తొక్క స్టాక్

క్యారెట్ తొక్కలని ఉడకబెట్టి దానికి కొంచెం ఉప్పు వేసి వాటిని ఏదైనా కూర లేదా సూప్ కూడా చేసుకోవచ్చు. తొక్కల్లో ఉండే ఫైబర్ శరీరానికి అన్నీ విధాలుగా ప్రయోజనాలు అందిస్తుంది.

చిప్స్

ఫైబర్ పుష్కలంగా ఉంటుంది. వాటికి కొద్దిగా మసాలాలు జోడించి చిప్స్ మాదిరిగా వేసుకోవచ్చు. బంగాళాదుంపలు చిప్స్ వేసుకున్నట్టుగా క్యారెట్ తొక్కతో చిప్స్ చేసుకుంటే చాలా రుచిగా, కరకరలాడుతూ ఉంటాయి.

క్యారెట్ పీల్స్ తో పేస్ట్

తులసి, పైన్ గింజలు, ఆలివ్, చీజ్ కలిపి క్యారెట్ పీల్స్ తో కలిపి పేస్ట్ చేసుకోవచ్చు. ఇందులో వాల్ నట్స్, పిస్తా కూడా జోడించవచ్చు. ఇది ఆరోగ్యకరం కూడా.

క్యారెట్ సూప్

కొన్ని నానబెట్టిన గింజలతో పాటు క్యారెట్ తొక్కలు బ్లెండ్ చేసి వాటిని కొబ్బరి పాలతో బాగా ఉడికించాలి. ఉప్పు, కారం కూడా కొద్దిగా వేసుకోవాలి. ఈ ఫైబర్ రిచ్ సూప్ ఎంతో రుచిగా ఉండి శరీరానికి కావాల్సిన పోషకాలు అందిస్తుంది. బరువు తగ్గాలని అనుకునే వాళ్ళకి ఇది బాగా ఉపయోగపడుతుంది.

గార్నిష్ గా

శాండ్ విచ్, ర్యాప్ ఇలా ఏ రుచికరమైన వంటకం మీద చక్కగా అలంకరించడానికి ఉపయోగించుకోవచ్చు. తొక్కలను నీటిలో శుభ్రంగా కడిగి ఆరిన తర్వాత వాటిని నూనెలో వేసి డీప్ ఫ్రై చేసుకోవచ్చు. అలా కాకుండా జ్యూసీ రుచి పొందడానికి పచ్చిగా కూడా గార్నిష్ చేసుకోవచ్చు.

క్యాండి క్యారెట్

క్యారెట్ పీల్స్ షుగర్ సిరప్ లో నానబెట్టి వాటిని 200 డిగ్రీల ఫారెన్ హీట్ దగ్గర 30-60 నిమిషాల పాటు ఉంచాలి. తర్వాత 100 డిగ్రీల ఫారెన్ హీట్ వద్ద అవి పొడిబారె వరకు ఉంచుకోవాలి. ఇది ఆరోగ్యకరమైన ఇంట్లో తయారు చేసుకోగలిగే సింపుల్ స్వీట్. పిల్లలు వీటిని ఎంతో ఇష్టంగా తింటారు.

క్యారెట్ పొడి

క్యారెట్ తొక్కలను ఎండబెట్టి వాటిని పొడి చేసుకోవాలి. ఈ పొడిని కూర లేదా సూప్ లో ఉపయోగించవచ్చు. పోషక విలువలు పెంచుకోవడానికి సలాడ్స్ లో కూడా వీటిని జోడించుకోవచ్చు.

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.