Vishnu Vishal: కోలీవుడ్ హీరోకి కోవిడ్.. రిలాక్స్ అయిన రవితేజ ఫ్యాన్స్..

జనవరి 7న మాస్ మహారాజా రవితేజతో దిగిన ఫొటోను ట్విట్టర్ లో పోస్ట్ చేశారు విష్ణు విశాల్. రవితేజతో కలిసి సినిమా చేయబోతున్నట్లు చాలా ఎగ్జైటెడ్ గా చెప్పారు.

By: ABP Desam | Published : 09 Jan 2022 03:21 PM (IST)|Updated : 09 Jan 2022 03:21 PM (IST)

Actor Vishnu Vishal test postivie for Covid 19

కోలీవుడ్ హీరోకి కోవిడ్..

తమిళ నటుడు విష్ణు విశాల్ కరోనా బారిన పడ్డారు. ఈ విషయాన్ని ఆయన ట్విట్టర్ వేదికగా ప్రకటించారు. 2022 పాజిటివ్ రిజల్ట్ తో మొదలైందని.. తనకు కోవిడ్ వచ్చిందని చెప్పారు. గత వారం రోజుల్లో తనను కలిసిన వారందరినీ జాగ్రత్తగా ఉండమని సూచించారు. విపరీతమైన ఒళ్లు నొప్పులతో ఇబ్బందిపడుతున్నట్లు చెప్పారు.

జలుబు, గొంతు ఇన్ఫెక్షన్ తో పాటు జ్వరం కూడా వచ్చిందని.. దీని నుంచి బయటపడతానని అనుకుంటున్నట్లు చెప్పారు. విష్ణు విశాల్ ఈ విషయం చెప్పిన వెంటనే రవితేజ అభిమానుల్లో టెన్షన్ మొదలైంది. ఎందుకంటే.. జనవరి 7న మాస్ మహారాజా రవితేజతో దిగిన ఫొటోను ట్విట్టర్ లో పోస్ట్ చేశారు విష్ణు విశాల్. రవితేజతో కలిసి సినిమా చేయబోతున్నట్లు చాలా ఎగ్జైటెడ్ గా చెప్పారు.

దీంతో రెండు రోజుల క్రితమే విష్ణు విశాల్.. రవితేజని కలిశారా..? అంటూ అభిమానులు విష్ణు విశాల్ ను ప్రశ్నించగా.. దానికి ఆయన క్లారిటీ ఇచ్చారు. అది పాత ఫొటో అని.. భయపడాల్సిన అవసరం లేదని అన్నారు. దీంతో రవితేజ ఫ్యాన్స్ టెన్షన్ కాస్త తగ్గింది. ఇక విష్ణు విశాల్ తెలుగులో విడుదలైన 'అరణ్య' సినిమాలో కనిపించారు. ప్రస్తుతం ఆయన నటించిన రెండు సినిమాలు విడుదలకు సిద్ధంగా ఉన్నాయి.

2022
Starting wid a +IVE result..🤕
Guys ...
Yes im covid +ive...
Anyone who came in contact with me in the last 1 week please take care..
Horrific body pains and nose block,itchy throat n also mild fever..
Looking forward to bounce back soon🙏
— VISHNU VISHAL - V V (@TheVishnuVishal) January 9, 2022