Curry Leaves: కరివేపాకు ఇలా తీసుకుంటే రక్తంలో చక్కెర స్థాయిలు అసలు పెరగవు

డయాబెటిస్ రోగులు నిత్యం కరివేపాకు తిన్నారంటే ఎటువంటి ఇబ్బందులు ఉండవు.

Image Credit: Unsplash

కరివేపాకు వంటలకు మంచి సువానస రుచిని ఇవ్వడమే కాదు ఆరోగ్యాన్ని కూడా అందిస్తాయి. కానీ తినేటప్పుడు మాత్రం వాటిని పక్కన పెట్టేస్తారు. అలా చేయడం వల్ల వాటి వల్ల పొందాల్సినవన్నీ మీరు మిస్ చేసుకుంటున్నట్టు అవుతుంది. దీని వల్ల అపారమైన ఆరోగ్య ప్రయోజనాలు ఉన్నాయని ఆయుర్వేద శాస్త్రం కూడా చెబుతోంది. బీటా కెరోటిన్, విటమిన్ సి వంటి యాంటీ ఆక్సిడెంట్లతో నిండిన కరివేపాకు రోగనిరోధక శక్తిని బలోపేటమ చేస్తుంది. రక్తంలో చక్కెర స్థాయిలను అదుపులో ఉంచడానికి సహాయపడుతుంది. అందుకే మధుమేహులు తప్పనిసరిగా కరివేపాకు తింటే చాలా మంచిదని నిపుణులు సూచిస్తున్నారు.

కరివేపాకుతో డయాబెటిస్ నియంత్రణ ఎలా?

కరివేపాకులో కార్బజోల్ ఆల్కలాయిడ్స్ ఉన్నాయి. ఇవి ఫ్రీ రాడికల్స్ ని అరికట్టడంలో సహాయపడతాయి. శరీర కణాలను పోషణ అందిస్తాయి. టైప్ 2 డయాబెటిస్ ప్రమాదాన్ని తగ్గిసాయని ఆరోగ్య నిపుణులు చెబుతున్నారు. కరివేపాకులో పీచు పదార్థాలు ఎక్కువగా ఉంటాయి. అందువల్ల అవి జీర్ణక్రియను నెమ్మది చేస్తాయి. రక్తంలో చక్కెర స్థాయులు పెరగకుండా చేస్తాయి. ఇందులోని ఫైటో కెమికల్స్ ఇన్సులిన్ స్థాయిలను పెంచుతాయి.

ఇంటర్నేషనల్ జర్నల్ ఆఫ్ ఫార్మాస్యూటికల్ సైన్సెస్ ప్రచురించిన అధ్యయనం ప్రకారం కరివేపాకులో యాంటీ హైపర్ గ్లైసెమిక్ లక్షణాలు ఉన్నాయి. ఎలుకల మీద జరిపిన పరిశోధనలో కరివేపాకు వల్ల షుగర్ లెవల్స్ తగ్గాయని నిరూపితమైంది. సాధారణ ఎలుకలకు అలాగే డయాబెటిస్ ఉన్న ఎలుకలకు వివిధ మోతాదుల(5, 10, 15 శాతం) ప్రకారం కరివేపాకు ఉన్న ఆహారాన్ని ఐడు వారాల పాటు తినిపించారు. ఇవి తినడం వల్ల హైపోగ్లైసీమిక్‌లో తేడా ఉన్నట్టు పరిశోధకులు తెలిపారు. సాధరణ ఎలుకల్లో రక్తంలో గ్లూకోజ్ స్థాయిలలో పెద్దగా తగ్గింపు లేదు కానీ తేలికపాటి డయాబెటిస్ ఉన్న ఎలుకల్లో 5,10,15 శాతం ఆహారం తీసుకున్న వాటిలో రక్తంలో చక్కెర గరిష్టంగా 13.1, 16.3, 21.4 శాతం తగ్గింది.

కరివేపాకు ఎలా ఉపయోగించాలి?

కరివేపాకు కాస్త చెడు, ఘాటైన రుచిని కలిగి ఉంటాయి. ఆ వాసన కారణంగానే వాటిని తినడానికి కాస్త ఇబ్బందిగా ఉంటుంది. కానీ వాటిని ఇలా తీసుకుంటే మీకు ఎటువంటి ఇబ్బంది ఉండదు.

☀కొన్ని ఆకులను తీసుకుని ఉదయం టీ లేదా కాఫీకి ముందు వాటిని నమలాలి.

☀చేదుని పోగొట్టుకునేందుకు ఆకులని బ్లెండర్ లో వేసి కొద్దిగా నీరు, ఉప్పు కలిపి జ్యూస్ చేసుకుని తీసుకోవచ్చు.

కరివేపాకు రసం ఎలా చేయాలి?

ఒక కంటైనర్ లో కొంచెం నీరు తీసుకుని దాంట్లో తాజా కరివేపాకు చిటికెడు దాల్చిన చెక్క పొడి వేసి 5- నిమిషాలు ఉడకనివ్వాలి. చల్లారిన తర్వాత వడకట్టుకుని కొద్దిగా నిమ్మరసం, టీ స్పూన్ తేనె కలుపుకుని తాగాలి. ఈ రసాన్ని ఎప్పుడు వేడిగా ఉన్నప్పుడే తాగాలి.

☀కరివేపాకు పొడి చేసి పెట్టుకుని కూరల్లో వేసుకోవచ్చు. ఇవి కూరలకు మరింత అదనపు రుచి ఇస్తుంది. అలాగే కరివేపాకులను వేడి నీటిలో 3-4 నిమిషాలు పాటు బాగా మరిగించి టీ కూడా తయారుచేసుకోవచ్చు.

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.