Meghasandesam Serial Today November 6th: మేఘ సందేశం సీరియల్: గగన్ ఇంట్లో గన్‌తో శరత్‌చంద్ర వీరంగం.. గగన్ ఇందు పెళ్లి చేస్తాడని మాటిచ్చిన శారద!
Meghasandesam Today Episode గగన్‌ని చంపడానికి శరత్ చంద్ర రావడం ఇందు పెళ్లి గగన్ చేస్తాడని శారద మాట ఇవ్వడంతో ఇవాళ్టి ఎపిసోడ్ ఆసక్తికరంగా మారింది.
Meghasandesam Serial Today Episode భూమికి ఫోన్ చేసి అపూర్వ రమ్మని పిలుస్తుంది. రాను అని భూమి చెప్తే రావాలి అని రాకపోతే నష్టం నీకే అపూర్వ చెప్తుంది. లోకేషన్ చెప్తా వచ్చేయ్ అని అంటుంది. దాంతో భూమి హడావుడిగా బయల్దేరి వెళ్తుంటుంది. మరోవైపు ఇందు పెళ్లి ఆగిపోవడంతో గగన్‌ని చంపడానికి శరత్ చంద్ర గన్ తీసుకొని బయల్దేరుతాడు.
ఇంతలో కృష్ణ ప్రసాద్ శరత్ చంద్రకు అడ్డుగా వెళ్లి గగన్‌ని ఏం చేయొద్దని బతిమాలుతాడు. ఏం జరిగిందో అంతా గగన్‌ని అడుగుతాను అని ప్రసాద్ అంటాడు. శరత్ చంద్రని వెళ్లనివ్వకుండా ప్రసాద్ పట్టుకుంటాడు. దాంతో శరత్ చంద్ర కృష్ణ ప్రసాద్‌కి గన్ గురి పెట్టి చంపేస్తా అని గగన్‌ని చంపడానికి వెళ్తాడు. శరత్ చంద్ర గగన్ ఇంటికి వెళ్లి ఆవేశంగా గగన్‌ని పిలుస్తాడు.
శరత్‌చంద్ర: ఎక్కడ నీ కొడుకు బయటకు రమ్మను.
శారద: వాడితో ఏం పని మీకు.
శరత్‌చంద్ర: వాడి ప్రాణాలు కావాలి. గగన్ ఎదురుగా వచ్చి నిల్చొంటాడు. నా మేనకోడలి జీవితం నాశనం చేసి ఇంట్లో దాక్కున్నావా నిన్ను బతకనివ్వనురా.
శారద: గన్‌కి పట్టుకొని ఆగండి.
శరత్‌చంద్ర: వదులు నీ కొడుకు నా చేతిలో చావాలి వాడి శవం నా కళ్ల చూడనిదే నా కోపం చల్లారదు.
గగన్: అమ్మ తప్పుకో. విషయం తెలీకుండా ప్రతీ సారి మా ఇంటి మీదకు రావడం అలవాటు అయిపోయింది మీకు.
శరత్‌చంద్ర: అందరిలో అల్లరి చేసి ఆడపిల్ల మానం గురించి నీచంగా మాట్లాడించి తన ప్రాణాల మీదకు తెచ్చావ్. కృష్ణ ప్రసాద్ నిన్ను వదిలి నా చెల్లి మెడలో తాళి కట్టినప్పుటి నుంచి పగ తీర్చుకోవాలి అనుకుంటున్నారు. నువ్వు అదే పనిగా కృష్ణ ప్రసాద్‌ని నీ వైపునకు తిప్పుకున్నావ్. నా చెల్లిలి కాపురం కూల్చాలని ప్రయత్నించావ్. అది తప్పు అని అపూర్వ చెప్పినందుకు నేను లేనప్పుడు వీడు ఏకంగా నా ఇంటి మీదకు వచ్చాడు. ఆ రోజు జరగలేదు అని ఈ రోజు ఇందు పెళ్లి ఆపాడు.
గగన్: వాడు లిఫ్ట్ అడిగితే ఇచ్చాను. పెళ్లి కొడుకు నా ఫ్రెండ్ అని చెప్తే తీసుకొచ్చా. పెళ్లి ఆగిపోతుందని ఎవరో చెప్తే వచ్చాను. ఆడపిల్ల పెళ్లి ఆపాల్సిన అవసరం నాకు లేదు.
శరత్‌చంద్ర: నువ్వు చెప్పిన దానికి తలాడించడానికి రాలేదురా నిన్ను చంపాలని వచ్చా. వీడు చేసిన పనికి నా మేనకోడలు ఒంటికి నిప్పు అంటించుకొని హాస్పిటల్‌లో చావు బతుకుల మధ్య ఉంది.
నా బిడ్డను ఏం చేయొద్దని శారదా శరత్‌చంద్రని బతిమాలుతుంది. శరత్‌చంద్ర గన్ పేల్చితే బులెట్స్ లేక గన్ పేలదు. అందరూ ఊపిరి పీల్చుకుంటారు. శరత్‌చంద్ర ఆలోచించి ఇదంతా కృష్ణ ప్రసాద్ పని అని తెలిసి పెద్దగా అరిచి ఇప్పుడు కూడా నీ చావుకి మీ నాన్న అడ్డు పడి నన్ను బతిమాలి నాకు తెలీకుండా గన్‌లో బులెట్స్ తీసేశాడని చెప్తాడు. ఇక కారు దగ్గరకు వెళ్లి మళ్లీ బులెట్స్ పెట్టుకొని వస్తాడు. శారద శరత్‌చంద్ర కాళ్ల మీద పడి ఏడుస్తుంది. మళ్లీ పెళ్లి చేయొచ్చని శారదా అంటుంది. ఆగిపోయిన పెళ్లిని నువ్వే జరిపించాలి అని శరత్‌చంద్ర అంటాడు. గగన్ తనకు ఏం సంబంధం లేదు అంటే శరత్‌చంద్ర చంపేస్తా అంటాడు. దాంతో శారదా గగన్ ఈ పెళ్లి చేస్తాడని మాట ఇచ్చేస్తుంది. రేపటిలోగా పెళ్లి జరిపించాలని శరత్‌చంద్ర కండీషన్ పెడతాడు. లేదంటే నీ కొడుకుతో పాటు నిన్ను చంపేస్తా అని శరత్‌చంద్ర అంటాడు. దాంతో శారదా తన కొడుకు పెళ్లి చేస్తాడని మాట ఇచ్చేస్తుంది. గగన్ మాట నిలబెట్టుకునే వరకు నువ్వు, నీ కూతురు నా ఆధీనంలో ఉండాలని శరత్‌చంద్ర కండీషన్ పెడతాడు. దీంతో ఇవాళ్టి ఎపిసోడ్ పూర్తయిపోతుంది.
Also Read: 'త్రినయని' సీరియల్: విశాలే తనకు కాబోయే భర్త అని ఫిక్స్ అయిపోయిన త్రినేత్రి.. బ్రేక్‌ ఫెయిల్!
టాప్ హెడ్ లైన్స్
ట్రెండింగ్ వార్తలు
