Shruti Haasan: 'నేనే ఫస్ట్ ప్రపోజ్ చేశా..' శాంతనుతో ఎఫైర్ పై శృతి కామెంట్స్..

రీసెంట్ గా శాంతనుకి తనే ఫస్ట్ ప్రపోజ్ చేసినట్లు చెప్పింది శృతిహాసన్.

By: ABP Desam | Updated at : 10 Jan 2022 01:06 PM (IST)

Shruti Haasan Says I proposed to Santanu first

శాంతనుతో ఎఫైర్ పై శృతి కామెంట్స్..

స్టార్ హీరో కమల్ హాసన్ కూతురిగా ఇండస్ట్రీకి పరిచయమైన శృతిహాసన్.. తన నటనతో మంచి గుర్తింపు తెచ్చుకుంది. ఈ బ్యూటీ సోషల్ మీడియాలో చాలా యాక్టివ్ గా ఉంటుంది. పలు విషయాలపై ఓపెన్ అవుతూ ఉంటుంది. ముఖ్యంగా తన లవ్ లైఫ్ విషయాలను అస్సలు దాచుకోదు. ఒకప్పుడు మైఖేల్‌ కోర్సలేతో రిలేషన్ లో ఉన్నపుడు తెగ హంగామా చేసింది. ఆ తరువాత అతడికి బ్రేకప్ చెప్పేసి డూడుల్ ఆర్టిస్ట్ శాంతను హజారికాతో రిలేషన్ మెయింటైన్ చేస్తుంది.

అతడితో ఎక్కువ సమయం గడుపుతూ.. ఇద్దరూ కలిసి తీసుకున్న ఫొటోలను సోషల్ మీడియాలో షేర్ చేస్తుంటుంది. మొన్నామధ్య అభిమానులు ఇదే విషయంపై ఆమెను ప్రశ్నించగా.. శాంతను బెస్ట్ ఫ్రెండ్ మాత్రమేనని.. అతడంటే గౌరవం ఉందని చెప్పింది. ఇద్దరి అభిరుచులు కలవడంతో అతడితో ఎక్కువ సమయం గడపడానికి ఇష్టపడతానని చెప్పింది.

కానీ రీసెంట్ గా మాత్రం శాంతనుకి తనే ఫస్ట్ ప్రపోజ్ చేసినట్లు చెప్పింది శృతిహాసన్. ఇన్స్టాగ్రామ్ లో కపుల్ ఛాలెంజ్ లో పాల్గొన్న ఈ బ్యూటీ.. శాంతను తనపై ముందుగా ఇంట్రెస్ట్ చూపించినప్పటికీ.. ప్రపోజ్ మాత్రం ఫస్ట్ నేనే చేశానంటూ ఒప్పుకుంది. ఈ వీడియోను తన ఇన్స్టాగ్రామ్ లో పోస్ట్ చేసింది. ప్రస్తుతం ఈ వీడియో వైరల్ అవుతోంది. ఇదివరకు శృతి.. హీరో సిద్ధార్థ్, నాగచైతన్య లాంటి వాళ్లతో కూడా డేటింగ్ చేసిందని టాక్.

ఇక సినిమాల విషయానికొస్తే.. 'క్రాక్'తో హిట్ కొట్టిన ఈ భామ ప్రస్తుతం ప్రభాస్ తో కలిసి 'సలార్' సినిమాలో నటిస్తోంది. అలానే బాలకృష్ణ-గోపీచంద్ మలినేని కాంబినేషన్ లో తెరకెక్కనున్న సినిమాకి గ్రీన్ సిగ్నల్ ఇచ్చింది.