Karthika Deepam July 29 Update Episode 1417: రౌడీబేబిని ఎత్తుకున్న డాక్టర్ సాబ్, చెల్లుకు చెల్లు అంటూ షాకిచ్చిన శౌర్య

Karthika Deepam july 29 Episode 1417: బుల్లితెర ప్రేక్షకుల్ని మెప్పిస్తోన్న ‘కార్తీకదీపం’ సీరియల్ లో ప్రస్తుతం హిమ-జ్వాల(శౌర్య) చుట్టూ కథ నడుస్తోంది. ఈ రోజు ఎపిసోడ్ లో ఏం జరిగిందంటే...

Karthika Deepam july 29 Episode 1417 (Image Credit: Star Maa/Hot Star)

కార్తీకదీపం జులై 29 శుక్రవారం ఎపిసోడ్ (Karthika Deepam july 29 Episode 1417)

తలనొప్పిగా ఉందనుకుంటూ కూర్చుంటుంది శౌర్య. ఆ మాట విన్న హిమ అమృతాంజనం తీసుకొచ్చి రాస్తుంది. ముందు సౌందర్య అనుకుని నువ్వు సేవలు చేయడం ఏంటి నానమ్మా అన్న శౌర్య..ఆతర్వాత అక్కడున్నది హిమ అని తెలిసి కోప్పడుతుంది. నన్ను బయటకు వెళ్లమంటే డాక్టర్ సాబ్ ని లోపలకు పంపిస్తాను అంటూ నవ్వుతూ వెళ్లిపోతుంది. దీన్ని తిట్టినా నవ్వుతూ వెళుతోంది ఏంటి..ఏమైనా ప్లాన్స్ వేస్తోందా అనుకుంటుంది శౌర్య.

జాగింగ్ కి వెళదాం రామ్మా అని శౌర్యని పిలుస్తాడు ఆనందరావు. ముందు కాసేపు బెట్టుచేసినా కార్తీక్ సెంటిమెంట్ వాడేసరికి సరేనంటుంది శౌర్య. తాతయ్య ఆనందరావుతో జాగింగ్ కి వెళుతుంది శౌర్య. మరోవైపు సౌందర్య దగ్గరకు వచ్చిన నిరుపమ్ కాఫీ అడిగుతాడు. ఆ తర్వాత హిమ-శౌర్య వార్ గురించి మాట్లాడుతూ కార్తీక్-ఆదిత్య ఎలా ఉండేవారని అడుగుతాడు. సౌందర్య-నిరుపమ్ కాసేపు మాట్లాడుకుంటారు. చిన్నప్పుడు ఇద్దరూ సరదాగా ఉండేవారు ఇప్పుడేంటో ఇలా తయారయ్యారంటుంది.

స్వప్న-శోభ
శోభ ఏం చేస్తున్నావ్ కాపీ కావాలా అని వస్తుంది స్వప్న. కాఫీలు తాగి, టిఫిన్లు తిని, నిద్రపోవడానికి ఇక్కడకు రాలేదు.. నిరుపమ్ తో పెళ్లిచేస్తానన్నారు మరిచిపోయారా అంటూ నిలదీస్తుంది. శోభకు ఏమీ సమాధానం చెప్పలేకపోతున్నా అనుకుంటుంది స్వప్న.

బావతో శౌర్య గురించి మాట్లాడాలంటే జాగింగ్ కి వెళ్లాలి అనుకుంటుంది హిమ. నిరుపమ్ కూడా హిమతో మనసువిప్పి మాట్లాడాలంటే కుదరడం లేదు అందుకే జాగింగ్ కి రమ్మన్నాను అనుకుంటాడు. శౌర్య-హిమ కలవాలని దేవుడిని ప్రార్థిస్తుంది సౌందర్య. ఈ లోగా అక్కడకు వచ్చిన ప్రేమ్..వీళ్లంతా ఏరి అని అడుగుతాడు. అంతా జాగింగ్ కి వెళ్లారని చెబుతుంది సౌందర్య.నిరుపమ్-శౌర్యని ఎలాగైనా కలిపేసి హిమతో తనకు పెళ్లిచేయాలని దేవుడిని కోరుకుంటాడు ప్రేమ్. 

హిమ, నిరుపమ్ జాగింగ్ చేస్తుండగా ఓ దగ్గర పెద్ద గుంపు ఉండడంతో ఏమైందంటూ అక్కడకు వెళతారు. వెళ్లి చూసేసరికి శౌర్య కళ్లు తిరిగి పడిపోయి ఉంటుంది. అప్పుడు నిరుపమ్ శౌర్యను ఎత్తుకుని ఇంటికి తీసుకొస్తాడు. నిరుపమ్ తనని ఎత్తుకున్న విషయం శౌర్యకి తెలియాలంటే ఎలాగైనా కళ్లు తెరవాలని ఆలోచించిన హిమ.. ఆటో ఆటో అని కావాలని అరుస్తుంది. హిమ అరుపులకు శౌర్య కళ్లు తెరుస్తుంది. డాక్టర్ సాబ్ తనని ఎత్తుకోవడం చూసి హ్యాపీగా ఫీలవుతుంది. శౌర్య కళ్లు తెరవడం చూసిన నిరుపమ్ కిందకు దించాలనుకుంటాడు. కానీ శౌర్య మాత్రం చెల్లుకు చెల్లు అంటుంది. అప్పుడు మీరు మత్తులో ఉన్నప్పుడు నేను మిమ్మల్ని ఇంటికి దింపాను అందుకే నన్ను ఇంటివరకూ దింపండి అంటుంది. 

ఏపిసోడ్ పూర్తైంది....