Green Tea : మహిళలు రెగ్యులర్గా గ్రీన్ టీ తాగితే కలిగే లాభాలు ఇవే.. నష్టాలు కూడా ఉన్నాయా?
Green Tea for Women : గ్రీన్ టీ ఆరోగ్యానికి చాలామంచిదని తీసుకుంటారు. ఈ గ్రీన్ టీ మహిళలు రెగ్యులర్గా తీసుకుంటే ఎలాంటి ప్రయోజనాలు పొందుతారు? ఎవరు దూరంగా ఉండాలో చూసేద్దాం.
Green Tea Benefits for Women : ఫిట్గా ఉండాలని, బరువు తగ్గాలని అనుకునేవారు కచ్చితంగా తమ రొటీన్లో గ్రీన్ టీ తీసుకుంటారు. కాఫీ, టీలకు బదులుగా దీనిని తీసుకునేవారి సంఖ్య రోజు రోజుకి పెరుగుతుంది. చేదుగా ఉన్నా పర్లేదు ఆరోగ్యానికి మంచిదని తాగుతారు. అయితే దీనిని మహిళలు రెగ్యులర్గా తీసుకోవచ్చా? సైడ్ ఎఫెక్ట్స్ ఏమైనా ఉంటాయా? నిపుణులు ఏమంటున్నారో చూసేద్దాం.
గ్రీన్ టీ బెనిఫిట్స్
బరువు తగ్గాలనుకునేవారికి, ఆరోగ్యకరమైన లైఫ్స్టైల్ కోసం గ్రీన్ టీ తీసుకోవచ్చు. ఎందుకంటే దీనిని తక్కువగా ప్రాసెస్ చేస్తారు. కొద్దిగా చేదుగా ఉన్నా.. యాంటీఆక్సిడెంట్లతో నిండి ఉంటుంది. కాబట్టి ఇది దీర్ఘకాలిక వ్యాధుల ప్రమాదాన్ని తగ్గించండంలో హెల్ప్ చేస్తుంది. అంతేకాకుండా చర్మానికి కూడా మంచిది.
గ్రీన్ టీలోని కాటెచిన్స్.. ఫ్రీ రాడికల్స్ నష్టాన్ని తగ్గిస్తాయి. కెఫిన్, అమైనో ఆమ్లం ఎల్-థియనిన్ మెదడు పనితీరును మెరుగుపరుస్తుంది. ఇది అల్జీమర్స్ వ్యాధిని కూడా దూరం చేస్తుందని పలు పరిశోధనలు నిరూపించాయి. దీనిలో కార్బోహైడ్రేట్స్, షుగర్స్ ఉండవు కాబట్టి జీవక్రియ పెరుగుతుంది. ఇది ఫ్యాట్ బర్న్ చేయడంలో హెల్ప్ చేసి బరువు తగ్గిస్తుంది. చెడు కొలెస్ట్రాల్ తగ్గడం వల్ల గుండె ఆరోగ్యానికి కూడా మేలు జరుగుతుంది.
మెరుగైన ప్రయోజనాల కోసం
ఇన్సులిన్ సెన్సిటివిటీని మెరుగుపరిచి.. రక్తంలో చక్కెర స్థాయిలను కంట్రోల్ చేస్తుంది. దంతాల సమస్యలు కూడా తగ్గుతాయి. మహిళల్లో బ్రెస్ట్ క్యాన్సర్ వచ్చే ప్రమాదాన్ని తగ్గిస్తుందని కార్సినోజెనిసిస్ జర్నల్లో ప్రచురించిన పరిశోధన తెలిపింది. గ్రీన్ టీలోని యాంటీఆక్సిడెంట్లు, ఇన్ఫ్లమేటరీ లక్షణాలు వృద్ధాప్య చర్మాన్ని దూరం చేసి.. వాపును తగ్గిస్తాయి. మలబద్ధకం, కడుపు ఉబ్బరం వంటి జీర్ణ సమస్యలు దూరమవుతాయి. ఒత్తిడిని తగ్గించడంలో మంచి ఫలితాలు ఇస్తుంది.
గ్రీన్ టీ ఆరోగ్యానికి మంచిదే అయినా రోజుకు 2 నుంచి 3 కప్పులు తాగవచ్చని నిపుణులు సూచిస్తున్నారు. ఎక్కువ తీసుకుంటే నిద్రలేమి, హార్ట్ బీట్లో మార్పులు జరగవచ్చని చెప్తున్నారు. దీనిని ఉదయాన్నే తాగితే మెటబాలీజం పెరుగుతుంది. భోజనానికి ముందు తాగితే జీర్ణక్రియ మెరుగుపడుతుంది. ఆకలిని కంట్రోల్ చేస్తుంది. కాబట్టి ఆ సమయంలో తీసుకుంటే మంచిదని చెప్తున్నారు.
గ్రీన్ టీ సైడ్ ఎఫెక్ట్స్
గ్రీన్ టీ ఆరోగ్యానికి మంచిది కానీ.. ఎక్కువగా తీసుకుంటే కొన్ని సైడ్ ఎఫెక్ట్స్ ఉంటాయి. నిద్రలేమి, ఆందోళన, హార్ట్ బీట్లో మార్పులు ఎదుర్కోవాల్సి ఉంటుంది. కొందరికి వికారంగా అనిపిస్తుంది. రక్తహీనత ఉన్న వ్యక్తులు ఎక్కువ తాగితే మంచిది కాదు. కొందరికి తలనొప్పి వచ్చే అవకాశం ఉంది. కాల్షియం శోషణ దెబ్బతింటుంది. గర్భిణీ స్త్రీలు తక్కువగా తీసుకుంటే మంచిది.
కాబట్టి గ్రీన్ టీ ఆరోగ్యానికి మంచిదని ఎక్కువ తాగడం సరికాదని నిపుణులు సూచిస్తున్నారు. లిమిటెడ్గా తీసుకుంటే ఇది మంచి ఆరోగ్య ప్రయోజనాలు అందిస్తుంది. కాబట్టి వైద్యులు, నిపుణుల సహాయంతో మీరు గ్రీన్ టీని మీ డైట్లో చేర్చుకోవచ్చు.
గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
