6-6-6 Walking Rule : 6-6-6 వాకింగ్ రూల్ అంటే ఇదే.. ఈ రొటీన్ ఫాలో అయితే బరువు తగ్గడంతో పాటు మరెన్నో బెనిఫిట్స్

Walking Rule : వాకింగ్ ప్రారంభించాలనుకుంటే మీరు 6-6-6 రూల్​ని ఫాలో అయిపోండి. దీనివల్ల టైమ్ కలిసిరావడంతో పాటు.. ఆరోగ్యానికి ఎన్నో ప్రయోజనాలు అందుతాయి. 

ఈ రూల్ ఫాలో అయితే ఈజీగా బరువు తగ్గుతారు (Image Source : Freepik)

Source : Freepik

6-6-6 Walking Rule Benefits : నడక వల్ల ఆరోగ్యానికి ఎన్నో ప్రయోజనాలు అందుతాయి. ఈ మధ్య దీనిపై ప్రజలు బాగా ఆసక్తి కనబరుస్తున్నారు. అందుకే హెల్త్ బెనిఫిట్స్ కోసం ప్రతిరోజూ వాకింగ్ చేయాలని చూస్తున్నారు. అయితే మీరు కొత్తగా వాకింగ్ స్టార్ట్ చేయాలనుకుంటే 6-6-6 రూల్​ని ఫాలో అయిపోండి. లేదా మీరు రెగ్యులర్​గా వాక్ చేసేవారు అయినా ఈ టెక్నిక్ ఫాలో అయితే ఎన్నో ఆరోగ్య ప్రయోజనాలు పొందవచ్చు అంటున్నారు నిపుణులు.

6-6-6 వాకింగ్ రూల్ అంటే ఏమిటి?

వాకింగ్ చేయడానికి రూల్ ఏంటి? అసలు ఈ 6-6-6 రూల్ అర్థమేమిటి అని ఆలోచిస్తున్నారా? 6-6-6 వాకింగ్ రూల్ అంటే 60 నిమిషాల నడకను.. రెండు భాగాలుగా.. ఉదయం 6 గంటలకు, సాయంత్రం 6 గంటలకు పూర్తి చేయడం. ఇదే వాకింగ్​ రొటీన్​గా కంటీన్యూ చేయడం. అంతేకాకుండా వాకింగ్ తర్వాత మరో 6 నిమిషాలు శరీరాన్ని వార్మప్ చేసి మరో 6 నిమిషాలు రిలాక్స్ చేయాల్సి ఉంటుంది. ఈ రూల్​ని ఫాలో అవ్వడం వల్ల ఫిట్​గా ఉండడంతో పాటు హెల్త్​కి ఎన్నో ప్రయోజనాలు అందుతాయట. 

ఉదయం 6 గంటలకు నడిస్తే.. 

ది హార్ట్ ఫౌండేషన్​లోని ఓ అధ్యయనం ప్రకారం రోజూ 6 గంటలకు ఉదయాన్నే 30 నిమిషాలు నడిస్తే.. చాలామంచిదని తెలిపింది. దీనివల్ల గుండె జబ్బుల ప్రమాదం 35 శాతం తగ్గుతుందని తెలిపింది. మార్నింగ్ వాకింగ్ చేయడం వల్ల జీవక్రియ మెరుగవుతుంది. రక్తప్రసరణ పెరుగుతుంది. ఈ రొటీన్​ వల్ల మీరు డే అంతా యాక్టివ్​గా ఉంటారు. 

సాయంత్రం 6 గంటలకు నడిస్తే.. 

డే అంతా కష్టపడి.. సాయంత్రం 6 గంటలకు అలా పార్క్​లో వాక్ చేస్తే మీకు విశ్రాంతి లభిస్తుంది. ఒత్తిడి దూరమవుతుంది. మానసిక ఆరోగ్యం మెరుగుపడుతుంది. మెరుగైన నిద్ర మీ సొంతమవుతుంది. దీనిని ఓ రొటీన్​గా అలవాటు చేసుకుంటే నాణ్యమైన నిద్ర మీ సొంతమవుతుంది. దీనివల్ల ఆరోగ్యానికి ఎన్నో ప్రయోజనాలు అందుతాయి. 

6 నిమిషాలు వార్మ్​-అప్

వాకింగ్ చేసేముందు నడకకు శరీరాన్ని సిద్ధం చేస్తూ వాకింగ్ చేయాలి. స్ట్రెచ్ చేస్తూ శరీరాన్ని వార్మ్​ అప్ చేయాలి. దీనివల్ల మెరుగైన రక్త ప్రసరణ అందుతుంది. నడుస్తున్నప్పుడు ఆయాసం లేకుండా చేస్తుంది. 

6 నిమిషాలు కూల్ డౌన్

వాకింగ్ చేసిన తర్వాత శరీరాన్ని రిలాక్స్ చేసేందుకు చిన్నగా స్ట్రెచ్​లు చేయాలి. దీనివల్ల శరీరం ఒత్తిడి గురికాకుండా.. నొప్పులు కంట్రోల్ అవుతాయి. వాకింగ్​కి ముందు, తర్వాత చేసే ఈ స్ట్రెచ్​లు ఫ్లెక్సిబులిటీని పెంచుతాయి. 

రోజుకు రెండుసార్లు వాక్ చేస్తూ 60 నిమిషాల నడకను పూర్తి చేయాలి. వార్మ్​ అప్, కూల్​ డౌన్ కచ్చితంగా ఫాలో అవ్వాలి. దీనిని రోజూ చేస్తూ ఉంటే ఆరోగ్యకరమైన జీవనశైలి మీకు అలవాటు అవుతుంది. ఈ రొటీన్​ వల్ల గుండె సమస్యలు తగ్గుతాయి. బరువు తగ్గడంలో హెల్ప్ అవుతుంది. బీపీ, షుగర్ కంట్రోల్ అవుతాయి. నిద్ర నాణ్యత పెరుగుతుంది. మానసికంగా ఆరోగ్యంగా ఉంటారు. పూర్తిగా ఆరోగ్యానికి మేలు జరుగుతుంది. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.