Spirit Heroine: సీక్రెట్ బాయ్‌ఫ్రెండ్ బర్త్‌డే సెలబ్రేట్ చేసిన 'స్పిరిట్' హీరోయిన్... తృప్తి డిమ్రీ వైరల్ ఫోటోలు

Who Is Tripti Dimri Boyfriend?: 'యానిమల్'తో తృప్తి డిమ్రి పాపులర్ అయ్యింది. అప్పటికే ఆవిడ ప్రేమలో ఉందని బాలీవుడ్ టాక్. తృప్తి ప్రియుడి పేరు సామ్ మర్చంట్. అతని బర్త్ డే సెలెబ్రేట్ చేసిందీ హీరోయిన్.

స్నేహితులతో కలిసి బాయ్‌ఫ్రెండ్ సామ్ పుట్టినరోజును సెలబ్రేట్ చేసిన తృప్తి డిమ్రీ

Source : instagram

Tripti Dimri Boyfriend Sam Merchant Birthday: ఇండియాస్ బిగ్గెస్ట్ సూపర్ స్టార్ ప్రభాస్ 'స్పిరిట్' ఫస్ట్ లుక్ రిలీజ్ తర్వాత అందులో హీరోయిన్ ఎవరు? అని టాలీవుడ్ ఆడియన్స్ ఆరా తీశారు. బాలీవుడ్ సినిమాలు ఫాలో అయ్యే ప్రేక్షకులకు ఆల్రెడీ ఆవిడ తెలుసు. 'యానిమల్' సినిమాతో తృప్తి డిమ్రి పాపులర్ అయ్యింది. అయితే, అప్పటికే ఆవిడ ప్రేమలో ఉందని బాలీవుడ్ టాక్. తృప్తి ప్రియుడి పేరు సామ్ మర్చంట్. అతని బర్త్ డే సెలెబ్రేట్ చేసిందీ హీరోయిన్.

వ్యాపారవేత్త సామ్ మర్చంట్ (Who is Sam Merchant)తో ప్రస్తుతం డేటింగ్‌లో ఉంది తృప్తి. అయితే, వీరిద్దరూ తమ బంధాన్ని అధికారికంగా ప్రకటించలేదు. కానీ, పబ్లిక్‌గా కనిపించడం... సెలవుల్లో కలిసి షికార్లుకు వెళ్లడం, అక్కడ దిగిన ఫోటోలను తరచూ సోషల్ మీడియాలో పోస్ట్ చేస్తూ తమ బంధం నిజమని చెప్పక చెబుతున్నారు.

ఇటీవల సామ్ మర్చంట్ పుట్టినరోజు జరిగింది. ఈ సందర్భంగా తృప్తి తన ఇన్‌స్టాగ్రామ్ స్టోరీలో అతని ఫోటోలను షేర్ చేసి శుభాకాంక్షలు తెలిపింది. అదే సమయంలో సామ్ పుట్టినరోజు పార్టీకి సంబంధించిన కొన్ని సీక్రెట్ ఫోటోలు కూడా వెలుగులోకి వచ్చాయి. అందులో తృప్తి స్నేహితులతో కలిసి పార్టీని ఆస్వాదిస్తూ సంతోషంగా కనిపించింది.

బాయ్‌ఫ్రెండ్ బర్త్‌ డే సెలబ్రేషన్స్‌లో తృప్తి డిమ్రీ
సామ్ మర్చంట్ తన ఇన్‌స్టాగ్రామ్ స్టోరీస్‌లో ఒక వీడియో షేర్ చేశాడు. అందులో అతను తన కుటుంబ సభ్యులు, స్నేహితుల మధ్య పుట్టినరోజు కేక్ కట్ చేస్తూ కనిపించాడు. ఆ వీడియోలో తృప్తి డిమ్రీ అతని పక్కన నిలబడి పాటలు పాడుతూ చప్పట్లు కొడుతూ కనిపించింది. ఎల్లో కలర్ టాప్, బ్యాగీ డెనిమ్ జీన్స్‌లో చాలా అందంగా ఉంది.

సామ్ మర్చంట్‌ బర్త్‌ డే సెలబ్రేషన్స్‌లో తీసిన గ్రూప్ ఫోటోలో సామ్ పక్కన నిలబడి పోజులిస్తూ కనిపించింది తృప్తి. పార్టీలో ఎర్నాజ్ నౌరోజీ కూడా కనిపించింది.

రూమర్డ్ బాయ్‌ఫ్రెండ్ సామ్ మర్చంట్‌కు తృప్తి డిమ్రీ ప్రత్యేకంగా పుట్టినరోజు శుభాకాంక్షలు తెలిపింది. తృప్తి తన ఇన్‌స్టాగ్రామ్ స్టోరీలో సామ్‌తో ఉన్న మూడు వేర్వేరు ఫోటోల కోల్లెజ్‌ను పోస్ట్ చేసింది. 'పుట్టినరోజు శుభాకాంక్షలు సామ్. దేవుడు నిన్ను ఆశీర్వదిస్తాడు' అని రాసింది. తృప్తి షేర్ చేసిన ఫోటోలలో ఇద్దరూ కలిసి ఉన్నారు.

తృప్తి డిమ్రీ, సామ్ మర్చంట్‌లు గత కొన్ని సంవత్సరాలుగా డేటింగ్ చేస్తున్నారని పుకార్లు వినిపిస్తున్నాయి. డిసెంబర్ 2022లో డేటింగ్ చేయడం ప్రారంభించారట. సామ్ లేదా తృప్తి... ఇద్దరిలో ఎవరూ తమ బంధాన్ని ధృవీకరించలేదు. సినిమాల గురించి చెప్పాలంటే... త్వరలో విశాల్ భరద్వాజ్ చిత్రం 'ఓ రోమియో'లో తృప్తి డిమ్రీ కనిపించనుంది. షాహిద్ కపూర్ తో ఆమె నటించిన మొదటి చిత్రమిది.