Satyabhama Serial Today November 7th: సత్యభామ సీరియల్: సత్యతో మసాజ్ చేయించుకోవాలని క్రిష్ తంటాలు.. కోడలికి షాక్ కొట్టించాలని భైరవి ప్లాన్!
Satyabhama Today Episode సత్యకి కరెంట్ షాక్ కొట్టేలా భైరవి, పంకజం ప్లాన్ చేయడం కరెంట్ పోయి సత్యకి షాక్ కొట్టకపోవడంతో ఇవాళ్టి ఎపిసోడ్ ఆసక్తికరంగా మారింది.
Satyabhama Serial Today Episode సోకులకు పోయి నడ్డి విరగొట్టుకుందని భైరవిని మహదేవయ్యని నవ్వుతాడు. అందరూ నవ్వుతారు. నా వైపు చూసి నవ్వుతారా అని భైరవి తినకుండా లేచి వెళ్లిపోతుంది. ఎప్పుడూ నన్ను చూసి భయపడే వాళ్లు సత్య వల్ల నవ్వారు సత్యని వదలను అని భైరవి పంకజంతో చెప్తుంది. ఇక భోజనం వద్దని వచ్చేశారు ఆకలికి తట్టుకోలేరు కదా ఏం చేస్తారని పంకజం అడిగుతుంది. దాంతో భైరవి పక్కనున్న కబోర్డ్ ఓపెన్ చేయమని అందులో ఉన్న లడ్డూలు తింటుంది. భైరవి తిండి చూసి పంకజం బిత్తరపోతుంది.
క్రిష్: సత్య బెడ్ సర్దుతుంటే క్రిష్ వచ్చి చూసి రొటీన్ ముద్దు ముచ్చట కాకుండా నా మనసు వెరైటీ కోరుకుంటుంది సంపంగి ఏం చేస్తే బాగుంటుంది అని తనలో తాను అనుకొని సరదాగా సత్యతో సేవలు చేయించు కుంటే ఎలా ఉంటుంది. మా అమ్మ కింద పడి నడుం విరగ్గొట్టుకుంటేనే మసాజ్‌లు అని సేవలు చేసింది నాకు అయితే పడి పడి ప్రేమతో సేవలు చేస్తుంది. ఆ ఊహే అంత బాగుంటే ఆ ఊహే నిజం అయితే. క్రిష్ కింద పడిపోయినట్లు నటించి నడుంకి ఏదో అయినట్లు ఉంది మసాజ్ చేయాలేమో అంటాడు.
సత్య: నీకు మీ అమ్మకి కళ్లు నెత్తి మీద ఉంటాయా ఆకాశానికి చూస్తూ నడుస్తారా. మీరేమైనా సూపర్ మ్యాన్ సూపర్ ఉమెన్లు అనుకుంటున్నారా.
క్రిష్: మసాజ్‌లు చేస్తుంది అంటే ఇలా మాటలతో చంపేస్తుంది ఏంటి. నేను కింద పడి చాలా సేపు అయింది నా సంగతి చూసు సంపంగి. చేయి పట్టి మీదకి లేపు మంచం మీద పండబెట్టి ఆ మసాజ్ ఏదో చేయ్.
సత్య క్రిష్‌ని బెడ్ మీద పడుకోబెట్టి బామ్ నడుంకి రాసి మసాజ్ చేయడానికి రెడీ అవుతుంది. క్రిష్ మూలగడం ఆపేస్తే క్రిష్ యాక్టింగ్ పసిగట్టేసిన సత్య మూలగడం మర్చిపోయావ్ అని చెప్తుంది. ఇక వేడి నీరు తీసుకొచ్చి కాపడం పెడతా అని చెప్పి తీసుకొస్తుంది. వేడి వేడి నీరు పెట్టడంతో క్రిష్ కెవ్వుమని గంతులేస్తాడు. వేడి వేడి నీరుతో కాపడం పెడతారా అని అంటే దొంగ నాటకాలకు ఇలానే చేస్తారని అంటుంది. మరోవైపు ఉదయం భైరవి లేచి హాల్లోకి వస్తే పంకజం రెస్ట్ తీసుకోండి ఎందుకు వచ్చారని అంటుంది. సత్య మీద రివేంజ్ తీర్చుకోవాలని అంటుంది భైరవి. ఇక మోటర్ దగ్గరకు వెళ్లి సత్యకి షాక్ కొట్టేలా చేస్తుంది. సత్య వచ్చి మోటర్ వేసేలా చేయాలని అనుకుంటున్నానని అంటుంది. సత్య లోపల జయమ్మకు కాఫీ ఇస్తుంటే భైరవి సత్య దగ్గరకు వెళ్లి నీరు రావడం లేదు మోటర్ వేయమని చెప్తుంది.
క్రిష్‌కి కాఫీ ఇచ్చి వెళ్తానని సత్య అంటుంది. సత్య క్రిష్‌ని నిద్ర లేపితే ముద్దు పెడితేనే లేస్తానని క్రిష్ అంటాడు. బాగా చెడిపోయావ్ అని క్రిష్‌ని అని సత్య మోటర్ వేయడానికి వెళ్తుంది. అయితే అప్పుడే కరెంట్ పోతుంది. భైరవి, పంకజం నవ్వుకుంటారు. కరెంట్ లేకపోవడంతో సత్య మోటర్ వేసినా షాక్ కొట్టదు. ఎందుకు షాక్ కొట్టలేదని భైరవి, పంకజం అనుకుంటారు. మోటర్ వేశానని కానీ మోటర్ ఆన్ అవలేదని సత్య భైరవికి చెప్తుంది. ఇక క్రిష్ ఏమైందని చూస్తే చూస్తే వంటింట్లో కరెంట్ ఉంటుంది తన గదిలో ఉండదు. ఏమైందని అనుకుంటాడు దాంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
