Monsoon Foods To Avoid : వర్షాకాలంలో తినకూడని ఫుడ్స్ లిస్ట్.. చేపలు, రొయ్యలు, పీతలు, ఆకుకూరలు తినకూడదా?

Foods To Avoid During Monsoon : వర్షాకాలంలో కొన్ని ఆహారాలు తినకూడదని నిపుణులు చెప్తున్నారు. అలాగే కొన్ని ఫుడ్స్ తీసుకునేప్పుడు కచ్చితంగా జాగ్రత్తలు తీసుకోవాలని అంటున్నారు. అవేంటో ఇప్పుడు చూసేద్దాం. 

వర్షాకాలంలో ఏమి తినాలి.. ఏమి తినకూడదు

Source : Gemini AI

Show Quick Read

Key points generated by AI, verified by newsroom

• వర్షాకాలంలో జీర్ణక్రియ మందగిస్తుంది, వ్యాధులు ప్రబలే అవకాశం ఎక్కువ.
• సముద్రపు ఆహారం, ఆకుకూరలు, స్ట్రీట్ ఫుడ్ జాగ్రత్తగా తినాలి.
• నిల్వ, డీప్ ఫ్రై, సలాడ్లు, కోసిన పండ్లు మానుకోండి.
• తాజాగా ఉడికించిన, వేడి ఆహారం, మరిగించిన నీరు సురక్షితం.

Monsoon Diet Tips Foods To Avoid List : వర్షాకాలం వచ్చిందంటే చల్లని వాతావరణంతో పాటు అనేక సీజనల్ వ్యాధులు కూడా వస్తాయి. ఈ కాలంలో గాలిలో తేమ ఎక్కువగా ఉండటం వల్ల బ్యాక్టీరియా, వైరస్‌లు, ఫంగస్ వేగంగా పెరిగే అవకాశం ఉంటుంది. అలాగే మన జీర్ణక్రియ కూడా మందగిస్తుంది. అందుకే ఈ సీజన్‌లో ఆహారం విషయంలో ప్రత్యేక శ్రద్ధ తీసుకోవాలని ఆరోగ్య నిపుణులు సూచిస్తున్నారు. కొన్ని ఆహారాలను కచ్చితంగా పరిమితంగా తీసుకోవాలని లేదా పూర్తిగా ఉడికించి మాత్రమే తినాలని చెప్తున్నారు. మరి తినకూడని ఆహారాలు ఏంటో.. ఎలాంటి జాగ్రత్తలు తీసుకోవాలో చూసేద్దాం. 

సముద్రపు ఆహారం(Sea Food)

వర్షాకాలంలో చేపలు, రొయ్యలు, పీతలు వంటి సముద్ర ఆహారం తీసుకునేటప్పుడు చాలా జాగ్రత్తగా ఉండాలని నిపుణులు సూచిస్తున్నారు. ఎందుకంటే ఈ కాలంలో అనేక చేపల జాతులకు సంతానోత్పత్తి సమయం. దీంతో వాటి నాణ్యత మారే అవకాశం ఉంటుంది. అలాగే నిల్వ, రవాణా సమయంలో పరిశుభ్రత పాటించకపోతే బ్యాక్టీరియా పెరిగే ప్రమాదం కూడా ఉంటుంది. అందుకే పూర్తిగా ఉడికించిన తాజా సముద్ర ఆహారాన్నే మాత్రమే తీసుకోవాలని సూచిస్తున్నారు. పచ్చిగా లేదా సరిగా ఉడకని సీ ఫుడ్ తినకపోవడమే మంచిది.

ఆకుకూరలు

పాలకూర, తోటకూర, బచ్చలికూర వంటి ఆకుకూరలు ఆరోగ్యానికి మంచివే. అయినప్పటికీ వర్షాకాలంలో వాటిపై మట్టి, దుమ్ము, సూక్ష్మజీవులు ఎక్కువగా ఉండే అవకాశం ఉంటుంది. అందుకే వాటిని బాగా కడిగి, శుభ్రం చేసి, పూర్తిగా ఉడికించిన తర్వాత మాత్రమే తినాలి. బయట తయారుచేసిన ఆకుకూరల వంటకాల కంటే ఇంట్లో తయారు చేసుకోవడమే మంచిదని చెప్తున్నారు.

స్ట్రీట్ ఫుడ్

వర్షాకాలంలో రోడ్డు పక్కన అమ్మే ఆహారం తినడం వల్ల ఫుడ్ పాయిజనింగ్ ప్రమాదం పెరుగుతుంది. తేమ కారణంగా ఆహారం త్వరగా పాడవుతుంది. పరిశుభ్రత లేకపోతే కడుపు సంబంధిత ఇన్ఫెక్షన్లు వచ్చే అవకాశం ఉంటుంది.

సలాడ్లు

సలాడ్లు పచ్చిగా తింటే.. కూరగాయలను పూర్తిగా శుభ్రం చేయకపోతే బ్యాక్టీరియా లేదా పరాన్నజీవులు శరీరంలోకి వెళ్లే ప్రమాదం ఉంటుంది. సలాడ్లు తినాలనుకుంటే బాగా కడిగి లేదా ఉడికించినవి మాత్రమే తీసుకోవాలి.

కట్ చేసి ఉంచిన పండ్లు

బయట అమ్మేవారు.. పండ్లను ముందుగానే కోసి ఉంచుతారు. దీంతో ఫ్రూట్స్​పై సూక్ష్మజీవులు పెరిగే అవకాశం ఎక్కువ. అందుకే పండ్లను ఇంట్లోనే తాజాగా కోసుకుని తినడం మంచిది. 

డీప్ ఫ్రై ఫుడ్స్

వర్షాకాలంలో బజ్జీలు, పకోడీలు తినాలనిపించడం సహజమే. కానీ వీటిని ఎక్కువగా తింటే జీర్ణక్రియపై భారం పడుతుంది. నూనె ఎక్కువగా ఉండే ఆహారం అజీర్ణం, గ్యాస్, బరువు పెరగడానికి దారితీయవచ్చు.

నిల్వ ఆహారం

ఒకటి లేదా రెండు రోజుల క్రితం వండిన ఆహారాన్ని తినడం కంటే తాజాగా వండిన ఆహారమే మంచిది. నిల్వ చేసిన ఆహారంలో బ్యాక్టీరియా పెరిగే ప్రమాదం ఎక్కువగా ఉంటుంది. ఫ్రిజ్‌లో ఉంచినా సరైన ఉష్ణోగ్రతలో నిల్వ చేయాలి. తినే ముందు బాగా వేడి చేయాలి.

పాల ఉత్పత్తులు

పాశ్చరైజ్ చేయని పాలు లేదా వాటితో తయారైన కొన్ని ఉత్పత్తుల్లో హానికరమైన సూక్ష్మజీవులు ఉండే అవకాశం ఉంది. అందుకే బాగా మరిగించిన పాలు లేదా పాశ్చరైజ్ చేసిన ఉత్పత్తులను ఎంచుకోవడం మంచిది.

వర్షాకాలంలో ఇలా తినాలి..

వర్షాకాలంలో వేడివేడిగా తాజాగా వండిన ఆహారం తీసుకోవాలి. పప్పులు, పెసరపప్పు వంటి సులభంగా జీర్ణమయ్యే పదార్థాలు మంచివి. అల్లం, వెల్లుల్లి, మిరియాలు, పసుపు వంటి వాటిని ఫుడ్స్​లో చేర్చుకోవాలి. సీజనల్ కూరగాయలు, విటమిన్ సి ఎక్కువగా ఉండే పండ్లు తినాలి. మరిగించి చల్లార్చిన నీటిని తాగితే మంచిది. 

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

 

మరిన్ని చదవండి

వ్యాధులు దరిచేరకుండా ఇమ్యూనిటీని పెంచే MEDSRX ఫార్మూలా.. వర్షాకాలంలో పూర్తి ఆరోగ్యం కోసం

వర్షాకాలంలో ఫాలో అవ్వాల్సిన ట్రావెల్ టిప్స్.. బెస్ట్ ఎక్స్​పీరియన్స్ కోసం ఫాలో అయిపోండి