Boost Your Immune System : వ్యాధులు దరిచేరకుండా ఇమ్యూనిటీని పెంచే MEDSRX ఫార్మూలా.. వర్షాకాలంలో పూర్తి ఆరోగ్యం కోసం
Immune System Boost : ఆరోగ్యంగా ఉండేందుకు, వైరస్లా బారిన పడకుండా ఉండేందుకు కొన్ని టిప్స్ ఫాలో అవ్వాలని సూచిస్తున్నారు నిపుణులు. ఇమ్యూనిటీని పెంచే ఆ టిప్స్ ఏంటో చూసేద్దాం.
Immunity-Boosting Tips to Stay Healthy : రోగనిరోధక శక్తి అనేది అందరికీ అవసరం. ఇమ్యూనిటీ బాగా ఉంటే సీజనల్ వ్యాధులు దరిచేరవు. ఇన్ఫెక్షన్లు సోకవు. ఒకవేళ ఏదైనా ఆరోగ్య సమస్య వచ్చినా త్వరగా దూరమవుతాయి. ఫాస్ట్గా రికవరీ అవ్వగలుగుతారు. వర్షాకాలంలో ఇమ్యూనిటీ తక్కువగా ఉంటే కొన్ని వ్యాధులు, ఇన్ఫెక్షన్లు త్వరగా సోకుతాయి. అందుకే రోగనిరోధక శక్తిని పెంచుకోవాలంటున్నారు నిపుణులు.
ఇమ్యూనిటీ పెంచుకోవడంలో భాగంగానే M E D S R X ఫార్మూలాను ఫాలో అవ్వమంటున్నారు నిపుణులు. అసలు ఈ ఫార్మూలా ఏంటి? దీనివల్ల కలిగే ప్రయోజనాలు ఏంటి? రోగనిరోధక శక్తిని పెంచుకోవడంలో ఇది ఎలా పని చేస్తుంది వంటి విషయాలు ఇప్పుడు తెలుసుకుందాం.
M- Meditation
మెంటల్ హెల్త్ని తేలికగా తీసుకోకూడదని చెప్తున్నారు. మానసికంగా మీరు బాగుంటే ఒత్తిడి తగ్గి.. ఇమ్యూనిటీ పెరుగుతుందని చెప్తున్నారు. కాబట్టి వీలు దొరికనప్పుడు మెడిటేషన్ చేయాలని సూచిస్తున్నారు. ఇది మిమ్మల్ని శారీరకంగా, మానసికంగా కూడా హెల్తీగా ఉంచడంలో హెల్ప్ చేస్తుంది.
E - Exercise
వ్యాయామం కూడా రోగనిరోధక శక్తిని పెంచడంలో, మీ శరీరాన్ని స్ట్రాంగ్గా చేయడంలో హెల్ప్ చేస్తుంది. అయితే మీరు ఎంచుకునే వ్యాయామం ఏ రూపంలో ఉండొచ్చు. యోగా, జిమ్, ప్రాణాయామం, వాకింగ్, బ్రిస్క్ వాకింగ్, 10000 స్టెప్స్ ఇలా ఏమి చేసినా.. మీ నుంచి చెమట బయటకు పోవాలి. ఇది మిమ్మల్ని స్ట్రాంగ్ చేస్తుంది.
D - DIET
వీలైనంత వరకు వెజిటేరియన్ ఫుడ్స్ తీసుకుంటే మంచిది. గట్ హెల్త్ కూడా రోగనిరోధక శక్తిని మెరుగుపరుస్తుంది. అన్హెల్తీ ఫుడ్ జోలికి వెళ్లకుండా.. క్లీన్ ఫుడ్ తీసుకుంటే స్కిన్ హెల్త్ కూడా మెరుగవుతుంది. నాన్వెజ్ తీసుకోవాలనుకుంటే చికెన్, చేపలు, వైట్ మీట్ తీసుకోవచ్చు. రెడ్ మీట్ జోలికి వెళ్లకపోవడమే మంచిది.
S - Sleep
నిద్ర అనేది అన్నింటికీ కీ-పాయింట్గా చెప్పవచ్చు. నిద్ర సరిగ్గా ఉంటే సగానికి పైగా రోగాలు తగ్గుతాయి. ఇమ్యూనిటీ పెరుగుతుంది. హెల్తీగా ఉండడంలో హెల్ప్ చేస్తుంది. కాబట్టి రోజుకు 8 నుంచి 9 గంటలు నిద్రపోవాలంటున్నారు. మీరు దానికంటే తక్కువ నిద్రపోయినా.. నాణ్యమైన నిద్ర ఉండేలా చూసుకోవాలని చెప్తున్నారు.
R- Relationship
రిలేషన్షిప్స్ కూడా ఆరోగ్యం విషయంలో కీలకపాత్ర పోషిస్తాయి. కాబట్టి మీ ఫ్రెండ్స్, ఫ్యామిలీలో మీకు నచ్చినవారితో ఎక్కువ సమయం గడిపేందుకు ట్రై చేయండి. వారు మీతో ఉంటే మీరు సంతోషంగా ఉంటారనుకుంటే కచ్చితంగా ఆ రిలేషన్ని వదులుకోకుండా ఉండేందుకు ప్రయత్నించండి. అలాగే అవతలి వ్యక్తి అభిప్రాయాన్ని గౌరవించడం నేర్చుకోండి. దీనివల్ల శారీరకంగా, మానసికంగా కూడా కొన్ని మార్పులు చూస్తారు.
X-Factor
మీకు ఏదైనా పని సంతోషాన్ని ఇస్తుంటే దానిని కంటిన్యూ చేయండి. మీకు నచ్చిన హాబీని ఎవరికోసం వదులుకోకండి. ఎందుకంటే నచ్చినపనులు చేస్తున్నప్పుడు ఒత్తిడి తగ్గి ఆరోగ్యంగా ఉంటారు.
ఇవన్నీ ఇమ్యూనిటీని పెంచుకోవడంలో హెల్ప్ చేస్తాయి. అందుకే ఈ ఫార్మూలాను ఫాలో అవ్వమని నిపుణులు సూచిస్తున్నారు. దీనిని మీ అవసరాలకు తగ్గట్లుగా మార్పులు చేసుకుని కూడా ఫాలో అవ్వొచ్చు.
టాప్ హెడ్ లైన్స్
ట్రెండింగ్ వార్తలు
