Chiranjeevi: చిరంజీవి పక్కన ఛాన్స్ కొట్టేసిన శ్రుతి హాసన్?

శ్రుతి హాసన్ చిరంజీవి సినిమాలో నటించే అవకాశాన్ని దక్కించుకున్నట్టు సమాచారం.

(Image credit: Instagram)

శ్రుతిహాసన్‌కు కొత్త ఏడాది బాగా కలిసొచ్చినట్టు కనిపిస్తోంది. చిరంజీవి పక్కన హీరోయిన్ గా నటించే ఛాన్స్ కొట్టేసినట్టు తెలుస్తోంది. గతేడాది రవితేజ సినిమాలో ‘క్రాక్’ సినిమాతో మంచి హిట్‌ను అందుకుంది శ్రుతి. హీరోయిన్‌గా ఆమె కెరీర్ ముగిసిపోయింది అనుకుంటున్న సమయంలో క్రాక్ సినిమా ఆమెను నిలబెట్టింది. మళ్లీ సినిమాలు వరుస కట్టేలా చేసింది. ప్రభాస్‌తో ‘సలార్’ సినిమాలో కూడా నటిస్తోంది. పాన్ ఇండియా మూవీగా తెరకెక్కుతున్న ఈ సినిమా విడుదలైతే శ్రుతి గ్రాఫ్ అలా పైకి పెరగడం ఖాయం. ఆ సినిమాపై చాలా ఆశలు పెట్టుకుంది శ్రుతి. 

చిరంజీవి తన 154వ సినిమాను బాబీ దర్శకత్వంలో చేస్తున్నారు. ఈ సినిమా షూటింగ్ కూడా మొదలైంది. ఇందులో హీరోయిన్‌గా శ్రుతి హాసన్‌ను ఎంపిక చేసుకున్నట్టు టాక్. దీనికి సంబంధించి త్వరలోనే అధికారిక ప్రకటన కూడా రాబోతోంది. చిరుతో ఈ సినిమా చేస్తే నలుగురు మెగాహీరోలతో నటించిన కథానాయికగా గుర్తింపు తెచ్చుకుంటుంది శ్రుతి. గబ్బర్ సింగ్‌, కాటమరాయుడు సినిమాలలో పవన్ కళ్యాణ్‌తో, ఎవడు మూవీలో రామ్ చరణ్ పక్కన, రేసు గుర్రంలో అల్లు అర్జున్ తో ఇప్పటికే నటించింది ఈ భామ. ఇప్పుడు చిరు పక్కన నటించబోతోంది.    

కమల్ హాసన్ కూతురిగా ఇండస్ట్రీలోకి అడుగుపెట్టినప్పటికీ తనకంటూ ప్రత్యేక గుర్తింపును అతి తక్కువ సమయంలోనే సాధించింది ఈ బ్యూటీ. ఇంగ్లాండ్ గాయకుడు మైకెల్ కోర్సెలేతో ప్రేమాయణం నడిపి చివరికి బ్రేకప్ చెప్పింది. ప్రస్తుతం హజారికా అనే యువకుడితో ప్రేమలో మునిగితేలుతుంది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి.