Drinking Breezer : మొదటిసారి బ్రీజర్ తాగాలనుకుంటే అమ్మాయిలు, అబ్బాయిలు తీసుకోవాల్సిన జాగ్రత్తలు

First Time Drinking Breezer : బ్రీజర్ అబ్బాయిలే కాదు కొందరు అమ్మాయిలు కూడా తాగాలనుకుంటారు. ఆల్కహాల్​కి దూరంగా ఉండాలనుకునేవారు మొదటిసారి బ్రీజర్ తాగాలనుకుంటే ఎలాంటి జాగ్రత్తలు తీసుకోవాలో చూసేద్దాం.

మొదటిసారి బ్రీజర్ తాగితే తీసుకోవాల్సిన జాగ్రత్తలు

బ్రీజర్ తాగాలనుకుంటే తినకుండా తాగకూడదట. ఎందుకంటే తినకుండా బ్రీజర్ తాగితే దానిని శరీరం త్వరగా తీసుకుంటుంది. దీంతో మత్తు త్వరగా రావడం, తల తిరగడం, వాంతులు, అసౌకర్యం వంటి సమస్యలు వచ్చే అవకాశం ఉంటుంది. కాబట్టి ముందుగా కాస్త భోజనం చేయడం మంచిది.

బ్రీజర్ తీపిగా, ఫ్రూటీగా ఉండటం వల్ల ఆల్కహాల్ శాతం తక్కువగా ఉన్నట్టుగా అనిపించవచ్చు. కానీ అది ఆల్కహాలిక్ డ్రింక్‌నే. అందుకే రుచి బాగుందని ఎక్కువగా తాగకుండా, లేబుల్‌పై ఉన్న ఆల్కహాల్ శాతం, సర్వింగ్ పరిమాణాన్ని దృష్టిలో పెట్టుకుని తాగాలి.

ఆల్కహాల్ శరీరంలో డీహైడ్రేషన్‌కు దారితీయవచ్చు. అందుకే ప్రతి డ్రింక్ మధ్యలో నీరు తీసుకోవడం మంచిది. ఒకేసారి ఎక్కువగా తాగకుండా నెమ్మదిగా తాగడం మంచిది.

బ్రీజర్​ను బీర్, వైన్, హార్డ్ లిక్కర్ వంటి ఇతర ఆల్కహాల్ డ్రింక్స్‌తో కలిపి తాగడం వల్ల మొత్తం ఆల్కహాల్ తీసుకునే పరిమాణం పెరుగుతుంది. అలాగే నిద్రమాత్రలు, కొన్ని యాంటీ-యాంగ్జైటీ మందులు లేదా ఇతర మందులతో ఆల్కహాల్ కలపడం ప్రమాదకరం కావచ్చు.

తక్కువ మోతాదులో తాగినా రియాక్షన్ టైమ్, నిర్ణయం తీసుకునే సామర్థ్యం, సమన్వయం ప్రభావితమయ్యే అవకాశం ఉంది. కాబట్టి తాగిన తర్వాత కారు, బైక్ నడపకండి. ముందుగానే క్యాబ్ లేదా నమ్మకమైన డ్రైవర్‌ను ఏర్పాటు చేసుకోవడం మంచిది.

బ్రీజర్ తాగేటప్పుడు తల తిరగడం, పదేపదే వాంతులు, గందరగోళం, అసాధారణంగా ఎక్కువ మత్తు లేదా శ్వాసలో ఇబ్బంది వంటి లక్షణాలు కనిపిస్తే మరింత తాగకూడదు. వ్యక్తి స్పృహ కోల్పోతే లేదా శ్వాస అసాధారణంగా ఉంటే అత్యవసర పరిస్థితిగా గుర్తించి.. వెంటనే వైద్య సహాయం తీసుకోవాలి.

గర్భిణులు లేదా గర్భం దాల్చే అవకాశం ఉన్నవారు ఆల్కహాల్ తీసుకోకపోవడం మంచిది. అందుకే గర్భధారణ సమయంలో ఆల్కహాల్‌కు పూర్తిగా దూరంగా ఉండడం మంచిది. అలాగే తల్లిపాలు ఇస్తున్న సమయంలో కూడా బ్రీజర్, ఆల్కహాల్ తీసుకోకపోవడం మంచిది.