IBPS PO 2022: 6432 పీవో పోస్టుల భర్తీకి నోటిఫికేషన్, పూర్తివివరాలు ఇలా!
2023–24 సంవత్సరంలో ఖాళీలకు సంబంధించి 5 బ్యాంకుల నుంచి ఇప్పటి వరకు ఎలాంటి వివరాలు రాలేదు. దాంతో 6 బ్యాంకుల్లో పోస్టుల భర్తీకి మాత్రమే ఐబీపీఎస్ నోటిఫికేషన్ విడుదల చేసింది.
దేశవ్యాప్తంగా ఉన్న వివిధ ప్రభుత్వరంగ బ్యాంకుల్లో ప్రొబేషనరీ ఆఫీసర్ (పీవో)/మేనేజ్‌మెంట్ ట్రెయినీ (ఎంటీ) పోస్టుల భర్తీకి ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్(ఐబీపీఎస్ పీవో-2022) నోటిఫికేషన్ విడుదల చేసింది. ఏదైనా డిగ్రీ అర్హత ఉన్న అభ్యర్థులు ఈ పోస్టులకు దరఖాస్తు చేసుకోవడానికి అర్హులు.
ఐబీపీఎస్ పీవో పోస్టుల ఆన్‌లైన్ దరఖాస్తు ప్రక్రియ ఆగస్టు 2 నుంచి ప్రారంభం కానుంది. అభ్యర్థులు దరఖాస్తు ఫీజుగా ఎస్సీ, ఎస్టీ, దివ్యాంగులు రూ.175; ఇతరులు రూ.850 చెల్లించి ఆన్‌లైన్ విధానంలో దరఖాస్తు చేసుకోవాల్సి ఉంటుంది. ఆగస్టు 22 వరకు ఆన్‌లైన్ దరఖాస్తు ప్రక్రియ కొనసాగనుంది. రెండు దశల రాతపరీక్షలు, ఇంటర్వ్యూ ద్వారా అభ్యర్థుల ఎంపిక ఉంటుంది.
Also Read: కోల్ఇండియాలో 481 పోస్టులు, నోటిఫికేషన్ పూర్తి వివరాలు
పోస్టుల వివరాలు..
* ప్రొబేషనరీ ఆఫీస‌ర్లు/ మేనేజ్‌మెంట్ ట్రైనీలు: 6432 పోస్టులు
బ్యాంకుల వారీగా ఖాళీల వివరాలు:
- కెనరా బ్యాంక్: 2500
- యూకో బ్యాంక్: 550
- బ్యాంక్ ఆఫ్ ఇండియా: 535
- పంజాబ్ నేషనల్ బ్యాంక్: 500
- పంజాబ్ సింధ్ బ్యాంక్: 253
- యూనియన్ బ్యాంక్ ఆఫ్ ఇండియా: 2094
వాస్తవానికి మరో ఐదు ప్రభుత్వ బ్యాంకులు (బ్యాంక్ ఆఫ్ బరోడా, బ్యాంక్ ఆఫ్ మహారాష్ట్ర, సెంట్రల్ బ్యాంక్ ఆఫ్ ఇండియా, ఇండియన్ బ్యాంక్, ఇండియన్ ఓవర్‌సీస్ బ్యాంక్) కూడా ఐబీపీఎస్ ద్వారానే నియామకాలు చేపడుతుంటాయి. 2023–24 సంవత్సరంలో ఖాళీలకు సంబంధించి ఈ బ్యాంకుల నుంచి ఇప్పటి వరకు ఎలాంటి వివరాలు రాలేదు. దాంతో 6 బ్యాంకుల్లో పోస్టుల భర్తీకి మాత్రమే ఐబీపీఎస్ నోటిఫికేషన్ విడుదల చేసింది.
అర్హత: ఏదైనా డిగ్రీ ఉత్తీర్ణత‌తో పాటు, కంప్యూటర్ నాలెడ్జ్ ఉండాలి.
Also Read: ఇంజినీరింగ్‌తో ఇండియన్ ఆర్మీలో ఉద్యోగాలు- అమ్మాయిలూ అర్హులే!
వ‌యోపరిమితి: 01.08.2022 నాటికి 20 - 30 సంవత్సరాల మధ్య ఉండాలి. అభ్యర్థులు 02.08.1992 - 01.08.2002 మధ్య జన్మంచి ఉండాలి. నిబంధనల ప్రకారం ఎస్సీ, ఎస్టీలకు 5 సంవత్సరాలు, బీసీలకు 3 సంవత్సరాలు, దివ్యాంగులకు 10 సంవత్సరాలు, ఎక్స్-సర్వీస్‌మెన్ అభ్యర్థులకు 5 సంవత్సరాలు, 1984 అల్లర్ల బారినపడిన వారికి 5 సంవత్సరాల పాటు వయోసడలింపు వర్తిస్తుంది.
దరఖాస్తు విధానం: ఆన్‌లైన్ ద్వారా.
దరఖాస్తు ఫీజు: దరఖాస్తు ఫీజుగా ఎస్సీ, ఎస్టీ, దివ్యాంగులు రూ.175; ఇతరులు రూ.850 చెల్లించి
ఎంపిక విధానం: ప్రిలిమనరీ, మెయిన్స్ రాతపరీక్షలు; ఇంటర్వ్యూ ద్వారా.
ప్రిలిమ్స్ పరీక్ష విధానం:
| విభాగం | ప్రశ్నలు | మార్కులు | సమయం |
| ఇంగ్లిష్‌ లాంగ్వేజ్‌ | 30 | 30 | 20 నిమిషాలు |
| క్వాంటిటేటివ్ అప్టిట్యూడ్ | 35 | 35 | 20 నిమిషాలు |
| రీజినింగ్ ఎబిలిటీ | 35 | 35 | 20 నిమిషాలు |
| మొత్తం | 100 | 100 | 60 నిమిషాలు |
మెయిన్స్ పరీక్ష విధానం:
| విభాగం | ప్రశ్నలు | మార్కులు | సమయం |
| రీజనింగ్‌ అండ్‌ కంప్యూటర్ అప్టిట్యూడ్ | 45 | 60 | 60 నిమిషాలు |
| జనరల్‌/ఎకానమీ/బ్యాంకింగ్ అవేర్‌నెస్‌ | 40 | 40 | 35 నిమిషాలు |
| ఇంగ్లిష్‌ లాంగ్వేజ్‌ | 35 | 40 | 40 నిమిషాలు |
| డేటా అనాలిసిస్‌ అండ్‌ ఇంటర్‌ప్రిటేషన్‌ | 35 | 60 | 45 నిమిషాలు |
| మొత్తం | 155 | 200 | 3 గంటలు |
ముఖ్యమైన తేదీలు...
ఆన్‌లైన్ దరఖాస్తు, ఫీజు చెల్లింపు ప్రక్రియ ప్రారంభం : 02.08.2022
ఆన్‌లైన్ దరఖాస్తు, ఫీజు చెల్లించడానికి చివరితేది : 22.08.2022
ప్రీ-ఎగ్జామ్ ట్రైనింగ్ కాల్లెటర్ డౌన్‌లోడ్‌ : సెప్టెంబ‌ర్‌/అక్టోబరు 2022.
ప్రీ-ఎగ్జామ్ ట్రైనింగ్ : సెప్టెంబ‌ర్‌/అక్టోబరు 2022.
ప్రిలిమిన‌రీ పరీక్ష(ఆన్‌లైన్) కాల్లెటర్ డౌన్‌లోడ్‌ : అక్టోబ‌ర్‌ 2022.
ప్రిలిమిన‌రీ పరీక్ష : అక్టోబరు 2022.
ప్రిలిమిన‌రీ పరీక్ష ఫ‌లితాలు : న‌వంబ‌రు 2022.
మెయిన్ ఎగ్జామ్ కాల్లెటర్ డౌన్‌లోడ్‌ : న‌వంబ‌రు 2022.
మెయిన్ ఎగ్జామ్ : న‌వంబ‌రు 2022.
మెయిన్ ఎగ్జామ్ ఫ‌లితాలు : డిసెంబ‌రు 2022.
ఇంటర్వ్యూ కాల్లెటర్ డౌన్‌లోడ్‌ : జ‌న‌వ‌రి/ఫిబ్రవరి 2023.
ఇంటర్వ్యూ : జ‌న‌వ‌రి/ఫిబ్రవరి 2023
నియామకం : ఏప్రిల్ 2023.
మరిన్ని ఉద్యోగ సంబంధిత వార్తల కోసం క్లిక్ చేయండి...
టాప్ హెడ్ లైన్స్
ట్రెండింగ్ వార్తలు
