Shah Rukh Khan: గిన్నిస్ రికార్డు సృష్టించిన షారుఖ్ ఖాన్ ఐకానిక్ పోజ్ - ఎలాగో తెలుసా?

షారుఖ్ ఖాన్ నటించిన రీసెంట్ మూవీ ‘పఠాన్’ సినిమా సూపర్ అయింది. ఈ నేపథ్యంలో షారుఖ్ శనివారం తన నివాసం ‘మన్నత్’ ఎదుట తన ఫ్యాన్స్ తో మీట్ అండ్ గ్రీట్ కార్యక్రమాన్ని నిర్వహించారు. అక్కడ నుంచి అభిమానులకు..

Image Credit:Shah Rukh Khan/Instagram

Shah Rukh Khan: బాలీవుడ్ బాద్ షా షారుఖ్ ఖాన్ కు దేశవ్యాప్తంగా క్రేజ్ ఉందే తెలిసిందే. ఆయన పేరు చెప్పగానే ముందు గుర్తొచ్చే సినిమా ‘దిల్వాలే దుల్హనియా లేజాయేంగే’. 1995 లో విడుదలైన ఈ సినిమా భారీ సక్సెస్ ను అందుకుంది. తొంభైవ దశకంలో అత్యంత ఆదరణ పొందిన ఆల్బమ్ గా ఈ సినిమాలోని పాటలు రికార్డుకెక్కాయి. ఇప్పటికీ ఈ మూవీలో పాటలంటే చెవికోసుకుంటారు షారుఖ్ అభిమానులు. అంతే కాకుండా ఈ సినిమాలో షారుఖ్ ఐకానిక్ పోస్ కు విపరీతమైన క్రేజ్ వచ్చింది. ఇప్పటికీ షారుఖ్ అప్పుడప్పుడు ఫంక్షన్ లలో ఆ ఐకానిక్ ఫోస్ ను రీ క్రియేట్ చేయడానికి ప్రయత్నిస్తూ ఉంటారు. ఇప్పుడిదే ఫోస్ గిన్నిస్ రికార్డు క్రియేటక్ చేసింది.

300 మందితో ఐకానిక్ పోస్ రీ క్రియేట్..

షారుఖ్ ఖాన్ నటించిన రీసెంట్ మూవీ ‘పఠాన్’ సినిమా సూపర్ అయింది. ఈ మూవీలో దీపికా పదుకోణ్ హీరోయిన్ గా చేసింది. ఈ  సినిమాకు సిద్దార్థ్ ఆనంద్ దర్శకత్వం వహించారు. వచ్చే ఆదివారం ఓ ఛానల్లో ప్రసారం అవ్వనుంది. ఈ నేపథ్యంలో షారుఖ్ శనివారం తన నివాసం ‘మన్నత్’ ఎదుట తన ఫ్యాన్స్ తో మీట్ అండ్ గ్రీట్ కార్యక్రమాన్ని నిర్వహించారు. అక్కడ నుంచి అభిమానులకు అభివాదం చేశారు. తనపై ఇంత ప్రేమ కురిపిస్తున్న అభిమానులకు ధన్యవాదాలు తెలిపారు షారుఖ్. అంతే కాదు తన ఐకానిక్ పోస్ ను రి క్రియేట్ చేశారు. అయితే ఇదే కార్యక్రమంలో సదరు ఛానల్ సుమారు 300  మంది ఫ్యాన్స్ తో షారుఖ్ ఐకానిక్ పోస్ ను రీ క్రియేట్ చేయించారు. ఈ రీ క్రియేట్ ఇప్పుడు గిన్నిస్ బుక్ లో చోటు సంపాదించుకుంది. అందుకు సంబంధించిన ఫోటోలు, వీడియోలు నెట్టింట వైరల్ అవుతున్నాయి. 

రికార్డులు సృష్టించిన ‘పఠాన్’..

ఇక షారుఖ్ రీసెంట్ గా నటించిన సినిమా ‘పఠాన్’ రికార్డులు సృష్టించింది. బాక్స్ ఆఫీస్ దగ్గర బిగ్గెస్ట్ బ్లాక్ బస్టర్ హిట్ గా నిలిచిందా మూవీ. సినిమాలో కంటెంట్ యావరేజ్ గా ఉన్నా షారుఖ్ మానియా ఈ మూవీకు బాగా వర్కౌట్ అయిందనే చెప్పాలి. ఇక మూవీ కలెక్షన్ల విషయానికస్తే దాదాపు వెయ్యి కోట్ల రూపాయలు పైగానే వసూళ్లు సాధించింది. ఇప్పుడు రష్యా కామన్వెల్త్ దేశాల్లో విడుదలకు సిద్దమైందీ ‘పఠాన్’. మరి అక్కడ ఎలాంటి రికార్డులు క్రియేట్ చేస్తుందో చూడాలి. 

‘జవాన్’ గా షారుఖ్..

‘పఠాన్’ సినిమా సక్సెస్ తో దూసుకుపోతున్నాడు. ఇప్పుడు మరోసారి భారీ యాక్షన్ ‘జవాన్’ తో మళ్లీ ప్రేక్షకుల ముందుకు రావడానికి సిద్దంగా ఉన్నాడు. ఈ సినిమాకు అట్లీ దర్శకత్వం వహిస్తున్నారు. షారుఖ్ ఖాన్ సొంత బ్యానర్ రెడ్ చిల్లీస్ ఎంటర్టైన్మెంట్ బ్యానర్ పై గౌరీ ఖాన్ ఈ సినిమాను భారీ బడ్జెట్ తో నిర్మిస్తున్నారు. ఈ సినిమాలో విజయ్ సేతుపతి కూడా ఓ కీలక పాత్రలో కనిపించనున్నారు. లేడీ సూపర్ స్టార్ నయనతార కూడా ఈ సినిమాలో నటిస్తోంది. సన్సేషనల్ మ్యూజిక్ డైరెక్టర్ అనిరుధ్ ఈ సినిమాకు సంగీతాన్ని అందిస్తున్నారు. సెప్టెంబ‌ర్ 7న ప్రపంచ వ్యాప్తంగా హిందీ, తెలుగు, త‌మిళ భాష‌ల్లో ‘జవాన్’ సినిమాను విడుదల కానుంది.