TGPSC Exam Schedule: సంక్షేమ గురుకులాల్లో ఉద్యోగ రాతపరీక్షల తేదీలు వెల్లడి, ఏ పరీక్ష ఎప్పుడంటే?

TGPSC: తెలంగాణలో బీసీ, ఎస్సీ, ఎస్టీ గురుకుల సంక్షేమ వసతి గృహాల్లో ఖాళీల భర్తీకి సంబంధించిన పరీక్ష తేదీలను టీజీపీఎస్సీ జూన్ 16న విడుదలచేసింది. పరీక్షల షెడ్యూలును వెబ్‌సైట్‌లో అందుబాటులో ఉంచింది.

TSPSC - హాస్టల్ వెల్ఫేర్ పరీక్ష షెడ్యూలు

TSPSC HWO Recuitment:  తెలంగాణలోని సంక్షేమ గురుకులాల్లో ఖాళీల భర్తీకి సంబంధించిన పరీక్షల షెడ్యూలును రాష్ట్ర పబ్లిక్ సర్వీస్ కమిషన్ (TGPSC) విడుదల చేసింది. ప్రకటించిన షెడ్యూలు ప్రకారం.. జూన్‌ 24 నుంచి 29 వరకు పరీక్షలు నిర్వహించనున్నట్లు కమిషన్ ఒక ప్రకటనలో తెలిపింది. ఆయాతేదీల్లో ప్రతిరోజూ రెండు సెషన్లలో పరీక్షలు జరగనున్నాయి. కంప్యూటర్‌ ఆధారిత విధానంలో పరీక్షలు నిర్వహించనున్నారు. పరీక్షలకు సంబంధించిన హాల్‌టికెట్లను పరీక్ష తేదీకి మూడురోజుల ముందునుంచి అందుబాటులో ఉంచనున్నారు.

పరీక్షల షెడ్యూలు ఇలా..

➥ 24.06.2024 -  28.06.2024: ఉదయం సెషన్‌లో (10 AM - 12:30 PM) పేపర్-1 (జనరల్ స్డడీస్), మధ్యాహ్నం సెషన్‌లో (2:30 PM - 5 PM) పేపర్-2 (ఎడ్యుకేషన్) పరీక్షలు నిర్వహించనున్నారు.

➥ 24.06.2024: ఉదయం సెషన్‌లో (10 AM - 12:30 PM) పేపర్-1 (జనరల్ స్డడీస్), మధ్యాహ్నం సెషన్‌లో (2:30 PM - 5 PM) పేపర్-2 (ఎడ్యుకేషన్/ డిప్లొమా ఇన్ స్పెషల్ ఎడ్యకేషన్) పరీక్షలు నిర్వహించనున్నారు. 

తెలంగాణ రాష్ట్ర గురుకుల సంక్షేమ వసతి గృహాల్లో (బీసీ, ఎస్సీ, ఎస్టీ హాస్టల్స్) 581 ఖాళీల భర్తీకి 2022, డిసెంబరు 22న టీఎస్‌పీఎస్సీ నోటిఫికేషన్ విడుదల చేసిన సంగతి తెలిసిందే. దీనిద్వారా హాస్టల్ వెల్ఫేర్ ఆఫీసర్, వార్డెన్, మ్యాట్రన్, మహిళా సూపరింటెండెంట్ పోస్టులను భర్తీ చేయనున్నారు. అభ్యర్థుల నుంచి జనవరి 6 నుంచి 27 వరకు దరఖాస్తులు స్వీకరించారు. గతేడాది పేపర్ లీక్, తదితర కారణాల వల్ల పరీక్ష నిర్వహించలేకపోయారు. తాజాగా కమిషన్ పరీక్ష తేదీలను ఖరారుచేసింది.

పోస్టుల వివరాలు..

ఖాళీల సంఖ్య: 581

➥ హాస్టల్ వెల్ఫేర్ ఆఫీస‌ర్ (గ్రేడ్ -1): 05 పోస్టులు
విభాగం: ట్రైబ‌ల్ వెల్ఫేర్.

➥ హాస్టల్ వెల్ఫేర్ ఆఫీస‌ర్ (గ్రేడ్ -2): 106 పోస్టులు
విభాగం: ట్రైబ‌ల్ వెల్ఫేర్.

➥ హాస్టల్ వెల్ఫేర్ ఆఫీస‌ర్ గ్రేడ్ -2 మ‌హిళ‌లు: 70
విభాగం: ఎస్సీ డెవ‌ల‌ప్‌మెంట్‌.

➥ హాస్టల్ వెల్ఫేర్ ఆఫీస‌ర్ గ్రేడ్ -2 పురుషులు (ఎస్సీ డెవ‌ల‌ప్‌మెంట్): 228
విభాగం: ఎస్సీ డెవ‌ల‌ప్‌మెంట్‌.

➥ హాస్టల్ వెల్ఫేర్ ఆఫీస‌ర్ గ్రేడ్ -2 (): 140
విభాగం: బీసీ వెల్ఫేర్.

➥ వార్డెన్ (గ్రేడ్ -1): 05
విభాగం: డైరెక్టర్ ఆఫ్ డిస‌బుల్డ్ సీనియ‌ర్ సిటిజెన్స్ వెల్ఫేర్.

➥ మ్యాట్రన్ (గ్రేడ్ -1): 03
విభాగం: డైరెక్టర్ ఆఫ్ డిస‌బుల్డ్ సీనియ‌ర్ సిటిజెన్స్ వెల్ఫేర్.

➥ వార్డెన్ (గ్రేడ్-2): 03
విభాగం: డైరెక్టర్ ఆఫ్ డిస‌బుల్డ్ సీనియ‌ర్ సిటిజెన్స్ వెల్ఫేర్.

➥ మ్యాట్రన్ (గ్రేడ్-2): 02
విభాగం: డైరెక్టర్ ఆఫ్ డిస‌బుల్డ్ సీనియ‌ర్ సిటిజెన్స్ వెల్ఫేర్.

➥ లేడి సూప‌రింటెండెంట్: 19
విభాగం: చిల్డ్రన్ హోం ఇన్ వుమెన్ డెవ‌ప‌ల్‌మెంట్, చైల్డ్ వెల్ఫేర్ డిపార్ట్‌మెంట్.

పరీక్ష విధానం: మొత్తం 300 మార్కులకు రాతపరీక్ష నిర్వహిస్తారు. ఇందులో పేపర్-1 (జనరల్ స్టడీస్): 150 ప్రశ్నలు-150 మార్కులు, పేపర్-2 (ఎడ్యుకేషన్/డిప్లొమా స్పెషల్ ఎడ్యుకేషన్-విజువల్, హియరింగ్): 150 ప్రశ్నలు-150 మార్కులు ఉంటాయి. ఒక్కో ప్రశ్నకు ఒకమార్కు. ప్రశ్నపత్రాలు ఇంగ్లిష్, తెలుగులో ఉంటాయి.  
                                                     

జీతభత్యాలు..

➨ హాస్టల్ వెల్ఫేర్ ఆఫీసర్(గ్రేడ్-1) పోస్టులకు రూ.38,890 – రూ.1,12,510 ఇస్తారు. 

➨ హాస్టల్ వెల్ఫేర్ ఆఫీసర్(గ్రేడ్-2) పోస్టులకు రూ.35,720 – రూ.1,04,430 ఇస్తారు.

➨ వార్డెన్, మ్యాట్రన్ (గ్రేడ్-1) పోస్టులకు రూ.38,890 – రూ.1,12,510 ఇస్తారు.

➨ వార్డెన్, మ్యాట్రన్(గ్రేడ్-2), లేడీ సూపరింటెండెంట్ పోస్టులకు రూ.35,720 – రూ.1,04,430 ఇస్తారు.