Fenugreek Water : మెంతులు నానబెట్టి తాగాలా? మరిగించి తీసుకుంటే ఇంకా మంచిదా? నిపుణుల సలహాలు ఇవే

Drink Fenugreek Water : మెంతులు ఆరోగ్యానికి చాలామంచి ప్రయోజనాలు ఇస్తాయి. అయితే వీటిని నానబెట్టి తీసుకుంటే మంచిదా? లేదంటే మరిగించి తీసుకుంటే మంచిదో ఇప్పుడు తెలుసుకుందాం. 

నానబెట్టిన మెంతులు నీరు vs మరిగించిన మెంతులు నీరు

Source : Freepik

Soaked or Boiled Fenugreek Water : మెంతులను ఆరోగ్యం కోసం ఎన్నో శతాబ్ధాలుగా సహజమైన ఔషధంగా ఉపయోగిస్తున్నారు. ముఖ్యంగా మధుమేహం ఉన్నవారు వీటిని ఎక్కువగా తీసుకుంటారు. అలాగే ఫుడ్ రుచిని పెంచుకునేందుకు వివిధ వంటకాల్లో ఉపయోగిస్తారు. ఇవి జీర్ణక్రియను మెరుగుపరచడం నుంచి షుగర్ కంట్రోల్, బరువు తగ్గడం వరకు ఎన్నో లాభాలు ఇస్తాయని ఆయుర్వేదం కూడా చెబుతోంది. మరి దీనిని ఎలా తీసుకోవాలో ఇప్పుడు తెలుసుకుందాం. 

మెంతులును నానబెట్టాలా? మరిగించి తాగాలా?

మెంతులను నానబెట్టి తాగినా.. మరిగించి తాగినా ఈ రెండింటికీ వేర్వేరు ప్రయోజనాలు ఉన్నాయి. మీ ఆరోగ్య అవసరాన్ని బట్టి ఏది బెస్ట్ అనేది మీరు ఎంచుకునే దానిని బట్టి ఉంటుంది. 

నానబెట్టిన మెంతులు నీటి ప్రయోజనాలు..

మెంతులను రాత్రి నీటిలో నానబెడితే.. అందులోని నీటిలో కరిగే పోషకాలు (soluble nutrients) బయటకు వస్తాయి. ఉదయం ఖాళీ కడుపుతో ఈ నీటిని తాగితే జీర్ణక్రియ మెరుగుపడుతుంది. గ్యాస్, అసిడిటీ సమస్యలు తగ్గుతాయి. మెటబాలిజం యాక్టివ్ అయి బరువు నియంత్రణకు సహాయపడుతుంది. రక్తంలో షుగర్ స్థాయిలు స్థిరంగా ఉండేందుకు ఉపయోగపడుతుంది. డయాబెటిస్ ఉన్నవారు రోజూ దీనిని తీసుకోవచ్చు. రుచి మైల్డ్‌గా ఉండటం వల్ల ఎవరికైనా ఇది బాగా సెట్ అవుతుంది.

మెంతులు మరిగించి తాగితే.. 

మెంతులను నీటిలో మరిగిస్తే వాటిలోని యాక్టివ్ కంపౌండ్స్, యాంటీఆక్సిడెంట్స్ ఎక్కువగా విడుదలవుతాయి. ఈ నీటిని తాగితే శరీరంలోని టాక్సిన్స్ బయటకు వెళ్లేలా డిటాక్స్ చేస్తుంది. జలుబు, దగ్గు, ఇన్‌ఫ్లమేషన్ తగ్గించడంలో సహాయపడుతుంది. కొలెస్ట్రాల్ తగ్గించి గుండె ఆరోగ్యాన్ని మెరుగుపరుస్తుంది. అయితే ఈ నీరు రుచి కొంచెం స్ట్రాంగ్ ఉంటుంది. కాబట్టి రోజూ తాగడం కొందరికి కష్టం కావచ్చు.

పోషకాల పరంగా తేడాలు ఇవే

నానబెట్టిన మెంతులు నీటిలో సహజ ఎంజైమ్స్ నిల్వ ఉంటాయి. కాబట్టి ఇవి కడుపునకు తేలికగా ఉంటుంది. మరిగించిన మెంతులు నీటిలో యాంటీఆక్సిడెంట్స్ ఎక్కువగా విడుదలవుతాయి. కానీ వేడి వల్ల సున్నితమైన పోషకాలు తగ్గవచ్చు. 

సింపుల్‌గా చెప్పాలంటే..

రోజూ తాగాలంటే నానబెట్టిన మెంతి నీరు మంచిది. అవసరమైనప్పుడు ఔషధంలా వాడాలంటే మరిగించిన నీరు బెస్ట్. బరువు తగ్గాలనుకునేవారికి.. నానబెట్టిన మెంతులు నీరు మంచి ఆప్షన్. డిటాక్స్, జలుబు, దగ్గు ఉంటే.. మరిగించిన మెంతులు నీరు మంచిది. మధుమేహం ఉండేవారికి రెండూ మంచివేనని చెప్తున్నారు. 

తీసుకోవాల్సిన జాగ్రత్తలు 

మెంతులు నీరు తాగేటప్పుడు కొన్ని జాగ్రత్తలు తీసుకోవాలి. మెంతులను కచ్చితంగా కడిగి ఉపయోగించాలి. రోజుకు ఒక చిన్న గ్లాస్ తాగితే సరిపోతుంది. అధికంగా తాగితే లో బీపీ, లో షుగర్ వచ్చే అవకాశం. గర్భిణీలు ఇప్పటికే లో బ్లడ్ షుగర్ ఉన్నవారు, కొత్తగా ప్రారంభించాలనుకునేవారు కచ్చితంగా వైద్యుల సలహా తీసుకోవాల్సి ఉంటుంది. 

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

జుట్టు రాలకుండా, ఒత్తుగా పెరగాలంటే.. ఉల్లి నూనె అప్లై చేయండి, ఇంట్లోనే చేసుకోండిలా

స్ట్రోక్ వచ్చినప్పుడు ప్రతి సెకన్ విలువైనదే.. ఏమి చేస్తే ప్రాణాలు కాపాడుకోవచ్చో తెలుసా?