AP Job Calendar: 10,060 ఉద్యోగాల భర్తీకి గ్రీన్ సిగ్నల్.. ఏపీ జాబ్‌ క్యాలెండర్‌ వచ్చేసింది

AP Government Job Calendar 2026: ఆంధ్రప్రదేశ్ ప్రభుత్వం 4 దశల్లో 10,060 ప్రభుత్వ ఉద్యోగాలను భర్తీ చేయడానికి అనుమతినిస్తూ గ్రీన్ సిగ్నల్ ఇచ్చింది. ఈ మేరకు 2026 జాబ్ క్యాలెండర్ విడుదల చేసింది.

ఏపీ జాబ్‌ క్యాలెండర్‌

Source : AI

Show Quick Read

Key points generated by AI, verified by newsroom

• ఏపీ ప్రభుత్వం 10,060 ఉద్యోగాల భర్తీకి 2026 క్యాలెండర్ విడుదల.
• మొదటి దశ 1,523 పోస్టులకు ఇప్పటికే నోటిఫికేషన్ జారీ అయింది.
• సెప్టెంబర్ 15న రెండో దశ 3,231 పోస్టులకు నోటిఫికేషన్ విడుదల.
• అక్టోబర్ 15న 5,306 పోస్టులకు మూడో, నాలుగో దశలు ప్రారంభం.

AP Job Calendar 2026 | అమరావతి: ఆంధ్రప్రదేశ్ ప్రభుత్వం నిరుద్యోగులకు తీపి కబురు అందించింది. రాష్ట్రంలో ఖాళీగా ఉన్న 10,060 ప్రభుత్వ ఉద్యోగాల భర్తీకి అనుమతి తెలుపుతూ గ్రీన్ సిగ్నల్ ఇచ్చింది. ఈ పోస్టులకు సంబంధించి 2026 జాబ్ క్యాలెండర్ ను ప్రభుత్వం విడుదల చేసింది. ఈ ఉద్యోగాల భర్తీ ప్రక్రియను పారదర్శకంగా 4 వేర్వేరు దశల్లో పూర్తి చేయాలని కూటమి ప్రభుత్వం నిర్ణయించింది. ఇందులో భాగంగా మొదటి దశకు చెందిన 1,523 పోస్టులకు ఇప్పటికే నోటిఫికేషన్ విడుదల చేసింది.

రెండో దశలో 2,231 పోస్టుల భర్తీ

రెండో దశ నోటిఫికేషన్‌ను సెప్టెంబర్ 15న విడుదల చేయనున్నారు. ఈ విడతలో మొత్తం 3,231 పోస్టులను భర్తీ చేయనుండగా, ఇందులో ఏపీపీఎస్సీ గ్రూప్-1 విభాగానికి చెందిన 149 పోస్టులు ఉన్నాయి. అలాగే పోలీస్ శాఖలో భారీగా ఖాళీలను భర్తీ చేస్తారు. ఇందులో 542 పోలీస్ కానిస్టేబుల్ పోస్టులు, 182 సివిల్ సబ్-ఇన్‌స్పెక్టర్ (SI) పోస్టులు ఉన్నాయి.

మూడో దశలో 2,311 పోస్టులు

మూడో దశ నోటిఫికేషన్ అక్టోబర్ 15న విడుదల చేయనున్నారు. ఈ దశలో మొత్తం  2,311 పోస్టులను భర్తీ చేయనుండగా, అందులో గ్రూప్-2 కింద 673 పోస్టులు (200 డిప్యూటీ తహసీల్దార్ పోస్టులతో కలిపి) ఉన్నాయని తెలిపారు. దీనితో పాటు ఇంజినీరింగ్ మరియు ఇతర విభాగాల్లో 1,638 ఖాళీలను భర్తీ చేస్తారు.

నాలుగో దశలో 2,995 పోస్టులు భర్తీ

నాలుగో దశ నోటిఫికేషన్‌ను కూడా అక్టోబర్ 15నే విడుదల చేసి, మొత్తం 2,995 పోస్టులను భర్తీ చేయనున్నారు. వీటిలో అత్యధికంగా స్కూల్ ఎడ్యుకేషన్ (పాఠశాల విద్య) విభాగంలోనే 2,991 పోస్టులు ఉంన్నాయి.

పది వేల ఉద్యోగాల భర్తీ వివరాలు..
తొలి దశ: 1,523 పోస్టులు (ఉన్నత విద్యాశాఖ ద్వారా మే 15నే నోటిఫికేషన్ జారీ చేసి భర్తీ ప్రక్రియ ప్రారంభించారు).

రెండో దశ: 3,231 పోస్టులు (సెప్టెంబర్ 15, 2026న నోటిఫికేషన్). గ్రూప్-1, పోలీస్, అటవీ, పశుసంవర్ధక శాఖల్లో భర్తీ చేయనున్నారు.

మూడో దశ: 2,311 పోస్టులు (అక్టోబర్ 15న నోటిఫికేషన్). గ్రూప్-2, ఎక్సైజ్, ఇంజినీరింగ్, విద్యుత్ శాఖల్లో భర్తీ చేయనున్నారు.

నాలుగో దశ: 2,995 పోస్టులు (అక్టోబర్ 15న డీఎస్సీ నోటిఫికేషన్). రాష్ట్రవ్యాప్తంగా ఉపాధ్యాయ ఖాళీల భర్తీకి నిర్ణయం తీసుకున్నారు.

మరిన్ని చదవండి

జూనియర్ డాక్టర్ల స్టైఫండ్ విషయంలో ఏపీ ప్రభుత్వం అన్యాయం చేస్తుందా? అసలు వాస్తవాలు ఏమిటి?

వచ్చే నెలలో అనకాపల్లి, విశాఖకు గోదావరి జలాలు! ఏపీ సీఎం చంద్రబాబు కీలక ప్రకటన!