Samantha: ప్రియాంక చోప్రాకు తల్లిగా సమంత, ఇవిగో ఆధారాలు!

టాలీవుడ్ బ్యూటీ సమంత ప్రస్తుతం ‘సిటాడెల్’ అనే హిందీ వెబ్ సిరీస్ లో నటిస్తోంది. ఈ వెబ్ సిరీస్ నుంచి తాజాగా ఓ అప్డేట్ బయటకొచ్చింది. ప్రస్తుతం ఆ వార్త నెట్టింట వైరల్ గా మారింది.

Image Credit:Priyanka Chopra/Samantha/Instagram

Samantha: టాలీవుడ్ స్టార్ హీరోయిన్ సమంత వరుస సినిమాలతో దూసుకుపోతుంది. ఓ వైపు సినిమాలు చేస్తూనే మరోవైపు వెబ్ సిరీస్ లతోనూ తన సత్తా చాటుతోంది. గతంలో రాజ్ అండ్ డీకే దర్శకత్వంలో వచ్చిన ‘ఫ్యామిలీమెన్’ వెబ్ సిరీస్ లో తన నటనతో ఆకట్టుకున్న సమంత మరోసారి రాజ్ అండ్ డీకే దర్శకత్వంలో రూపొందుతున్న ‘సిటాడెల్’ హిందీ వెబ్ సిరీస్ కోసం పనిచేస్తుంది. ఇప్పటికే ఈ వెబ్ సిరీస్ గురించి అనేక రకాల వార్తలు వస్తున్నాయి. మరోవైపు ‘సిటాడెల్’ హిందీ వెర్షన్ శరవేగంగా షూటింగ్ జరుపుకుంటోంది. ప్రస్తుతం ‘సిటాడెల్’ ఇంగ్లీష్ సిరీస్ స్ట్రీమింగ్ అవుతోంది. ఈ వెబ్ సిరీస్ లో గ్లోబల్ బ్యూటీ ప్రియాంక చోప్రా నటిస్తోంది. అయితే తాజాగా ఈ ‘సిటాడెల్’ వెబ్ సిరీస్ గురించి ఓ ఇంట్రస్టింగ్ వార్త ఒకటి సోషల్ మీడియాలో హల్చల్ చేస్తుంది. 

ప్రియాంక చోప్రాకు తల్లిగా సమంత..

‘సిటాడెల్’ ఇంగ్లీష్ వెర్షన్ ఏప్రిల్ 28 నుంచి సక్సెస్ఫుల్ గా స్ట్రీమింగ్ అవుతోంది. ఇప్పటికే కొన్ని ఎపిసోడ్లు పూర్తయ్యాయి. అయితే రీసెంట్ గా ఐదో ఎపిసోడ్ విడుదల తర్వాత ఓ ఆసక్తికర విషయం ఒకటి బయటకు వచ్చింది. ఇందులో ప్రియాంక చోప్రా తన తండ్రిని పిలిచినప్పుడు హీరో వరుణ్ ధావన్ వాయిస్ వినిపించింది. దీంతో పిసీ కు వరుణ్ తండ్రిగా కనిపించనున్నారని అర్థమవుతోంది. ఈ మేరకు సమంత కూడా ప్రియాంకకు తల్లిగా కనిపింస్తుందా అనే కోణంలో కూడా చర్చ జరుగుతోంది. 

ఇంగ్లీష్ వెర్షన్ కు ప్రీక్వెల్ గా హిందీ వెర్షన్?

‘సిటాడెల్’ ఇంగ్లీష్ వెర్షన్ లో నటిస్తోన్న ప్రియాంక చోప్రాకు వరుణ్ ధావన్ తండ్రి అయితే హిందీ వెర్షన్ అంతకు ముందే జరిగిన కథలా చూపిస్తారని తెలుస్తోంది. హిందీ వెర్షన్ ఇంగ్లీష్ వెర్షన్ కు రిమేక్ కాదని, ఈ రెండు విభిన్నమైన కథలుగా ఈ వెబ్ సిరీస్ లు రూపొందుతున్నాయనే వార్తలు ముందు నుంచే ప్రచారంలో ఉన్నాయి. తాజాగా ఈ ప్రచారంతో అది నిజమే అని తెలుస్తోంది. మొత్తానికి వరుణ్ ధావన్, సమంత ఈ వెబ్ సిరీస్ లో ప్రియాంకకు తల్లిదండ్రులుగా కనిపిస్తారనే వార్తలతో ‘సిటాడెల్’ హందీ వెర్షన్ పై కూడా భారీ అంచనాలు ఏర్పడ్డాయి. అయితే ఈ విషయాన్ని ఇంగ్లీష్ వెర్షన్ చివరి ఎపిసోడ్ లో రివీల్ చేసే అవకాశం ఉందని ఫిల్మ్ వర్గాల్లో టాక్ నడుస్తోంది. ఈ వెబ్ సిరీస్ హిందీ వెర్షన్ 1990 దశకం నాటి కథతో రూపొందుతుందనే టాక్ కూడా ఉంది. ఇందులో సమంత, వరుణ్ ధావన్ లు అప్పటి జనరేషన్ జంట లా కనిపించనున్నారని సమాచారం. ఏదేమైనా ‘సిటాడెల్’ వెబ్ సిరీస్ ఇంగ్లీష్, హిందీ వెర్షన్ లను లింక్ చేస్తూ అనేక వార్తలు వస్తున్నాయి. అయితే ఈ వార్తలపై ఎలాంటి అధికారిక ప్రకటనా ఇంకా రాలేదు. ఇక సమంత కూడా ప్రస్తుం వరుస సినిమాలతో దూసుకుపోతుంది. త్వరలో ఆమె నటించిన ‘ఖుషీ’ సినిమా కూడా విడుదలకు సిద్దంగా ఉంది. దీనితో పాటు పలు భారీ ప్రాజెక్టుల్లో భాగం అయింది సమంత.