NATO Dating : 2024లో న్యూ డేటింగ్ ట్రెండ్.. రిస్క్​ లేకుండా ఈ రిలేషన్​షిప్​ ఏదో బానే ఉందిగా

Gen Z Dating Trend 2024 : రిలేషన్స్​కి అర్థాలు మార్చడంలో Gen-Z కిడ్స్ ఎప్పుడూ ముందుంటారు. తాజాగా తీసుకొచ్చిన ఓ డేటింగ్ ట్రెండ్ చాలా ఇంట్రెస్టింగ్​గా ఉంది.

జెన్ జీ డేటింగ్ ట్రెండ్ (Images Source : Unsplash)

NATO Dating Trend : క్లిష్టమైన సమస్యలకు కూడా సింపుల్ సొలుష్యూన్స్​ వెతుక్కోవడంలో Gen-Z కిడ్స్ ఎప్పుడూ ముందుగానే ఉంటారు. ఇలా అన్ని విషయాల్లో తమ మార్క్​ని చూపిస్తూ ఉంటారు. వాటి వల్ల మంచి జరుగుతుందా? చెడు జరుగుతుందా అనేది పక్కన పెడితే.. వారిలోని క్రియేటివిటీకి మాత్రం మెచ్చుకోక తప్పదు. చేసే అన్ని పనుల్లోనూ కొత్త విధానాలు పాటించే Gen-Z కిడ్స్ రిలేషన్స్​లో కూడా వాటిని అమలు చేస్తున్నారు. రిలేషన్స్​తో ఇబ్బంది పడే మిలీనియల్స్​ కంటే.. కొత్త పరిష్కారాలతో హ్యాపీగా రిలేషన్స్​ని ముందుకు తీసుకెళ్లడంలో Gen-Z కిడ్స్ ఓ అడుగు ముందే ఉన్నారని చెప్పాలి. తమకి కన్వినెంట్​గా కొత్త కొత్త డేటింగ్స్​ను తెరపైకి తీసుకొస్తున్నారు. 

న్యూ డేటింగ్ ట్రెండ్

రిలేషన్స్​కి సంబంధించి Gen-Z కిడ్స్ ఎన్నో డేటింగ్ ట్రెండ్స్​ తీసుకొచ్చారు. అయితే 2024లో ఓ Gen-Z డేటింగ్ ట్రెండ్ బాగా వైరల్ అవుతుంది. అదే నాటో డేటింగ్. NATO అర్థం ఏమిటంటే Not Attached To An Outcome. అంటే భవిష్యత్తులో ఏమి జరుగుతుందనే చింత లేకుండా ప్రస్తుత క్షణాన్ని హాయిగా ఆస్వాదించడం. ఎవరైనా రిలేషన్​లోకి వెళ్తే అమ్మో మా ఇంట్లో ఒప్పుకోరేమో.. అలా జరుగుతుందేమో.. ఇలా అవుతుందేమో అని ఎక్కువ ఒత్తిడికి గురి అవుతారు. అలాంటి భయాలు లేకుండా ఉన్న క్షణాన్ని హ్యాపీగా గడుపుదాము. ఫ్యూచర్​ని తలచుకుంటూ హ్యాపీ మూమెంట్స్​ని వదులుకోకూడదనే విధానాన్ని ఈ NATO డేటింగ్ సూచిస్తుంది. 

ఎలాంటి ఒత్తిడి లేకుండా

కొత్తగా వచ్చిన ఈ NATO డేటింగ్​ వల్ల ఎలాంటి ఒత్తిడి లేకుండా ఇద్దరు కలిసి హ్యాపీగా ఉండొచ్చు.  ముందు చూపు ఉండాలి దేనికైనా అనే వాటికి నో చెప్తూ.. ఉన్న సమయాన్ని హ్యాపీగా నచ్చినవారితో ఎంజాయ్ చేయొచ్చు అని చెప్తుంది ఈ ట్రెండ్. ఈ కాలంలో ఒత్తిడి అనేది దాదాపు అందరూ ఎదుర్కొంటున్న సమస్య. కాబట్టి రిలేషన్​లో ఎలాంటి ఒత్తిడి లేకుండా Live in the Moment తరహాలో NATO డేటింగ్​కు వెల్​కమ్ చెప్తున్నారు. 

ఇప్పటివరకు ఉన్న డేటింగ్ ట్రెండ్స్​లలో ఇది కాస్త భిన్నంగానే ఉంది. ఎందుకంటే ఈ డేటింగ్​లోకి వెళ్లాలంటే ఇద్దరికీ అదే రేంజ్​లో మెచ్యూరిటీ ఉండాలి. అప్పుడే ఫ్యూచర్​ గురించి ఫికర్​ కాకుండా.. తమ రిలేషన్​ని ఎంజాయ్ చేయగలుగుతారు. లేదంటే ఫ్యూచర్​ని తలచుకుంటూ.. ఇంట్లో ఒప్పుకోరు అనుకుంటూ.. నచ్చినవారిని వదులుకోలేక ఇబ్బంది పడాల్సి వస్తుంది. ఈ జెనరేషన్​లో చాలామంది లవ్​ మ్యారేజ్​లకు, రిలేషన్​లకు సపోర్ట్ చేస్తున్నారు. అదే తరహాలో కొందరు వాటిని పూర్తిగా వ్యతిరేకిస్తున్నారు. దీనివల్ల ఒత్తిడి పెంచుకోవడమో.. ఇంట్లో చెప్పకుండా ప్రాణాలు తీసుకోవడమో జరుగుతున్నాయి. ఆ టైమ్​ వస్తే జరగాల్సింది జరుగుతుంది. ఇప్పుడెందుకు దాని గురించి ఆలోచించి.. ఉన్న టైమ్​ని సంతోషంగా గడపకుండా ఉండాలి అనే ప్రశ్న తలెత్తినప్పుడు ఇలాంటి ట్రెండ్స్ తెరపైకి వస్తుంటాయి. 

ఈ ట్రెండ్ ఏమి లస్ట్​తో కూడుకున్నది కూడా కాదు. రోటీన్ లవర్స్​లానే ఉంటారు కానీ.. కేవలం చివరికి ఏమవుతుందనే ఆలోచన లేకుండా ప్రశాంతంగా తమ పార్టనర్​తో ప్రేమను పంచుకుంటూ ఉంటారు. కాబట్టి ఎటువంటి ఒత్తిడి లేకుండా వ్యక్తిగత ఎదుగదలకు కూడా ప్రాధన్యత ఇవ్వడం జరుగుతుంది. ముందుగానే మాట్లాడుకోవడం వల్ల ఒకరి జీవితంలో ఏమి జరిగినా అది ఇంకో వ్యక్తి ఎలాంటి నష్టం కలిగించదు. కాబట్టి ఈ NATO డేటింగ్ ట్రెండ్​ని చాలామంది ఆహ్వానిస్తున్నారు. ఇది రిలేషన్​కు మంచి నాణ్యత ఇస్తుందని భావిస్తున్నారు.