Jubilee Hills traffic: కేబీఆర్ పార్క్ పరిసరాల్లో ఫ్లైఓవర్ పనులు ప్రారంభం - ట్రాఫిక్లో చిక్కుకోకుండా ఇవిగో ప్రత్యామ్నాయ రూట్స్
GHMC excavation works: బంజారాహిల్స్, జూబ్లీహిల్స్ పరిసరాల్లో ట్రాఫిక్ కష్టాలు మొదలయ్యాయి. స్ట్లీ ఫ్లైఓవర్.. అండర్ పాస్ నిర్మాణ పనులు ప్రారంభం కావడమే దీనికికారణం.
GHMC steel flyover and underpass Near KBR : హైదరాబాద్ నగరంలోని అత్యంత రద్దీ ప్రాంతాలైన బంజారాహిల్స్, జూబ్లీహిల్స్ పరిసరాల్లో ట్రాఫిక్ కష్టాలు మొదలయ్యాయి. కేబీఆర్ పార్క్ వద్ద స్టీల్ ఫ్లైఓవర్ , అండర్పాస్ నిర్మాణానికి సంబంధించి గ్రేటర్ హైదరాబాద్ మున్సిపల్ కార్పొరేషన్ తవ్వకం పనులను ప్రారంభించింది. హైదరాబాద్ సిటీ ఇన్నోవేటివ్ అండ్ ట్రాన్స్ఫార్మేటివ్ ఇన్ఫ్రాస్ట్రక్చర్ ప్రాజెక్టులో భాగంగా ఈ పనులను చేపడుతున్నారు.
కుంచించుకుపోయిన రహదారులు
ప్రస్తుతం బంజారాహిల్స్ రోడ్ నంబర్ 2 పార్క్ హయత్ సమీపంలో భారీ యంత్రాలతో తవ్వకాలు జరుగుతున్నాయి. నిర్మాణ ప్రాంతానికి ఇరువైపులా బారికేడ్లు ఏర్పాటు చేయడంతో ప్రధాన రహదారి ఇరుకుగా మారింది. మట్టి పరీక్షలు పూర్తయ్యాయని, త్వరలోనే పిల్లర్ల నిర్మాణ పనులు చేపడతామని జీహెచ్ఎంసీ ఇంజనీరింగ్ అధికారులు వెల్లడించారు. జూబ్లీహిల్స్ చెక్పోస్ట్, కేబీఆర్ పార్క్ ఎంట్రన్స్, ముగ్ధ జంక్షన్ల వద్ద ఈ పనులు కొనసాగనున్నాయి.
పీక్ అవర్స్లో తప్పని ఇబ్బందులు
ఈ ప్రాంతంలో స్టార్ హోటళ్లు, ఆసుపత్రులు, వాణిజ్య సంస్థలు ఎక్కువగా ఉండటంతో నిత్యం వేలాది వాహనాలు రాకపోకలు సాగిస్తుంటాయి. ముఖ్యంగా ఉదయం 9 నుండి 12 గంటల వరకు, సాయంత్రం 4 నుండి రాత్రి 9 గంటల వరకు ట్రాఫిక్ రద్దీ తీవ్రంగా ఉండనుంది. పనులు వేగం పుంజుకుంటే ట్రాఫిక్ నిలిచిపోయే ప్రమాదం ఉందని వాహనదారులు ఆందోళన వ్యక్తం చేస్తున్నారు.
ట్రాఫిక్ పోలీసులు ఇప్పటికే ప్రత్యామ్నాయ మార్గాలపై అడ్వైజరీ జారీ చేశారు:
NFCL నుండి జూబ్లీహిల్స్/కేబుల్ బ్రిడ్జ్ వైపు వెళ్లేవారు: శ్రీనగర్ కాలనీ టీ-జంక్షన్, సాగర్ సొసైటీ వద్ద మళ్లింపు ఉంటుంది. వీరు శ్రీనగర్ కాలనీ మెయిన్ రోడ్ → ఇందిరానగర్ లేబర్ అడ్డా → రోడ్ నెం. 5 జూబ్లీహిల్స్ → వెంకటగిరి ఎక్స్ రోడ్స్ మీదుగా ప్రయాణించాలి.
రోడ్ నెం. 36 & 45 నుండి NFCL వైపు వచ్చేవారు: జూబ్లీహిల్స్ చెక్పోస్ట్ → వెంకటగిరి రోడ్ నెం. 2 → యూసుఫ్గూడ బస్తీ → మైత్రీవనం → అమీర్పేట మీదుగా వెళ్లాల్సి ఉంటుంది.
పంజాగుట్ట (KCP) నుండి కేబీఆర్ పార్క్/రోడ్ నెం. 36 వైపు వెళ్లేవారు: బంజారాహిల్స్ రోడ్ నెం. 10 → క్యాన్సర్ హాస్పిటల్ → అగ్రసేన్ ఐలాండ్ → భారతీయ విద్యాభవన్ → రోడ్ నెం. 45 మీదుగా వెళ్లాలి.
మాసబ్ ట్యాంక్ నుండి జూబ్లీహిల్స్ వైపు వెళ్లేవారు: విరించి హాస్పిటల్ వద్ద ఎడమకు తిరిగి → అగ్రసేన్ ఐలాండ్ → భారతీయ విద్యాభవన్ మీదుగా ప్రయాణించాలి.
నిర్మాణ పనులు పూర్తయ్యే వరకు వాహనదారులు సహకరించాలని, సాధ్యమైనంత వరకు ప్రత్యామ్నాయ మార్గాలను ఎంచుకోవాలని అధికారులు కోరుతున్నారు.
టాప్ హెడ్ లైన్స్
ట్రెండింగ్ వార్తలు
