Stroke Golden Hour : స్ట్రోక్ వచ్చినప్పుడు ప్రతి సెకన్ విలువైనదే.. ఏమి చేస్తే ప్రాణాలు కాపాడుకోవచ్చో తెలుసా?
Golden Hour of Stroke : స్ట్రోక్ వచ్చినప్పుడు ప్రతి సెకన్ కౌంట్ అవుతుంది. ఆ సమయంలో ప్రాణాలు కాపాడుకోవడానికి వెంటనే ఏమి చేయాలి? నిపుణులు సూచిస్తోన్న సలహాలు ఇవే.
Lifesaving Signs of Stroke : మెదడుకు రక్త ప్రసరణ ఆగినప్పుడు లేదా తగ్గినప్పుడు స్ట్రోక్ సంభవిస్తుంది. ఆక్సిజన్, పోషకాలు లేకపోవడం వల్ల మెదడు కణాలు నిమిషాల్లోనే చనిపోతాయి. ఆ సమయంలో ప్రతి సెకను కూడా విలువైనదని చెప్తారు. స్ట్రోక్ వచ్చిన సమయంలో ప్రాణాలు కాపాడుకునేందుకు వెంటనే ఏమి చేయాలి? Stroke Golden Hour గురించిన అతి ముఖ్యమైన విషయాలు, నిపుణుల సూచనలు ఇప్పుడు తెలుసుకుందాం.
స్ట్రోక్ ప్రపంచవ్యాప్తంగా చాలా మరణాలకు కారణమవుతోంది. అయితే ఇందులో ఒక ఆశాకిరణం ఉంది. అదేంటంటే.. స్ట్రోక్ లక్షణాలను సకాలంలో గుర్తించి వెంటనే చికిత్స చేస్తే.. ప్రాణాలను కాపాడవచ్చు. అలాగే వ్యక్తి సాధారణ జీవితాన్ని గడపవచ్చు. కాబట్టి స్ట్రోక్ లక్షణాలను వెంటనే అర్థం చేసుకోవడం ముఖ్యం. దీనిని తెలుసుకోవడానికి నిపుణులు ఒక పదాన్ని ఉపయోగిస్తారు. అదే FAST. దీనిలో ప్రతి అక్షరానికి వేరే అర్థం ఉంటుంది.
ముఖంలో మార్పులు
FASTలో మొదటి అక్షరం F. F అంటే Face. ముఖం ఒకవైపుకు వంగి ఉంటే లేదా తిమ్మిరిగా అనిపిస్తే.. ఆ వ్యక్తిని నవ్వమని చెప్పి వెంటనే డాక్టర్ దగ్గరకు తీసుకెళ్లాలి. మీరు కూడా ఆ మార్పు గుర్తించినా వెంటనే వైద్య సహాయం తీసుకోవాలి.
చేతిలో మార్పులు
FASTలో రెండో అక్షరం A. A-Armని సూచిస్తుంది. స్ట్రోక్ అనే డౌట్ వచ్చినప్పుడు రెండు చేతులను పైకి లేపమని చెప్పాలి. ఒక చేయి పడిపోతే లేదా బలహీనంగా అనిపిస్తే అది స్ట్రోక్కు సంకేతం కావచ్చు.
మాట తడబడితే..
FASTలో మూడో అక్షరం S. ఇది Speechని సూచిస్తుంది. కాబట్టి మీరు స్ట్రోక్ లక్షణాలు ఉన్నాయనిపిస్తోన్న వ్యక్తిని మాట్లాడమని చెప్పాలి. మాటాలు తడబడటం, మూతి వంకరగా మారడం వంటివి గుర్తిస్తే వైద్య సహాయం తీసుకోవాలి.
సమయం..
FASTలో చివరి అక్షరం T. ఇది సమయాన్ని సూచిస్తుంది. అంటే స్ట్రోక్ లక్షణాలను గుర్తించిన తర్వాత ఒక్క సెకను కూడా వృధా చేయకండి. వెంటనే 108 లేదా 911 కు కాల్ చేయండి.
ఇలా గుర్తించి.. స్ట్రోక్ కు సకాలంలో చికిత్స ప్రారంభిస్తే ఆ వ్యక్తి పూర్తిగా కోలుకోవచ్చు. చికిత్స ఆలస్యం అయితే.. మెదడులోని కొన్ని భాగాలు శాశ్వతంగా దెబ్బతింటాయి. అందుకే స్ట్రోక్ తర్వాత మొదటి కొన్ని గంటలు చాలా ముఖ్యమైనవిగా చెప్తారు.
స్ట్రోక్ రాకుండా తీసుకోవాల్సిన జాగ్రత్తలు
స్ట్రోక్ రాకుండా ఆరోగ్యంగా ఉండాలనుకుంటే మీ లైఫ్స్టైల్లో కొన్ని అలవాట్లను చేర్చుకోవాలి. దీంతో మీరు సురక్షితంగా ఉండగలరు. ఉదాహరణకు ఉప్పు, నూనె వాడకాన్ని తగ్గించండి. తాజా పండ్లు, కూరగాయలు, తృణధాన్యాలు తినండి. ప్రతిరోజూ 30 నిమిషాలు నడవండి. తేలికపాటి వ్యాయామం చేయాలి. ధూమపానం, మద్యపానానికి దూరంగా ఉంటూ.. ఒత్తిడిని తగ్గించుకోండి. రక్తపోటు, షుగర్ టెస్ట్లు రెగ్యులర్గా చేయించుకుని.. వైద్యుల సూచనలు ఫాలో అయితే మంచిది.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
