Naagin Movie: సీరియలే... కానీ ఇప్పుడు సినిమాగా - వెండితెరపైకి 'నాగిన్‌'

Naagin Movie Update: హిందీలో మోస్ట్ సక్సెస్ ఫుల్ సీరియళ్లలో 'నాగిన్' ఒకటి. ఇప్పటికి ఆరు సీజన్లు పూర్తి చేసుకుంది. ఇప్పుడీ సీరియల్ ను సినిమాగా తీసుకు రావడానికి సన్నాహాలు చేస్తున్నారు. 

బుల్లి తెర నుండి వెండి తెరపైకి రావడానికి సిద్ధమవుతోన్న 'నాగిన్'

Source : Balaji Telefilms

హిందీలో అత్యంత విజవంతమైన సీరియళ్లలో 'నాగిన్' ఒకటి. ఇది 2015లో మొదలు అయ్యింది. ఇప్పటికి ఆరు సీజన్లు పూర్తి చేసుకుంది. అయినా సరే వీక్షకాదరణ ఏ మాత్రం తగ్గలేదు. ఇప్పుడీ సీరియల్ (Naagin Serial Latest Update)ను సినిమాగా తీసుకు రావడానికి సన్నాహాలు చేస్తున్నారు.

ఇప్పుడు 'నాగిన్' సీరియల్ ఏడో సీజన్ నడుస్తోంది. ఈ సీరియల్ 2015 నుండి ప్రేక్షకులకు టీవీలో వినోదాన్ని అందిస్తోంది. ఈ సీరియల్‌కు చాలా మంది అభిమానులు ఉన్నారు. అందువల్ల, ఈ సీరియల్ టీఆర్పీలో కూడా అగ్రస్థానంలో ఉంది. ఇప్పుడు 'నాగిన్'ను బుల్లితెర నుండి వెండితెరపైకి తీసుకు రావడానికి సన్నాహాలు చేస్తున్నారని వార్తలు వస్తున్నాయి. ఈ షో కాన్సెప్ట్‌ మీద బాలాజీ టెలిఫిల్మ్స్ అధినేత్రి ఏక్తా కపూర్ ఇప్పుడు సినిమా నిర్మించబోతున్నారట.

హిందీ చలన చిత్ర పరిశ్రమకు చెందిన ఓ వ్యక్తి చెప్పిన వివరాల ప్రకారం... బాలాజీ టెలిఫిల్మ్స్ 'నాగిన్'ను బుల్లి తెర నుంచి వెండితెరపైకి తీసుకు రావడం గురించి చర్చిస్తోంది. ఈ సిరీయల్‌కు ఉన్న భారీ అభిమాన గణాన్ని, దాని సినిమాటిక్ స్కేల్‌ను చూసి దీనిని వెండితెర కోసం కొత్తగా మార్చాలని ఆలోచిస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

ప్రస్తుతానికి ప్రారంభ దశలోనే ఆలోచన
'నాగిన్' సినిమా ఆలోచన ఇంకా ప్రారంభ దశలో ఉంది. కానీ, వెండి తెరపై నాగిన్ పాత్రను ఎవరు పోషిస్తారనేది ప్రశ్న. టీవీలో మౌనీ రాయ్, నియా శర్మ, సుర్భి చాందనా, అనితా హస్సానందాని, తేజస్వి ప్రకాష్, ఇప్పుడు ప్రియాంక చౌదరి చాహర్‌లను 'నాగిన్‌'లుగా చూశాం. కానీ సినిమాకు కూడా టీవీ నుంచే ఒక 'నాగిన్‌'ను తీసుకుంటుందా? లేదా? సినిమా పరిశ్రమ నుంచి ఎవరినైనా తీసుకుంటుందా అనేది ఆసక్తికరంగా ఉంటుంది. అయితే దీనిపై ఇంకా ఎలాంటి అధికారిక ప్రకటన రాలేదు.

2015లో టీవీలో 'నాగిన్' ద్వారా ప్రేక్షకులకు కొత్త ప్రపంచాన్ని పరిచయం చేశారు ఏక్తా కపూర్. మొదట మౌనీ రాయ్, అదా ఖాన్‌లను వీక్షకులు 'నాగిన్‌'లుగా చూశారు. అప్పటి నుంచి ఇప్పటికి సుమారు 11 సంవత్సరాలుగా ప్రజలకు వినోదం అందిస్తూ విజయవంతంగా ముందుకు సాగుతోంది.