Ugadi Panchangam 2026: పరాభవ నామ సంవత్సరం సింహ రాశి ఉగాది ఫలితాలు! ఉద్యోగులు, వ్యాపారులు, విద్యార్థులకు ఎలా ఉండబోతోంది?

Parabhava Nama Samvatsara Panchangam: శ్రీ పరాభవ నామసంవత్సరంలో సింహ రాశివారికి ఎలాంటి ఫలితాలున్నాయి? ఏ గ్రహం అనుకూలం? ఏ గ్రహం ప్రతికూలం? 2026 - 2027 వార్షిక ఫలితం ఇక్కడ తెలుసుకోండి

Simha Rasi parabhava nama samvatsaram Ugadi phalitalu 2026

Source : https://in.pinterest.com/pin/1070730880241336772/

Simha rashi parabhava nama samvatsaram phalitalu 2026 2027
సింహ రాశి

మఘ , పుబ్బ, ఉత్తర 1 పాదము

ఆదాయం 5 వ్యయం 5  రాజపూజ్యం 7 అవమానం-7
 
పరాభవ నామ సంవత్సరంలో సింహ రాశివారికి కుటుంబకారకుడైన గురుడు 12వ ఇంట కేతువుతో కలసి సంచరిస్తున్నాడు. అందుకే ఈ రాశివారికి ఈ ఏడాది శారీరకంగా, మానసికంగా కుంగుబాటు ఉంటుంది. ఆరోగ్య బాధలు, కంటికి సంబంధించిన సమస్యలు తప్పవు. అవమానకరమైన పనులు, అపనిందలు, రావలసినసొమ్ముకు ఆటంకాలు, ఇవ్వాల్సినవి సమయానికి ఇవ్వలేకపోవడం, ఎంత మంచిగా ఉందామనుకున్నా ఏదో ఒక లోపం ఉంటుంది. ఊహించని సంఘటనలు చాలా జరుగుతాయి. ఏడాది ప్రారంభంలో నష్టాలున్నా చివరకు ఆదాయం, రాజ్యపూజ్యత కొంత మేర బావుంటుంది. బంధుమిత్రుల సహాయ సహకారాలుంటాయి. మీ తెలివి తేటలు వల్ల కొన్ని గడ్డు సమస్యల నుంచి బయటపడతారు. ప్రయాణంలో నష్టం, చోర భయం, కంఠ బాధలు ఉంటాయి. ఏ చిన్న కార్యం తలపెట్టినా కుటుంబంలో మహిళల సలహాలు తీసుకుని ముందుకు సాగడం మంచిది. బంధువులతో సంతోషంగా ఉంటే సమయస్ఫూర్తితో మెలగాలి
 
పరాభవ నామ సంవత్సరం సింహ రాశి ఉద్యోగులకు

పరాభవ నామ సంవత్సరం సింహ ఉద్యోగులకు అనుకూలంగా ఉండదు. గురు, శనుల ప్రభావం వలన అసంతృప్తి, మాటలో నిలకడ ఉండదు. కేంద్ర రాష్ట్ర ప్రభుత్వాలలో పనిచేసేవారికి సుదూర ప్రాంతాలకు బదిలీలు, సస్పెండ్ తప్పదు, నిందారోపణలకు గురి అగుట, అధికారులు వల్ల ఇబ్బందులు, సెలవులు అధికంగా తీసుకోవడం జరుగుతుంది. పర్మినెంటుకాని వార్కి ఈ ఏడాది కూడా నిరాశే మిగులును. నిరుద్యోగులకు అంత ఆశాజనకంగా ఉండదు. గృహనిర్మాణములు, నూతన వాహన ప్రాప్తి  కలుగుతుంది. 

పరాభవ నామ సంవత్సరం సింహ రాశి రాజకీయనాయకులకు

రాజకీయ నాయకులకు ఈ సంవత్సరం గడ్డుకాలమే. గురు శని బలం లేని కారణంగా మీపై నిందారోపణలు వచ్చును. ప్రజల్లో గుర్తింపు ఉండదు. అధిష్టాన వర్గంలోనూ పేరుఉండదు. ఏ పదవి వచ్చేఅవకాశంలేదు. ఉన్నపదవులను కోల్పోవుదురు. ఎన్నికలలో పోటీచేసినా ఓటమి పాలగుదురు. అధిక ధనవ్యయం, స్థిరాస్తులనుపోగొట్టుకుంటారు.  
 
పరాభవ నామ సంవత్సరం సింహ రాశి కళాకారులకు
 
ఈ రాశి కళాకారులకు పరాభవ నామ సంవత్సరం అనుకూలంగా ఉండదు. టీవీ, సినిమా రంగంలో ఉండేవారు అవకాశాలు కోల్పోతారు.    గాయనీ,గాయకులు, నటీనటవర్గం, సాంకేతిక నిపుణులకు మంచి సమయం కాదు. అవార్డుల విషయంలోనూ మీకు అన్యాయం జరుగుతుంది

సింహ రాశి వ్యాపారులకు

ఈ రాశి వ్యాపారులకు పరాభవ నామ సంవత్సరం మిశ్రమ ఫలితాలనిస్తుంది. ఆశించిన స్థాయిలో లాభం రాదు. వచ్చిన అవకాశాలు చేజారిపోతాయి. బంగారం, వెండి వ్యాపారులకునష్టాలుంటాయి. సరుకులు నిల్వచేసేవారికి పర్వాలేదు. నిర్మాణ రంగానికి సంబంధించిన వ్యాపారం చేసేవారికి సాధారణ ఫలితాలున్నాయి. జాయింట్ వ్యాపారం చేసేవారు తగాదాల కారణంగా విడిపోతారు. రియల్ ఎస్టేట్ రంగానికి చెందినవారు రాణిస్తారు

సింహ రాశి విద్యార్థులకు

సింహ రాశి విద్యార్థులకు పరాభవ నామ సంవత్సరం అనుకూల ఫలితాలున్నాయి. జ్ఞాపకశక్తి తగ్గుతుంది..చదువుపై కన్నా ఇతర వ్యాపకాలపై దృష్టి సారిస్తారు. బొటా బొటి మార్కులతో ఉత్తీర్ణులవుతారు. ఇంజనీరింగ్, మెడిసిన్, బి.ఇడి., లాసెట్, ట్. అనెట్, పాలిటెక్నిక్ సహా ఎంట్రన్స్ పరీక్షల్లో మంచి ర్యాంకులు రావు, కోరుకున్న కళాశాలలో సీట్ పొందలేరు. 

సింహ రాశి వ్యవసాయదారులకు

ఈ రాశి వ్యవసాయదారులకు  మొదటి పంటకంటే రెండవపంట ఫలిస్తుంది. అప్పులు చేయాల్సి వస్తుంది. ఇంట్లో విరోధాలు పెరుగుతాయి, చేపలు, రొయ్యలు చెరువుల వ్యాపారం చేసేవారికి నష్టం తప్పదు. పౌల్ట్రీకి చెందేవారికి నష్టాలే. మాటపట్టింపులు ఎక్కువగా ఉంటాయి

సింహ రాశి స్త్రీలకు

సింహ రాశి స్త్రీలకు ఈ ఏడాది మంచి ఫలితాలు లేవు. మాట పట్టింపులు, విరోధాలు ఎదురవుతాయి. విలువైన వస్తువులు పోగొట్టుకుంటారు. ఉద్యోగాలు చేసేవారికి దూరప్రాంతములకు బదీలీ అవుతారు. ఆరోగ్యం సాధారణంగా ఉంటుంది. శస్త్రచికిత్సజరుగును. గర్భిణీస్త్రీలకు ఆపరేషన్ అవుతుంది. 

ఓవరాల్ గా సింహరాశివారికి ఈ ఏడాది సవాలుగా ఉండబోతోంది.  మీయొక్కశక్తిసామర్ధ్యాలు, తెలివితేటలు, ధైర్యసాహసాలు ప్రదర్శించినా పెద్దగా ఫలితం ఉండదు. సంయమనం పాటించాలి..సహనంగా వ్యవహరించాలి..కష్టపడాలి

గమనిక: ఇక్కడ అందించిన సమాచారం కేవలం మీ నమ్మకాలపై ఆధారపడి ఉంటుంది. పండితులు చెప్పిన వివరాలు, పంచాంగం నుంచి సేకరించి రాసిన వివరాలు ఇవి. ఓ రాశిలో ఫలితాలు మొత్తం ఒక్కరికే వర్తిస్తాయని భావించరాదు. మీ వ్యక్తిగత జాతకంలో గ్రహస్థితి ఆధారంగా ఫలితాల్లో మార్పులుంటాయి. ఏదైనా లేదా నమ్మకాన్ని అమలు చేయడానికి ముందు సంబంధిత నిపుణుడిని సంప్రదించండి.

వృషభ రాశివారికి పరాభవ నామ సంవత్సరం అద్భుతంగా ఉంటుందా? 2026 ఉగాది పంచాంగం కోసం ఇక్కడ క్లిక్ చేయండి

మరిన్ని చదవండి

పరాభవ నామ సంవత్సరం (2026-2027) కర్కాటక రాశి ఫలాలు! ధనం, గౌరవం, విజయం మీ సొంతం!

వృషభ రాశివారికి పరాభవ నామ సంవత్సరం అద్భుతంగా ఉంటుందా? 2026 ఉగాది పంచాంగం